Connect with Us

Olsian Çela “peng” në Komisionin e Vettingut/ Arta Marku “kyçet” në zyrë

Aktualitet

Olsian Çela “peng” në Komisionin e Vettingut/ Arta Marku “kyçet” në zyrë

Publikuar

-

Prokuroria e Pergjithshme, Arta Marku, Olsian Cela

Arta Marku, Olsian Çela, Lulzim Alushi dhe Fatjona Memçaj, janë katër kandidatët për Prokuror të Përgjithshëm.

Por, procesi i përzgjedhjes së Prokurorit të Përgjithshëm nuk është realizuar brenda afateve të caktuara me ligj.

Nëse do të ishin  respektuar afatet ligjore, sot Shqipëria do të kishte një Prokuror të Përgjithshëm të dinjitetshëm dhe jo një Prokuror të Përgjithshëm të përkohshëm që dyshohet se përdoret nga politika.

Me 17 Qershor 2019, ka përfunduar afati, ku duhej të përcaktoheshin tre kandidatët për Prokuror të Përgjithshëm që më pas do do t’i përcilleshin Kuvendit, por Këshilli i Lartë i Prokurorisë vendosi që të shtyjë afatet për këtë proces me 45 ditë.

Kreu i KLP-së, Gent Ibrahimi, ka thënë se shkak për shtyrjen e afateve ligjore, është bërë kandidati Olsian Çela, i cili ende nuk ka kaluar në procesin Vettingut.

Sipas Ibrahimit, KLP i ka kërkuar Komisionit të Pavarur të Kualifikimit që të përshpejtojë procesin për kandidatin Olsian Çela.

“I kemi kërkuar KPK-së për përshpejtim të Vettingut për Olsian Çelën, por akoma nuk ka mbaruar. Kemi vendosur për shtyrjen e afatit për verifikimin e kushteve ligjore të kandidatëve, deri në përfundim të procedurave të KPK për Olsian Çelën.
Do të caktohet një grup pune për të shqyrtuar dokumentacionin që ka ardhur në këshill për të gjithë kandidaturat”, ka thënë Ibrahimi gjatë mbledhjes së KLP-së.

Nëse iu referohemi afateve të zgjatura nga KLP brenda muajit korrik, kandidati Çela duhet të dalë në Vetting.

CNA.al iu drejtua me një kërkesë, Komisionit të Pavarur të Kualifikimit, për të ditur se kur Çela do të paraqitej në seancë dëgjimore, por KPK, nuk ka pasur një përgjigje konkrete.

“Komisioni, ju informon se kandidati për Prokuror të Përgjithshëm z. Olsian Çela, aktualisht ndodhet në fazën e hetimit administrativ. Sapo të përfundojë  hetimi, Komisioni në zbatim  të ligjit nr. 84/2016 dhe Kodit të Procedurave Administrative, pa asnjë vonesë  do të ftojë për tu dëgjuar në seancë publike subjektin e rivlerësimit, z. Çela”, thuhet në përgjigjen e KPK-së.

Nuk e dimë se çfarë do të thotë KPK pa asnjë vonesë, po vonesa në fakt ka ndodhur.

Parë nga jashtë, procesi për përzgjedhjen e Prokurorit të Përgjithshëm, duket më shumë një sabotim.

Situata është e tillë. Në fund të muajit korrik përfundon afati 45 ditor që KLP, vendosi të shtyjë këtë proces.

Në muajin Gusht, sistemi i drejtësisë, por edhe politika, Kuvendi, institucioni i cili thotë fjalën e fundit për Kryeprokurorin janë pushim.

Nëse kandidati, z.Olsian Çela, nuk del në Vetting, gjatë këtij, muaji dhe nëse s ‘do të kemi një tjetër zvarritje, gjasat janë që të dalë në shtator.

Ndërkohë Arta Marku do ta kalojë me “sukses” edhe vitin e dytë si Prokurorore e Përgjithshme.

Vjeshta rëndom, është bërë refren për arrestime të bujshme gjë që nuk e beson më askush, por ajo që besohet dhe s’ka nevojë për shumë koment, është se Shqipëria është pa Prokuror të Përgjithshëm dhe reforma në drejtësi po çalon.

Komisionit të Vettingut, nuk i kërkon askush llogari, ndërsa çdo ditë njoftojnë seanca, për gjyqtarë dhe prokurorë që duket se nuk janë prioritet, ndërkohë që kupola e organit të akuzës ka rënë.

Arta Marku është “kyçur” në zyrë dhe duket se zbaton vetëm urdhrat e  atyre që emëruan dhe duke mos guxuar të thotë të kundërtën, ikën e tmerruar nga mediat.

Shqipërisë nuk i duhet një Prokuror i Përgjithshëm, që ka prioritet, flokët, grimin, këmishën apo fustanin, por edhe që në këtë rast dështon.

Por, i duhet një  Kryeprokuror që të jetë i pavaruar nga politika dhe t’ ju kthejë shpresën shqiptarëve për drejtësi.

Duke qenë vonë se vonë mbetemi,  pa drejtuar gishtin ndaj askujt se kush i ka fajet, KLP, KPK, apo politika, të paktën t’ia vlejë kjo vonesë dhe të kemi një Kryeprokuror me dinjitet dhe integritet./CNA.al

Komisioni i Vettingut saboton zgjedhjen e kryeprokurorit/ Zbardhen skenari manipulativ

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Sa gjatë do rrijë Marku në Prokurori?/ Përgjigjet Artan Hoxha

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Thirrja e fortë e Bashës për socialistët/ “Mos u bëni palë me Ramën”

 

LEXO TE PLOTE
Lajme të Rekomanduara: