Connect with Us

E qëlloi mizorisht me thikë në zemër/ Zbulohen detaje të reja nga ngjarja e Durrësit

Aktualitet

E qëlloi mizorisht me thikë në zemër/ Zbulohen detaje të reja nga ngjarja e Durrësit

Publikuar

-

Janë zbuluar detaje të reja nga ngjarja e rëndë që ndodhi pasditen e sotme në zonën e Spitallës në Durrës, ku Ardian Kuka 40 vjeç, vrau me thikë gruan e tij Azbije Kuka 36 vjeç.

Sipas informacioneve mësohet se viktima e kishte dënoncuar bashkeshortin në polici për dhunë ku kishte mundur të merrte edhe një Urdhër Mbrojtje.

Bashkëshorti duhet ti qëndronte larg banesës ku qëndronte gruaja e tij bashkë me fëmijën 10 vjeçar.

Por sot në drekë ai ka shkuar në banesë duke u konfliktuar në prani të fëmijës 10 vjeçar.  Gjatë sherrit djali është shkëputur dhe ka shkuar te dajat e tij, raporton Syri.net.

Ku kanë mbërritur në shtëpi ata e kanë gjetur të afërmen e tyre të shtrirë në tokë me 5-6 plagë thike në kraharor pranë zemrës.

LEXO EDHE:  Tmerr në Itali/Polici ekzekuton gruan, dy vajzat dhe veten

Një ndër shkaqet e këtij krimi dyshohet të jetë xhelozia. Ndërkohë që policia vazhdon të jetë në kërkim të autorit, i cili mësohet se është arratisur me makinën e tij./CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Ligjvënësit britanikë e cilësojnë Kinën “shtet kriminal”

Publikuar

-

Nga

Ligjvënësit britanikë e cilësojnë Kinën “shtet kriminal”

Ligjvënësit britanikë nga radhët e Komisionit për të Drejtat e Njeriut në Partinë Konservatore e cila ndodhet në pushtet, akuzojnë Partinë Komuniste Kineze ka shtuar sulmet ndaj të drejtave të njeriut në Kinë dhe se vendet që bashkëveprojnë me regjimin duhet të kuptojnë se po bashkëveprojnë me një “shtet kriminal”.

Nga burgosja e miliona ujgurëve në provincën Xinjiang e deri tek goditja e ashpër e protestave dhe demokracisë në Hong Kong, autorët e raportit thonë se ka një përkeqësim të madh të situatës së të drejtave të njeriut në Kinë gjatë pesë viteve të fundit.

“Në veçanti, problemi i vazhdueshëm i punës në formë skllavërie, zhvillimi i teknologjisë së përgjimit për të krijuar një shtet të mbikëqyrjes, rrëfimet me detyrim në televizon, zbatimi i ligjeve të reja që brenda të ashtuquajturit sistem ligjor mundësojnë ndalime dhe zhdukje arbitrare dhe vazhdimi i përdorimit të torturës dhe marrja me forcë e organeve”, thotë Benedict rogers, autor i raportit.

Në mesin e atyre që ndihmuan hartimin e raportit është Rahima Mahmut, e cila është ujgure nga provinca Xinjiang. Pasi pa masakrimin e dhjetëra protestuesve më 1997, ajo u arratis drejt Britanisë. Tani ajo luan në koncerte për të nderuar kulturën ujgure.

Zonja Mahmut i tha Zërit të Amerikës se populli në Xinjiang jetojnë në terror të vazhdueshëm dhe se ajo nuk ka kontaktuar familjen e saj për katër vite.

“Një trokitje në derë sjell frikë për këdo. Sepse mendoni se kanë ardhur që t’ju marrin. Nuk di si ta përshkruaj çfarë ndjej kur lexoj artikuj që shpjegojnë se çfarë po ndodh: dhunim masiv, sterilizim, shpërbërje e familjeve”, thotë Rahima Mahmut, ujgure e arratisur në Britani.

LEXO EDHE:  Rrëfimi i plotë i Luftar Reçit/ Marrëveshja që bëra me Lul Berishën, për të vrarë hasmit tanë!

