Connect with Us

Soreca takon kryetaren e KLGJ/ Të ngrihet sa më shpejt Gjykata e Lartë

Uncategorized

Soreca takon kryetaren e KLGJ/ Të ngrihet sa më shpejt Gjykata e Lartë

Publikuar

-

Ambasadori i Bashkimit Evropian, Luigi Soreca, ka takuar sot kryetaren e Këshillit të Lartë Gjyqësor, Naureda Llagami.

Soreca shkruan në rrjetet sociale se është njohur me punën e thellë të KLGJ, në veçanti për ngritjen e Gjykatës së Lartë, anëtarët e së cilës ngecën në Vetting. Sipas Sorecës, me rëndësi është që së shpejti Gjykata e Lartë të jetë funksionale dhe të bëjë një punë të shpejtë e me cilësi.

“Kryetarja e KLGJ, Naureda Llagami, më njohu sot me punën e thellë të Këshillit, në veçanti për hapjen e vendeve të lira të punës për Gjykatën e Lartë, për të cilën aktet rregullatorë tani janë në fuqi. Është e rëndësishme që së shpejti të kemi një Gjykatë të Lartë funksionale, por edhe të balancuar në shpejtësinë dhe cilësinë e punës”, shkruan Soreca./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Uncategorized

“Dështimi dhe kapitullimi i Narko-Shtetit”/ Gjunkshi nxjerr zbuluar Lleshajn

Publikuar

-

Nga

Ish deputeti i Partisë Demokratike  Xhemal Gjunkshi ka reaguar përmes një postimi në rrjetet sociale ku shkruan se narko-shteti ka dështuar dhe është drejt kapitullimit.

Duke cituar edhe ministrin e Brendshëm, i cili ka thënë se vendi ynë do të pastrohet nga kanabisi,  Gjunkshi shkruan se pas 15 qershorit, janë asgjësuar vetëm 133 bimë narkotike.

Sipas tij kjo tregon ose mospërgjegjësi ose bashkëpunim të policisë me krimin e organizuar e mafien.

Postimi i plotë

Deshtimi dhe kapitullimi i Narko-Shtetit.

Me date 09.05.2019 Ministri i Brendshem, ne takimin me strukturat drejtuese te Pushtetit Vendor dhe te Policise se Shtetit deklaron:

“Roli dhe përgjegjësia e autoriteteve qofshin vendore, është përgjegjësia e drejtëpërdrejte e drejtuesve që operojnë në çdo pjesë të vendit.

Çdo bimë që kapet para datës 15 qershor është detyrë e juaja, çdo gjë që kapet pas datës 15 qershor është përgjegjësia juaj”.

Narko-Shteti paska aktivizuar 1600 forca policie per te zbuluar 133 bime narkotike 😧.

133 bime narkotike i asgjeson minimumi vetem nje polic.

Kush e dha urdherin per te aktvizuar 1600 forca policie?

Ishte e domosdoshme prononcimi dhe deklarimi i institucioneve me prestigjoze nderkombetare, qe Shqiperia eshte kthyer ne Columbia e Europes, qe Narko-Qeveria te shtoje numrin e policeve per kontrollin e territorit, pasi perbejme rrezik jo vetem per Sigurine Kombetare, por edhe nje rrezik per Sigurine Rajonale.

Mos kemi te bejme me “alarme te rreme”?

Me cfare kemi te bejme ne kete rast?

Me mungese te burimeve njerzore?

Me mungese te kapaciteteve operacionale?

Me paaftesi profesionale?

Me “mungese pervoje”?

Apo me nje mirorganizim te struktuar dhe te bashkerenduar te strukturave te Policise me Krimin e organizuar.

Kush jane ata qe e kane lejuar qe te shkohet ne kete gjendje?

Ku eshte pergjegjesia e drejtuesve te Narko- Policise?

Fajtore nuk ka, perkundrazi sic ka ndodhur gjithmone drejtuesit e policise shperblehen dhe gradohen ne detyra te larta.

Ky eshte modeli qe keni treguar deri tani.

Ku eshte pergjegjesia e Ministrit te Brendshem qe ka mashtruar haptazi opinionin publik, qe me nje papergjegjshmeri toatale, vetem mashtron.

Mos i tregoni popullit parcelat e mbjella me miser.

Tregoni parcelat e mbjella me kanabis.

Populli thote:

Dielli nuk mbulohet me shoshe.

