Connect with Us

“As që e ka idenë se çfarë po vesh”/ Rihanna “masakrohet” nga komentuesit për racizëm

Aktualitet

“As që e ka idenë se çfarë po vesh”/ Rihanna “masakrohet” nga komentuesit për racizëm

Publikuar

-

Shumë të famshëm akuzohen shpesh herë për daljet e tyre në kopertinat e vëndeve të tjera si Kina, Rusia etj. Por këtë herë bëhet fjalë për Rihannën, në kopertinën e muajit gusht të Harper’s Bazaar China.

Këngëtarja, shfaqet e veshur me një fustan blu me mëngë karakteristike dhe një erashkë kineze. Gjithashtu stilimi i flokëve dhe aksesorët janë pjesë e stilit tradicional kinez. Madje dhe makijazhi me mesin e buzëve të lyer me ngjyrë të kuqe janë karakteristike për vajzat kineze.

Revista shpërndau fotot në rrjetet e saj sociale, duke e përshkruar dukjen e Rihannës me fjalët “Ikona perëndimore e stilit takohet me estetikën lindore”.

E gjithë kjo sipas ndjekësve është përvetësim kulturor dhe mjaft ofenduese për kulturën kineze.

“Unë jam aziatike dhe ndihem e ofenduar. E di që Rihannës dhe krijuesve të kësaj fotoje nuk i plas për mendimin tim, që vetëm sa provon mungesën e respektit që ata kanë për kulturën tonë. Nëse doje të krijoje një pamje aziatike, pse nuk ftove artistë aziatikë?”

“Jo e përshtashme dhe raciste. Ajo as që e ka idenë se çfarë po vesh.”

LEXO EDHE:  Rihanna rrëfen pengun e adoleshencës/ Këshilla e saj do ju lumturojë

“Ky është vlerësim kulturor, jo përvetësim. Nëse ajo do shprehej se ishte kineze apo se kishte shpikur këtë stil, atëherë do ishte përvetësim.

“Askush nuk e kupton që kjo është një revistë KINEZE? Është realisht një revistë aziatike që po përdor një modele.”

“Kompanitë e revistave aziatike nuk do e veshin me veshje perëndimore apo diçka nga Barbados. Ata do përdorin kulturën e tyre për të veshur modelen.”

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Pse hesht Lukashenko i Tiranës në krye të OSBE!

Publikuar

-

Nga

Pse hesht Lukashenko i Tiranës në krye të OSBE!

Bjellorusia po përballet me një prej krizave më të rënda politike. Presidenti aktual , Alexander Lukashenko, ka fituar zgjedhjet presidenciale me 80,23 për qind të votave, por Opozita ka deklaruar se nuk e njeh rezultatet e zgjedhjeve, duke e akuzuar presidentin për manipulimin e rezultatit.

Ndërkaq, mijëra njerëz kanë dalë në rrugë në mbarë vendin, duke kërkuar “zgjedhje të ndershme”.

Lidhur me keto zhvillime ka reaguar dhe ish kryeministri Sali Berisha i cili duke bërë një paralelizëm me situatën në Shqipëri, dënon heshtjen e kryeministrit Rama në krye të OSBE.

Ai i bën thirrje vendeve anëtare të OSBE të konsiderojnë ndërprerjen e menjëhershme të mandatit të Ramës, pasi sipas tij, me qëndrimin e tij, po frymëzon Lukashenkot e tjerë në hapsirën e Organizatës së Sigurisë dhe Bashkepunimit në Europë.

“Miq, ne nje akt te paprecedente kryesia e OSBE me kryetar Lukashenkon e Ballkanit, Edvin Drogen nuk ben dot nje deklarate per grabitjen e zgjedhjeve nga Lukashenko i Bjellorusise.

Shkaku i heshtjes se Lukashenkos se Ballkanit per krimin e shemtuar elektoral te Lukashenkos se Bjellorusise qendron:



1-Ne grabitjen e zgjedhjeve te pergjithshme parlamentare te vitit 2017 nepermjet droges, pushtetit te tij te krimit, bandave kriminale tashme te dokumentuara dhe publikuara ne gazeten gjermane Bild.

LEXO EDHE:  OKB kritika Australisë për indiferencën ndaj refugjatëve

LEXO EDHE:  Akuza e Kryemadhit/ Rama e ka marrë me qera PS-në

2-Lukashenko i Tiranes eshte i vetmi ne historine e Europes pas renies se Murit te Berlinit qe ne vitin 2019 zhvilloi zgjedhje vendore moniste duke dhunuar keshtu kushtetuten e vendit, Konventen Europiane te te Drejtave te Njeriut dhe vendimet e Gjykates Europiane te te Drejtave te Njeriut per zgjedhjet demokratike.