LEXO EDHE:  Vdes në rrethana misterioze shqiptari në Itali

Përkundër provave në rritje, Kina përsëri këtë javë mohoi ekzistencën e kampeve të burgimit për ujgurët dhe hodhi poshtë akuzat për sterilizime të detyruara të grave ujgure.

“Se çfarë lloj masash kontraceptive marrin njerëzit varet nga indvidët me dëshirën e tyre. Asnjë organizatë ose individ nuk mund të ndërhyjë. Nuk ka sterilizim të detyrueshëm”, thotë Xu Guixiang nga Departamenti Publik i Partisë Komuniste në Xinjiang.

Raporti i Partisë Konservatore në Britani vjen ndërsa shumë ligjvënës kërkojnë rivendosje të marrëdhënieve me Kinën. Kanë kaluar vetëm pesë vite nga deklarimi i ish-kryeministrit britanik David Cameron se marrëdhëniet me Pekinin janë “epokë e artë. Por që atëherë raportet janë acaruar me shpejtësi.

Pas vendimit të ShBA-së për të ndaluar importin e pambukut dhe domates nga Xinjiang pas shqetësimeve për punëtorë në kushte skllavërie, Sekretari i jashtëm britanik Dominic Raab njoftoi kufizime të reja.

“Duhet të veprojnë që të sigurohemi se bizneset britanike nuk janë pjesë e zinxhirit të furnizimit në portat e kampeve të internimit në Xinjiang”, tha ai.

Zonja Mahmut dëshiron që Sekretari Raab të deklarojë përndjekjen e ujgurëve si gjenocid.

“Ai ka thënë shpesh se gjenocidi duhet të vendoset nga gjykata, jo nga politikanët. Por e dimë shumë qartë se nuk mund të ndjekim rrugën e gjykatës përmes Kombeve të Bashkuara sepse Kina ka fuqinë e vetos”, tha Rahima Mahmut, ujgure e arratisur në Britani.

Pekini mohon të ketë kryer abuzime të mëdha të të drejtave të njeriut dhe u ka bërë thirrje në mënyrë të përsëritur vendeve perëndimore që të ndalojnë ndërhyrjen në ato që Kina i quan punë të brendshme./ VOA

LEXO TE PLOTE

Politikë

Mbrohet nga UNESCO/ Projekte për turizmin në Gjirokastër

Publikuar

-

Nga

Mbrohet nga UNESCO/ Projekte për turizmin në Gjirokastër

Në Gjirokastër, një qytet që mbrohet nga UNESCO, tre projekte të mëdha në vlerën e mbi 10 milionë dollarëve pritet të ndihmojnë sektorin turistik. Projektet në infrastrukturë mbështeten nga qeveria shqiptare ,Banka Botërore dhe Fondi Amerikan i Zhvillimit. Kryetari i Bashkisë së Gjirokastrës Flamur Golemi thotë se dy nga investimet më të rëndësishme janë rivlerësimin sheshit të Qendrës Historike mendërtimin e një parkingu nëntokësor dhe ndërtimi i një nyjeje të re rrugore që lidh zonën esipërme historike të qytetit me pjesën urbane.

“Gjirokastra është një qytet turistik ,është një qytet që e duan të huajt, e duan shqiptarët ,është një pasuri mbarëbotërore. Ne kemi filluar me proejktin e ri “Shehsi Cerciit”. Është një shesh që do të rikoncpetohet duke mos prekur elementët urbanë egzistues. Do kthehet në një vend pushimi për gjithë turistët dhe një vend parkimi”.

Në 2019 Qendra Historike kishte mbi 120 mijë turistë duke krijuar probleme për shërbimet ndaj tyre dhe 300 vendet e reja tëparkimit që krijohen thotë zoti Golemi janë një lehtësim i madh. Zoti Golemi thotë se Fondacioni Shqiptaro Amerikan i Zhvillimitdhe Fondi shqiptar i Zhvillimit kanë mbështetur projektin e rivlerësimit të sheshit ndërsa nyja e re rrugore financohet nga qeveria shqiptare.

