Connect with Us

Këshilli Shtetëror i Cilësisë u heq licensat tre universiteteve publike

Aktualitet

Këshilli Shtetëror i Cilësisë u heq licensat tre universiteteve publike

Publikuar

-

Sipas këtij vendimi, këto universitete nuk mund të regjistrojnë studentë të rinj për këtë vit akademik, ndërsa vazhdon mësimi për studentët që tashmë janë në vitin e dytë dhe të tretë të studimeve….

Në Kosovë, Këshilli Shtetëror i Cilësisë, tërhoqi akreditimin për tri universitete publike, duke nxitur reagimin e këtyre institucioneve, por edhe qeverisë së Kosovës, që paralajmëroi veprime kundërshtuese.

Këshilli i Cilësisë, që vepron në kuadër të Agjencisë së Akreditimit vendosi që në bazë të raporteve të ekspertëve ndërkombëtarë, t’u tërhiqet akreditimi për vitin akademik 2019/2020, Universiteteve Publike; “Ukshin Hoti” në Prizren, “Isa Boletini” në Mitrovicë dhe “Haxhi Zeka” në Pejë.

Universitetet e përfshira në këtë vendim paralajmëruan ankesa duke e cilësuar atë të papranueshëm.

Ndaj vendimit të Këshillit të Cilësisë, reagoi edhe kryeministri i Kosovës, Ramush Haradinaj, duke cilësuar të padrejtë.

“Nuk e pranoj faktin që dikush i jep vetes të drejtë që maturantët e familjeve të varfra dhe mesatare që nuk i kanë kushtet prindërit e tyre t’i sjellin për të studiuar në Prishtinë sepse rritet e trefishohet kostoja e studimeve, t’i lëmë në rrugë. Nëse dikush ka kujtuar se guxon të bëjë një gjë të tillë ka gabuar në emër të çfarëdo funksioni”, tha kryeministri Haradinaj.

Por, Xhavit Rexhaj, nga Këshilli Shtetëror i Cilësisë, përmes një postimi në rrjetet sociale tha se reagimet e tilla janë ndërhyrje në pavarësinë Këshillit.

“Qeveria, ministria, universitetet e kolegjet nuk bën ta vlerësojnë punën e Agjencisë së Akreditimit e të Këshillit Shtetëror të Cilësisë sepse nuk është punë e tyre. Në një mënyrë a tjetër, secili prej tyre janë pjesë e procesit të vlerësimit, dhe çdo ndërhyrje është ndërhyrje në parimin kryesor: pavarësi e plotë në procesin e akreditimit”, shkruan zoti Rexhaj.

Kryeministri Haradinaj tha është i vetëdijshëm që do të kritikohet për këtë qëndrim por, nuk mund të lejoj lënien e të rinjve jashtë universiteteve.

“Kushdo që e ka bërë këtë, gabim është dhe në Kosovë nuk punohet kështu, nuk jemi krejt mercenarë në këtë vend, na dhemb pak çka ndodhë në këtë vend e nuk guxojmë t’i tolerojmë këto gjëra. E dimë pastaj se do të na kritikojnë se është institucion i pavarur, cilësia e të tilla gjëra por po i shohim çfarë mafia janë, nëpër plot këto institucione të pavarura që i ka vendi e që nuk po interesohen për fëmijët e këtij vendi”, tha ai.

Organizata për rritje të cilësisë në arsim, ORCA, e cila vëzhgon edhe punën e Këshillit Shtetëror të Cilësisë, mbështet vendimet e këtij këshilli.

“ORCA është organizatë që ka monitoruar tash e një vjet në mënyrë konstante Këshillin Shtetëror të Cilësisë, në të gjitha mbledhjet që ne kemi marrë pjesë e që janë të gjitha mbledhjet që ka mbajtur nga Këshilli Shtetëror i Cilësisë e ku janë marrë vendime për akreditime, programe dhe institucione, ne nuk kemi vërejt asnjëherë diçka që do të mund të konsiderohej si dalje prej kompetencave ligjore ose shkelje e ndonjë ligji në fuqi ose ndonjë rregullative tjetër në fuqi”, tha Rron Gjinovci nga kjo organizatë.

Në një bisedë për Zërin e Amerikës, zoti Gjinovci, tha se ndërhyrjet e jashtme në punën e këtij këshilli janë shqetësuese dhe mund të kenë pasoja të rënda.

“Është për t’u shqetësuar jashtëzakonisht shumë kur sheh reagimin e ministrit dhe të kryeministrit sepse këta të dy duke qenë shumë të vetëdijshëm për pasojat që i ka pasur Kosova herën e kaluar kur ata të dy kanë ndërhyrë, prapë po ndërhyjnë edhe po e rrezikojnë Kosovën në procesin e të qenit anëtarë në hapësirën evropiane të arsimit të lartë përmes asociacionit ENQA (Shoqata Evropiane për Sigurimin e Cilësisë në Arsimin e Lartë) ku Kosova është nën vëzhgim. Në shtator pritet të merret vendimi për këtë punë dhe arsyeja pse ne jemi degraduar nga anëtar në anëtar nën vëzhgim, është pikërisht mungesa e pavarësisë institucionale, ndërkaq kjo lloj ndërhyje e re sot mund të shkaktojë përjashtim të tërësishëm nga ENQA që do të thotë zhvleftësim të diplomave dhe probleme të reja për studentët”, thotë ai.

Ai hedh dyshime se këto ndërhyrje po bëhen për shkak të interesave të grupeve të caktuara politike.

“Unë dyshoj që politikanët tanë, duke përfshirë këtu edhe kryeministrin kanë lidhje të caktuara me kolegjet private prandaj nuk mendoj që zhurma e tyre ka të bëjë shumë me universitetet publike por është pikërisht për ta shkatërruar Agjencinë, ta përjashtojnë nga ENQA dhe pasi që kjo të ndodhë atëherë më nuk do të ketë kontrolle edhe çdo kush mund të hap universitete e kësisoj do të regjistrohen pafund studentë në institucione që nuk kanë kurrfarë cilësie, pronarët e atyre institucioneve përfitojnë milionat, i ndajnë ato me politikanët dhe kështu ata i financojnë zgjedhjet e ardhshme”, thotë ai.

Kjo organizatë në bashkëpunim me organizata të tjera të shoqërisë civile paralajmërojnë protestë në mbrojtje të pavarësisë së Këshillit Shtetëror të Cilësisë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: