Connect with Us

Fillojnë aksionet kundër imigrantëve në SHBA

Bota

Fillojnë aksionet kundër imigrantëve në SHBA

Publikuar

-

Administrata e Presidentit Trump po përpiqet t’i japë fund mbrojtjes përmes azilit për shumicën e emigrantëve të Amerikës Qendrore që hyjnë në vend. Një rregullore e publikuar të hënën, i ndalon imigrantët të kërkojnë strehim në Shtetet e Bashkuara nëse ata kanë udhëtuar përmes një vendi të tretë.

Sikurse raporton Zeri i Amerikës, dhjetëra mijëra familje emigrantësh nga Amerika Qendrore udhëtojnë çdo muaj nëpër Meksikë për të ardhur në SHBA. Administrata e Presidentit Trump thotë se familjet përfitojnë nga mangësitë ligjore për të hyrë në vend dhe pastaj presin deri sa të merren në shqyrtim kërkesat e tyre të rreme për azil.

Ndërkohë, të dielën në nëntë qytete amerikane filluan operacionet ndaj 2 mijë imigrantëve të cilët kanë marrë urdhra deportimi. Qytetet përfshijnë Nju Jorkun, Çikagon dhe Los Anxhelesin. Siç njofton korrespondenti i Zërit të Amerikës, Mike O’Sullivan ashpërsimi i masave ka zemëruar demokratët, përfshirë shumë zyrtarë lokalë, por po përshëndetet nga përkrahësit e Presidenit Donald Trump.

Të premten, vijon raportimi i radios amerikane, në San Francisco, kryetarja e bashkisë, London Breed premtoi se qyteti i saj do t’i mbronte imigrantët, duke sfiduar administratën e presidentit Trump.Të dielën, protestuesit u mblodhën në Nju Jork.

“Kontrollet dhe kërcënimi për bastisje, kanë ndikuar tek komunitetet tona duke ngjallur frikë. Ky është i vetmi qëllim i tyre: të përhapin frikë, që t’i bëjnë njerëzit të mos ndjehen të sigurt të dalin nga shtëpitë e tyre”, thotë Carina Kaufman-Gutierrez, e organizatës “Queens Neighborhoods United”.

Të premten, po sipas të njejtës mediaje radiofonike: pranë San Diegos protestuesit marshuan drejt kufirit, ndërsa në Uashington, anëtarë të Kongresit folën për mbipopullimin e qendrave të ndalimit të imigrantëve dhe kushtet johigjienike të tyre.

“Është e panevojshme të kesh një politikë për të ndaluar gra dhe familje të pafajshme që nuk kanë dëmtuar askënd dhe që po kërkojnë ligjërisht azil në Shtetet e Bashkuara”, tha anëtarja demokrate e kongresit, Alexandria Ocasio-Cortez

Zyrtarët amerikanë thonë se janë të mbingarkuar nga njerëzit që duan ta kalojnë kufirin në mënyrë të paligjshme, numri i të cilëve ka aritur në 100 mijë në muaj. Republikanët thonë se bëhet fjalë për krizë.

“Para disa muajsh, ndërsa shumë nga kolegët e mi ankoheshin se situate në kufi ishte një krizë e sajuar, ne po bënim thirrje për veprim të menjëhershëm sepse gjendja ishte e tmerrshme. Qendrat ishin të mbingarkuara dhe të tmerrshme”, tha anëtari republikan i Kongresit, Andy Biggs.

Përkrahësit e Presidentit thonë se Kongresi duhet të rregullojë mangësitë në ligj. Kritikët thonë se sistemi është defektoz dhe duhet të reformohet rrënjësisht.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

I dënuar për mashtrim/ Lirohet nga burgu fallxhori kosovar

Publikuar

-

Nga

Hysri Peqani i njohur si Burdushi është liruar nga burgu. Lajmi është dhënë nga vetë avokati i tij, Asdren Hoxha në rrjetet sociale

Një vendim i Gjykatës së Prizrenit me 8 nëntor të 2019-ës e kishte shpallur fajtor për mashtrim “Burdushin”, duke e dënuar me një vit burg dhe 5000 euro gjobë për veprën penale “mashtrim”.

Ai akuzohej se më 20 qershor 2014, deri më 12 gusht 2014, në Prizren, me qëllim që t’i fsheh faktet dhe në mënyrë të kundërligjshme të fitojë pasuri për vete apo për personin tjetër, e mashtroi dhe i premtoi Q.P., duke i thënë se do t’ia shërojë bashkëshorten, e cila vuan nga depresioni, kundrejt 2000 eurove.

