Connect with Us

“Ne me punë ju me shpifje”/ Kryebashkiaku i ri i përgjigjet akuzave të PD

Aktualitet

“Ne me punë ju me shpifje”/ Kryebashkiaku i ri i përgjigjet akuzave të PD

Publikuar

-

Partia Demokratike ka vijuar me akuzat për manipulim të zgjedhjeve të 30 qershorit. Gjatë ditës së djeshme PD doli me një deklaratë për mediat ku tha se  KQZ është kapur në flagrancë, duke evidentuar edhe votimin me vota të falsifikuara në Vaun e Dejës.

Lidhur me këto akuza, ka reaguar  dhe kryetari i zgjedhur i Bashkisë së Vaut të Dejës, Mark Babani.

Përmes një postimi në rrjetet social, Babani shkruan se ka prova të pakundërshtueshme, foto, garanci ligjore dhe prezencë të vëzhguesve të OSBE-ODIHR-it që i gjithë procesi ka shkuar në mënyrë më të mirë të mundshme.

Deklarata e plotë

Lidhur me disa deklarata absurde dhe njëkohësisht qesharake të bëra nga zyrtarë të Partisë Demokratike si dhe mediat satelitë të saj, kam detyrimin të sqaroj opinionin publik se në Bashkinë Vau i Dejës, procesi zgjedhor në tërësi dhe dita e zgjedhjeve në veçanti ka qenë një proçes ku janë respektuar në menyrë rigoroze procedurat dhe detyrimet ligjore.
Ka prova të pakundërshtueshme, fotografi dhe garanci ligjore se ditën e shtunë pas mesnate kanë mbërritur të gjitha materialet zgjedhore, përfshirë fletët e votimit në KZAZ 06. Të pranishëm kanë qenë vëzhguesit e OSBE/ODIHR, një organizatë shumë më serioze dhe e besueshme se Partia Demokratike.

Ja pse Partia Demokratike nuk ka kredibilitet publik tanimë dhe e vetmja gjë që i ka ngelur, është shpifja:

LEXO EDHE:  Akuzat për shpërdorim detyre/ Dënohet me burg inspektori i IKMT-së

Në deklaratën e sotme, Partia Demokratike, i mëshoi sërish akuzës se djegia e KZAZ 06 u ideua dhe u inskenua nga Edi Rama dhe Partia Socialiste ndërkohë që vetë ish-kryetari i Bashkisë së Vaut të Dejës, Zef Hila pranoi publikisht se ky sulm ishte i organizuar nga Partia Demokratike. Kjo tregon shumë për seriozitetin e kësaj partie dhe seriozitetin e deklaratave të saj.

Në pseudo-akuzat që qarkullojnë për zonjën Listina Ndoj, sipas të cilave ajo ka qenë njëkohësisht kandidate për anëtare të Këshillit Bashkiak dhe anëtare e KZAZ 06, ju informoj se:

Zonja Ndoj, e propozuar prej Partisë Socialiste si kandidate për anëtare në Këshillin Bashkiak, ka paraqitur dorëheqjen nga kandidimi, pranë KZAZ 06 dhe KQZ. Fakt lehtësisht i provueshëm prej autoriteteve përkatëse.

Gjithashtu, lidhur me pretendimin tjetër, referuar nenit 32 të Kodit Zgjedhor, për të shmangur konfliktin e interesit, sipas të cilit nuk lejohet që një anëtar i KZAZ të jetë në marrëdhënie pune me ndonjë prej kandidatëve garues, sqaroj se:

Unë Mark Babani, nuk jam Administrator i shoqërisë “Mare Adriatik” shpk, prej datës 06.05.2019 ndaj në këtë pikë, konflikti i interesit nuk ekziston!

Ndërkohë që ata vazhdojnë me shpifje, ne do të vazhdojmë përpara me qëllimin e vetëm për të përmirësuar jetesën e çdo qytetari në Bashkinë e Vaut të Dejës, vetëm ndërmjet punës dhe jo fjalëve!/CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Ne jemi rritur bashkë”/ Mimi Kodheli tregon marrëdhënien me Edi Ramën

Publikuar

-

Nga

“Ne jemi rritur bashkë”/ Mimi Kodheli tregon marrëdhënien me Edi Ramën

Deputetja e PS Mimi Kodheli ka folur për marrëdhënien me kryeministrin Edi Rama.