“Tashmë jemi gati në fillimin e punimeve dhe besoj brenda fundit të vitit të kemi gati sheshin e ri”, tha zoti Golemi

Qeveria shqiptare u tërhoq së fundi nga projekti i mëparshëm i ndërtimit të një nyje të re rrugore në Qendrën Historike të Gjirokastrës, i cili kishte mbetur pezull prej gati pesë vitesh, prej reagimeve të forta në mbrojtje të trashëgimisë kulturore. Projekti prekte lagjen më të vjetër të qytetit ndërsa nyja e re rrugore siguronlidhjen e lagjeve të sipërme me rrugën hyrësetë qytetit duke mos cënuar pjesën muzeale që mbrohet nga UNESCO. Bashkia e Gjirokastrës pritet të japë lejen ndërtimore pas shprehejs së mendimit nga Unesco për projektin ndëkrohë që financimi është siguruar nga qeveria shqiptare.

Zoti Golemi thotë më tej se një projekt tjetër i financuar nga Banka Botërore po mbështet fuqizimin e muzeve të Gjirokastrër ku përfshihen itinerare të reja dhe shtëpia muze e shkrimtarit të shquar shqiptar Ismail Kadare.

LEXO EDHE:  Vdes në rrethana misterioze shqiptari në Itali

LEXO EDHE:  Këlliçi denoncon “krimin” në Durrës/ “Dhjetëra biznese gjobiten me mbi 10 milionë lekë”

“Një projekt i financua nga Banka Botëroe përmes Fondit shqiptar të Zhvillimit konsiston në restaurimin dhe muzealizimin e Muzeut Etnografik , kthimit të shtëpisë “Kadare” në Muzeu “Isamil Kadare”. Ndërkohë projekti përfshin restaurimin dhe interpretimin e shtegut turistik “Kronikë në Gur”, që ne e njohim si “Sokaku i të marrëve” dhe restaurimi i shtegut “Eduart Lear”.

Kryetari i Bashkisë së Gjirokastrës thotë se prrojektet pritet të ndihmojnë edhe në ekonominë e qytetit dhe në punësimin, të goditur rëndë nga pandemia gjatë vitit 2020.

Gjirokastra u pranua 15 vite më parë në Listën e Pasurive Botërore dhe vitet e fundit turizmi shihet si një shpresë për ekonominë e qytetit. Restaurimi i Pazarit historik dhe një seri investimesh të sipërmarrjeve private, sidomos në fushën e hotelerisë, prite të mbështeten nga investimet më të fundit, për të forcuar ofertën turistike./ VOA

LEXO TE PLOTE

Aktualitet

Spartak Ngjela përkujton Gjergj Kastriot Skënderbeun/ Jep mesazhin e fortë

Publikuar

-

Nga

Spartak Ngjela përkujton Gjergj Kastriot Skënderbeun/ Jep mesazhin e fortë

Avokati Spartak Ngjela ka dhënë një mesazh të fortë, teksa ka përkujtuar heroin kombëtar Gjergj Kastriot Skënderbeun, në ditën e vdekjes.

Ngjela thotë se sa të jetë kujtimi i Skënderbeut, do të ketë shqiptarë dhe sa të ketë shqiptarë do të ketë Shqipëri e Kosovë të bashkuar rreth figurës së tij.

Më tej, Ngjela thekson se kjo ka për të ndodhur përgjithmonë, pasi kujtimi i heroit kombëtar nuk do të shuhet.

Sot, me nderim të madh, u përkujtua dita e vdekjes së heroit tonë kombëtar, Gjergj Kastriot Skënderbeut.

Ishin dhjetëra mijëra shqiptarë, në Shqipëri dhe në Kosovë, ata që u përfshinë në këtë datë të shenjtë për heroin që iu dha shqiptarëve atdheun e tyre – me heroikën e tij historike.

Sa të jetë kujtimi i Tij, do të ketë shqiptarë; dhe sa të ketë shqiptarë do të ketë Shqipëri e Kosovë të bashkuar rreth figurës së Tij.

Domethënë: përgjithmonë…”, shkruan avokati në rrjetet sociale./ CNA.al

LEXO TE PLOTE