 

LEXO TE PLOTE

Kosova & Rajoni

Bisedimet e paqes/ I dërguari i posaçëm i Trump vizitë në Prishtinë e Beogradë

Publikuar

-

Nga

Ambasadori amerikan në Berlin, Richard Grenell, i dërguar i posaçëm i presidentit Donald Trump për bisedimet e paqes ndërmjet Kosovës dhe Serbisë do të qëndrojë të enjten dhe të premten në Prishtinë dhe në Beograd.

Sipas radios amerikane VOA : ambasadori Grenell viziton të dy kryeqytetet dy ditë pasi, bashkë më këshilltarin e Sigurisë Kombëtare, Robert O’Brien, ndërmjetësoi një marrëveshje ndërmjet Kosovës dhe Serbisë për rihapjen e linjës ajrore Prishtinë – Beograd, në një përpjekje për përmirësimin e lidhjeve ekonomike midis dy vendeve.

 Gjatë vizitave në të dyja vendet në muajin tetor të vitit që lam pas, zoti Grenell kishte theksuar se “administrata e Presidentit Trump fuqimisht beson që zhvillimi ekonomik, krijimi i vendeve të punës për të rinjtë dhe rritja e mundësive tregtare luajnë rol kryesor në sigurimin e paqes së qëndrueshme. Qëllimi është për t’i bërë bashkë partnerët tanë në Serbi dhe Kosovë për një zgjidhje gjithëpërfshirëse për pikat e konfliktit në rajon. Të dyja palët do të duhet të punojnë ngushtë dhe shpejtë duke shikuar nga e ardhmja”, thuhej në një deklaratë pas vizitave të asaj kohe në Kosovë dhe Serbi.

Zoti Grenell u emërua më 4 tetor në detyrën e re, pak kohë pasi që sekretari amerikan i shtetit, Mike Pompeo kishte emëruar zotin Mathew Palmer si përfaqësues të posaçëm për Ballkanin.  Emërimi i tyre, ndonëse kishte nxitur pikëpyetje ndër shumë vëzhgues, u mirëprit në Kosovë ku roli i Shteteve të Bashkuara vlerësohet i pazëvendësueshëm në të gjitha proceset politike.  Vizita e tij në Kosovë ndodhë në një periudhë kur vendi ende nuk ka një qeveri të re pas zgjedhjeve të parakohshme parlamentare të 6 tetorit…

 

LEXO TE PLOTE

Kosova & Rajoni

Tridhjetë e një vjet burg për pjesëtarët e organizatës “Syri i Popullit”

Publikuar

-

Nga

Një gjykatë në Prishtinë dënoi sot me gjithsej 31 vjet heqje lirie tetë pjesëtarë të organizatës së ashtuquajtur “Syri i popullit”, nën akuza për kryerjen e veprës penale përgatitje e veprave terroriste kundër rendit kushtetues të Kosovës.

Sipas raportimit të korespondentit të tadios amerikane VOA: Avni Llumnica u dënua me 12 vjet heqje lirie, Sadri Ramabaja me pesë vjet, Ragip Sallova me katër vjet, Bajrush Konjusha me tre vjet, Halim Halimi me tre vjet, Rexhep Topllana me dy vjet si dhe Behxhet Luzha me dy vjet heqje lirie, ndërsa i akuzuari Murat Jashari, u dënua me trajtim të detyrueshëm psikiatrik për 10 vjet, për shkak të gjendjes së tij mendore.

Ditë më parë prokuroria hoqi dorë nga akuzat ndaj Sabit Berishës dhe Lirije Luzhës, në mungesë të provave.

Sipas kryetares se trupit gjykues, Naime Krasniqi Jashanica, pjesëtarët e organizatës “Syri i Popullit” kishin planifikuar vrasjen e një numri veprimtarësh politikë, të cilët sipas akuzës, organizata i cilësonte tradhtarë, përfshirë edhe vetë presidentin.

“Me datën 15 maj të vitit 2015 ishte themeluar organizata kriminale ‘Syri i popullit’ me të ashtuquajturit Avni Rrustema për të vrarë tradhtinë, në një shtet evropian ishte marrë vendim që në mars të vitit 2017 të fillojnë aksionet e kundërligjshme me qëllim që seriozisht të destabilizojnë ose shkatërrojnë strukturat themelore politike, kushtetuese, ekonomike apo shoqërore të Republikës së Kosovës”, tha kryetarja e trupit gjykues duke lexuar vendimin, vijon raportimin radioja amerikane, duke shtuar:

Në mars të vitit 2017, u krye një tentativë për vrasjen e avokatit Azem Vllasi, ish udhëheqës komunist i Kosovës. Zoti Vllasi mbeti i plagosur dhe më pas policia arrestoi Murat Jasharin dhe Avni Llumnicën, si pjesëtarë të organizatës “Syri i Popullit”, që mori përgjegjësinë për këtë rast…

LEXO TE PLOTE