Në një intervistë për emisionin “Kjo Javë”, Kodheli u shpreh se prindërit e tyre kanë qenë miq shumë të mirë dhe për këtë arsye hyrjet dhe daljet tek shtëpia e  njëri-tjetrit kanë qenë të shpeshta.

Por ish ministrja e Mbrojtjes e vë theksin se marrëdhënia e tyre më e afërt ka qenë në aspektin profesional, ku ka nisur me Bashkinë Tiranë në fillim dhe ka vazhduar për 20 vite rresht.

Ne jemi një moshë dhe jemi rritur bashkë. Prindërit tanë ishin shumë miq dhe ne takoheshim. Por lidhja më e fortë ishte ajo e bashkëpunimit 20 vjeçar ku nisi me Bashkinë e Tiranës.

Kur hyra në politikë i kisha plotësua qëllimet e mia”, u shpreh Kodheli./CNA.al

LEXO TE PLOTE

Politikë

Rama publikon grafikun e rasteve me Covid-19/ “Duhet edhe pak durim”

Publikuar

-

Nga

Shit-blerja e votës/ Rama tallet me LSI-në: Çfarë do bëjnë ata që bubrojnë ditët e fundit

Kryeministri Edi Rama ka postuar në rrjetet sociale grafikun e rasteve të reja me Covid-19 në Rajon. Ai shprehet se duhet akoma pak durim pasi virusi nuk është larguar akoma.

Më tej, Rama u bën thirrje qytetarëve që të bëjnë kujdes sepse duhet edhe pak rrugë për të dalë nga tuneli i pandemisë.

“Por, duhet akoma durim, edhe pak. Shikojeni çfarë po ndodh në vendet fqinje ditët e fundit, prandaj ju lutem, kujdes të vazhdueshëm sepse po dalim nga tuneli i pandemisë, por ka ende edhe pak rrugë”, shkruan Rama./CNA.al

LEXO TE PLOTE

Politikë

E pozicionuar në vijën e zjarrit/ Kodheli e bindur: Do e thyej hersin

Publikuar

-

Nga

E pozicionuar në vijën e zjarrit/ Kodheli e bindur: Do e thyej hersin

Mimi Kodheli, e cila renditet në vijën e zjarrit, në vendin e 21 në Tiranë ka shkaktuar një sërë reagimesh.

Vetë Kodheli është shprehur se nuk ka asnjë hatërmbetje me kryeministrin Edi Rama dhe se sipas saj pozicionimi në këtë vend është diskutuar më herët.

Në një intervistë për “Kjo Javë”, kandidatja e PS u shpreh e bindur se do ta thyej hersin në Tiranë dhe do të arrijë të marrë besimin e qytetarëve.

Unë besoj se do ta thyejmë hersin. Jam çdo ditë e më shumë e bindur, sepse shoh një mbështetje të madhe tek qytetarët. Unë jam një person me këmb në tokë dhe nuk them gjëra që kanë hiperbolë brenda. Unë them se do e thyej hersin.

Unë vi me vlerat dhe moralin që kam si person. Unë e kam të drejtën t’i përdor këto dy gjëra që më karakterizojnë. Kjo më bën të mos jem në ankthin e axhetimit që njerëzit kanë në periudhën e fushatës. Unë dua të mbaj edhe këtë që kam arritur, sepse është e lehtë të arrish diçka, dhe e vështirë ta mbash.

Ka qenë diskutim që e kam bërë paraprakisht me Ramën. Ka qenë konstrukltiv që pse duhet të isha në atë pozicion dhe nuk ka pasur asnjë hatër. Nuk kam qenë i vetmi i “maxhentalizuar” ka pasur edhe të tjerë. Ka qenë një logjikë e guximshme e lidershipit të PS”, tha Mimi Kodheli./CNA.al

LEXO TE PLOTE