Mashtrimit te Narko-Qeverise po i vjen kapitullimi./CNA.al

 

LEXO TE PLOTE

Uncategorized

Ndërtimi i laboratorëve modernë/ Manastirliu: Më shumë siguri për kontrollin e barnave

Publikuar

-

Nga

Agjencia Kombëtare e Barnave dhe Pajisjeve Mjekësore po rehabilitohet dhe zgjerohet, duke mundësuar ngritjen e dy laboratorëve modernë për kontrollin e sigurisë dhe cilësisë së barnave që prodhohen dhe qarkullojnë në Republikën e Shqipërisë. Ministrja e Shëndetësisë dhe Mbrojtjes Sociale Ogerta Manastirliu inspektoi punimet e rindërtimit të Agjencisë së Barnave, një investim i Ministrisë së Shëndetësisë dhe Mbrojtjes Sociale me vlerë 121.4 milionë lekë.

“Ky është një investim shumë i rëndësishëm që kemi ndërmarrë sa i takon garantimit të sigurisë së barnave dhe materialeve mjekësore, ku përveç rehabilitimit të godinës, po investojmë në ngritjen e dy laboratorëve modernë, që do të jenë të çertifikuar për kryerjen e një seri analizash që garantojnë cilësinë dhe sigurinë e barnave në vend”, tha Manastirliu.

Investimi në institucionin e vetëm kombëtar që ka në qendër të punës së tij kotrollin mbi sigurinë dhe cilësinë e barnave, ruajtjen dhe regjistrimin e tyre, pritet të përfundojë brenda vitit dhe në 6 muajt e parë të vitit të ardhshëm do të pajiset me aparatura moderne laboratorike.

“Dy laboratorët e rinj që do të pajisen me aparatura bashkëkohore për analizimin e barnave që regjistrohen për herë të parë në vendin tonë si dhe të barnave që janë në qarkullim, do të akreditohen, për të përmbushur standardet europiane të cilësisë”, tha Manastirliu.

Investimi parashikon ngritjen e laboratorit fiziko–kimik dhe atij mikrobiologjik, duke bërë të mundur garancinë e çertifikimit të sigurisë dhe cilësisë së barnave, me analizimin e të gjithë gamës së barnave që tregtohen në vendin tonë dhe me kapacitete analizuese të përmirësuara.

Godina do të përfshijë një sportel të dedikuar me 2 poste ku bizneset do të kryejnë regjistrimin për barnat dhe pajisjet mjekesore. Do të ketë ambiente të posaçme (dhoma frigoriferike) per ruajtjen e mostrave dhe acideve. Si dhe dy laboratorë modernë për testimin e barnave dhe materialeve mjekësore.

Ky është një investim i rëndësishëm edhe për vetë volumin e punës së Agjencisë, e cila vetëm vitin e kaluar ka lëshuar mbi 53 milion pulla për barnat e prodhuara dhe ato që qarkullojnë në Republikën e Shqipërisë.

Kontrolli mbi cilësinë dhe sigurinë e barnave që tregtohen në vend është në fokus të politikave të Ministrisë së Shëndetësisë. Me përfundimin së shpejti të depos qendrore të barnave në QSUT dhe investimin në Agjencinë e Barnave dhe Pajisjeve Mjekësore do të rritet në një standard të ri kontrolli mbi sigurinë e barnave që qarkullojnë në vendin tonë./ CNA.al

LEXO TE PLOTE

Kronika

Ra në kontakt me rrymën elektrike/ Humb jetën 38-vjeçarja

Publikuar

-

Nga

Një 38 vjeçare ka ndërruar jetë mëngjesin e sotëm në Vlorë pas rënies në kontakt me rrymën elektrike. Ngjarja e rëndë ka ndodhur rreth orës 07:36, kur viktima e identifikuar si I.A., po tentonte të ndizte pompën e ujit.

Mësohet se ajo është transportuar menjëherë drejt spitalit të Vlorës për të marrë ndihmën e parë, por ka mbërritur aty pa shenja jete.

Njoftimi i policisë:

Një grua ka humbur jetën mëngjesin e sotëm në Vlorë. Sipas informacioneve zyrtare nga policia, rreth orës 07:36 mëngjesin e sotëm, në Spitalin e Vlorës ka shkuar pa shenja jete shtetasja I.A., 38 vjeç, banuese në Vlorë.

Nga hetimet paraprake dyshohet se kjo shtetase ka tentuar të ndezë pompën e ujit por ka rënë në kontakt me rrymën elektrike dhe si pasojë ka gjetur vdekjen.

Grupi hetimor ndodhet në vendngjarje duke kryer hetimet për sqarimin e ngjarjes./ CNA.al

LEXO TE PLOTE