3-Lukashenko i Ballkanit pasi ne procesin e reformes zgjedhore deshtoi tua besonte administrimin e zgjedhjeve administrates se hiperpolitizuar te narkoshtetit te tij per te grabitur disa mandate ne zgjedhjet e ardhshme vendosi si zuzar te shkelmoje marreveshjen konsensuale te 5 qershorit te vitit 2020 dhe te ndryshoje kushtetuten per te mundur me grabit me ato ndryshime disa mandate, gje te cilen Lukashenko i Bjellorusise nuk e beri.

Per te gjitha keto Lukashenko i Tiranes nuk mund te shqiperonte nje fjale te vetme kritike per Lukashenkon e Bjellorusise.

Me kete rast ju bej thirrje vendeve anetare te OSBE te konsiderojne nderprerjen e menjehershme te mandatit te Lukashenos se Tiranes pasi ai me qendrimet e tij frymezon Lukashenkot e tjere ne hapsiren e Organizates se Sigurise dhe Bashkepunimit ne Europe dhe ka zhytur kete organizate tejet te rendesishme ne krize te thelle. sb”/CNA.al

LEXO TE PLOTE

Aktualitet

Katër bandat që drejtojnë Shqipërinë

Publikuar

-

Nga

Katër bandat që drejtojnë Shqipërinë

Nuk janë shumë, janë shumë pak, më pak se gishtat e plotë të një dore. Por këto katër, janë shumë e teprojnë. Le t’i shohim një e nga një.

Dikush mund të mos bjerë dakord, dikush mund të shtojë të tjera, dikush mund t’i zëvendësojë, por është e sigurt se më shumë se kaq mund të ketë dhe më pak jo. Janë sjellë dhe kanë vepruar të gjithë si bandë, ashtu si grupet e strukturuara kriminale, me gjoba, grabitje pronash, shantazhe, apo shumë forma krimi,  dhe kjo definohet si e tillë për shkak të pasojave që i kanë lënë vendit në këto 30 vite.

Banda e politikës

E para, është banda e politikës. Kryesorja, përgjegjësja për situatën politike, ekonomike dhe shoqërore që po kalon vendi. Në këtë bandë përfshihen partitë politike me çdo lloj flamuri, nga më e madhja te më e vogla, ato që kanë përfituar pushtet, tendera, emërime e shkarkime dhe deri në krime, për të cilat po të nisnim të shkruanim, do të na duheshin ditë dhe netë.

Këtu përfshihet qeveria apo qeveritë si përgjegjëse, pa lënë mënjanë dhe Parlamentin, pra ekzekutivi e legjislativi dhe politika bashkë në një bandë. Ka bërë këto 30 vite gjithçka, mund të rradhisësh çdo gjë, të gjitha si fakte, se akuza s’ka më vlerë, janë të provuara.

Banda e drejtësisë

Banda e dytë është banda e drejtësisë. Këtu në fakt do të themi padrejtësia, korrupsioni e gjobat që vendosin ditë e natë prokurorë, gjyqtarë, avokatë, në emër të drejtësisë bëjnë padrejtësinë. Vjedhin dhe plaçkisin shqiptarët çdo ditë, pasojat mund të kenë qenë nga më katastrofiket.



Duke filluar nga lidhja me politikën, pra me bandën e parë, drejtësia është banda e dytë dhe më kriminalja që drejton sot Shqipërinë. Flitet për një reformë, ka disa shkëndija, por ende vazhdon të jetë një bandë kriminale e paçmontuar dhe kryesisht e kapur nga banda e parë. Këta  ishin, dhe janë në garë me të parët, njëra dorë lanë tjetrën.

LEXO EDHE:  Foto/ Rihanna “surprizon” ndjekësit, pozon seksi me të brendshme

LEXO EDHE:  Foto/ Stili i ri i Rihannës është trendi i momentit

Banda mediatike

Banda e tretë është, jo më pak e frikshme, jo më pak e rrezikshme, jo me më pak pasoja, është banda mediatike. Pronarët e mediave, editorë, drejtuesë kryesorë të tyre janë pasuruar duke shfrytëzuar bandën e parë dhe të dytë, pra lidhjet e forta me partitë, qeverinë dhe Parlamentin, partitë me deputetët dhe kandidatët duke i çuar në Parlament dhe qeveritë me ministrat duke bërë ligje për interesat e tyre. Nga ana tjetër e kanë shfrytëzuar këtë liri për të pasur nën kontroll dhe bandën e dytë, atë të drejtësisë, me emërime gjyqtarësh e prokurorësh dhe me influencën e tyre duke fituar çështjet.

Bandat e krimit

Banda e katërt janë bandat e krimit, ajo e rëndomta që ndodh çdo ditë, e grupeve kriminale, por po t’i numërosh çdo ditë viktimat dhe pasojat e tyre ndoshta janë shumë herë më pak sesa vetë krimi, pasojat dhe dëmet që i janë shkaktuar Shqipërisë nga tre bandat e mësipërme.

Gjithsesi të katërta janë banda. Të katërta i kanë shkaktuar problemet më të mëdha shqiptarëve dhe vendit. Dy të parat duke mos e luftuar të katërtën ose duke i shërbyer njëra-tjetrës, e treta duke qenë në shërbim të tre të tjerave dhe kështu me radhë, duke u lidhur e duke u bërë kokë e një katërshje bandash që fatkeqësisht sot janë pushteti i përbashkët i Shqipërisë./ CNA.al

LEXO TE PLOTE

Politikë

“Ministria me pushime”/ Boçi: S’ka strategji për rifillimin e vitit shkollor, të ngrihet grup pune

Publikuar

-

Nga

“Ministria me pushime”/ Boçi: S’ka strategji për rifillimin e vitit shkollor, të ngrihet grup pune

Ish-deputeti i Partisë Demokratike, Luçiano Boçi, ka ngritur akuza për qeverinë lidhur me fillimin e vitit të ri shkollor.

Boçi deklaron se qeveria nuk ka asnjë strategji për rikthimin e nxënësve në shkolla, pasi sipas tij Ministria është me pushime.

Demokrati thotë në një postim në rrjetet sociale se dështimi i mësimit online duhet rikuperuar me shpejtësi, ndërsa pretendon se shkollat nuk ofrojnë realizim të protokolleve shëndetësore.

“Ndërsa e gjithë Evropa është e angazhuar dhe e qartë për të ulur nxënësit në bankat e shkollave dhe arsimin e shpall prioritet numër një, Qeveria e Ministria jonë e Arsimit janë arratisur në pushime të gjata. Udhëzimi për fillimin e vitit shkollor duhet të kishte dalë, ndërsa përgatitja e shkollave duhet të kishte nisur. Problemet e akumuluara janë me qindra, por Ministria sillet sikur çdo gjë shkon vaj.



Dështimi i mësimit online duhet rikuperuar me shpejtësi, për të mos krijuar gropa në formimin e brezave, por askush nuk vepron. Shkollat nga ana fizike në një pjesë të madhe janë të degraduara dhe jashtë standarteve evropiane për shkollat e shëndetshme. Nuk ofrojnë asnjë garanci higjeno-sanitare dhe realizim të protokolleve shëndetësore. Investimet për mjete mësimore, apo rikonstruksione janë zero”, shprehet ai.

LEXO EDHE:  Foto/ Rihanna “surprizon” ndjekësit, pozon seksi me të brendshme

LEXO EDHE:  Foto/ Stili i ri i Rihannës është trendi i momentit

Ish-deputeti kërkon që të ngrihet sa më shpejt grupi i punës me specialistë të pedagogjisë dhe ekspertë të shëndetësisë, për të hartuar strategji konkrete e efikase.

“Ministrja përpëlitet në deklarata për tre skenarë, sikur do bëjë filmin e rradhës. Ndërkohë duhet të kishte të ngritur grupin e punës me specialistë të pedagogjisë e didaktikës, të IT e ekpertë të shëndetësisë, për të hartuar strategji konkrete e efikase si zgjidhje reale.

Përkundër kësaj ministria parashtron dilema e s’di akoma kë “skenar” të zgjedhë. E gjitha si në historinë e gomarit, të cilit i vendosën përpara tagji dhe jonxhë e i kërkuan të zgjedhë vetëm njërën si ushqim. Duke mos ditur kë të zgjedhë, midis shumë dilemave (dy, ministria ka tre) i ngrati, ngordhi nga uria. Mos o Zot të na i ndodhë ndonjë gjë ministrisë!!! Rroftë Ministria online e Pushimeve!!!!”, shkruan më tej Boçi./ CNA.al

LEXO TE PLOTE