Connect with Us

Marrëveshja e detit/ Bushati flet për “skenar ogurzi”

Aktualitet

Marrëveshja e detit/ Bushati flet për “skenar ogurzi”

Publikuar

-

Kritikat ndaj Shqipërisë/ Bushati: PE nuk ka kompetencë t'i vërë kushte një vendi kandidat!

Ish-ministri i Jashtëm Ditmir Bushati ka folur në lidhje  me marrëveshjen e detit me Greqisë dhe Shqipërisë.

Në një intervistë për emisionin “31 Minuta”, Bushati e ka cilësuar të vdekur marrëveshjen në fjalë, ai tha se të dyja palët synuan të ndërtonin një proces të ri që të çonte drejt një marrëveshjeje më të drejtë, të bazuar mbi legjislacionin ndërkombëtar dhe mbi konventën e detit.

“Natyrisht që për ne është një marrëveshje e vdekur, përsa kohë ka një vendim të qartë të Gjykatës Kushtetuese. Fakti që jemi ulur në tryezë me palën greke, që ka pasur një plotfuqishmëri të lëshuar nga institucionet shtetërore për të rifilluar procesin e negociatave me Greqinë, do të thotë që është e vdekur dhe për Greqinë. Ne kemi synuar që të ndërtojmë një proces të ri që do të na çonte eventualisht drejt një marrëveshje më të drejtë për të dyja palët.

Marrëveshje më të drejte që do të bazohej mbi legjislacionin ndërkombëtar, mbi konventën e detit dhe do të respektonte detyrimet kushtetuese dhe ekzigjencat që kanë palët në këtë proces. Kur nisëm për të diskutuar dhe për të eksploruar mundësinë e një marrëveshje përsa i përket hapësirave detare, shelfit kontinental dhe zonës ekskluzive ekonomike, palët nuk kanë parasysh vetëm arritjen e një marrëveshje të drejtë por edhe vendosjen e një precedenti që mund ti shërbejë në negocime të mëvonshme. Mendoj që edhe në këtë pikë është bërë një punë goxha voluminoze nga të dyja palët dhe nuk shoh arsye për tu kthyer mbrapsht, përveçse për të konkretizuar këtë proces që ka nisur”, ka thënë Bushati.

Gjatë intervistës, ish-ministri shqiptar është pyetur dhe për atë që pritet të ndodhë me palën greke, pas ardhjes në pushtet të qeverisë së re, drejtuar nga Kyriakos Mitsotakis, i cili ka paralajmëruar bllokimin e negociatave të Shqipërisë. Sipas Bushatit, këto thirrje të Mitsotakis nuk janë qëndrime largpamëse dhe realiste, duke shtuar se nuk është në interesin e Greqisë të vendosë veton ndaj Shqipërisë.

“Shqipëria është një vend anëtar i Këshillit të Evropës, ka ratifikuar konventën kuadër për mbrojtjen e minoriteteve, është nga ato pak shtete evropianë që ka një ligj kuadër mjaft të avancuar për minoritetet. Një ligj që është duartrokitur nga ana e Komisionit Evropian, e Këshillit të Evropës, nga partnerët tanë. Natyrisht që ne kemi një punë përpara nga ana e avancimit të drejtave të pakicave në praktikë.

LEXO EDHE:  “Marrëveshja e 17 majit nuk është prishur”/ Murrizi nxjerr të pathënat: Rama-Basha mesazhe njëri-tjetrit

Pakica grekë është një prej pakicave të njohura me ligj, është e respektuar dhe qëndrimi zyrtar i Shqipërisë ka qenë konstant, që është në gatishmëri të plotë për të përmirësuar këto standarde, për të punuar me fqinjët dhe për të mësuar pse jo nga eksperienca e tyre në respektimin e këtyre standardeve në praktikë. Nga ana tjetër, thirrjet për bllokim që mund të kenë qenë në fushatë zgjedhore, apo taktikat elektorale për një grusht votash më tepër, nuk besoj se janë qëndrime largpamëse apo realiste dhe nuk besoj së është në interesin e vetë Greqisë për të vendosur veton e mundshme ndaj Shqipërisë”, është shprehur Bushati.

Më tej, Ditmir Bushati ka dhënë alarmin nëse qeveria aktuale greke do ta çonte për ratifikim marrëveshjen ndërmjet Greqisë dhe Shqipërisë në parlamentin grek, duke deklaruar se ky është një skenar ogurzi.

“Ky do të ishte një skenar ogurzi që do ta çonte procesin në pikën e vdekjes. Mendoj që për dy fqinj, për dy aktorë rajonalë siç janë Shqipëria dhe Greqia është e rëndësishme që të identifikojnë instrumentet e duhur të praktikës ndërkombëtare dhe praktikat më të mira evropianë për të shkuar drejtë një zgjidhje. Ose do duhet të ketë një zgjidhje ku palët bien dakord dhe ky proces mbyllet, ose do duhet që në mungesë të kësaj zgjidhje ti referohen një tribunali ndërkombëtar.

Besoj se dhe praktika evropianë në këtë drejtim është e qartë dhe nuk ka arsye që nga një proces i nisur tanimë për mundësinë e pasjes së një marrëveshje të re, pala greke ta çonte procesin në një pikë të vdekur, në një drejtim krejt të kundërt. Është e vërtetë që është nënshkruar në 2009 kjo marrëveshje, por deri në 2013-2014 në Greqi ka qenë në krye të punëve të vendit e njëjta forcë politike që sapo ka marrë besimin e qytetarëve grek këto ditë. Pra, në kushtet kur kjo forcë politike nuk bëri një veprim të tillë në ato vite, do të ishte e dëmshme, e padrejtë, dhe nuk do ti shërbente klimës së procesit që ka vite që ka nisur mes dy vendeve tona”, ka deklaruar ish-ministri Bushati.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

E masakruan me thikë në zemër/ Kush është 34-vjeçari, baba i dy fëmijëve që u vra sot në Durrës

Publikuar

-

Nga

E masakruan me thikë në zemër/ Kush është 34-vjeçari, baba i dy fëmijëve që u vra sot në Durrës

Një ngjarje e rëndë ka ndodhur sot në qytetin e Durrësit, ku një person ka mbetur i vdekur pas një goditje me thikë në zemër.

Viktima është Idajet Dulla, 34 vjeç dhe baba i dy fëmijëve. Ai është nga Kukësi, por banonte në Durrës dhe punonte në një karburant.

Sipas të dhënave të para, mësohet se viktima fillimisht ka debatuar me një person i identifikuar si Arbër Koti, shofer autobuzi, për motive banale.

LEXO EDHE:  Referendumi britanik/ Bushati: Ditë e trishtuar për BE dhe Britaninë



Më pas, viktima e ka qëlluar me grusht këtë të fundit, ndërsa Koti ka nxjerrë thikën duke e lënë të vdekur.

LEXO EDHE:  Marrëveshje Shqipëri- Greqi/ Fuga: Në gjykatë të shkojë ai që kërkon divorcin

Mësohet se ka qenë e ëma dhe bashkëshortja që e kanë çuar në spital atë, por fatkeqësisht nuk ka mundur të mbijetojë./CNA.al

 

LEXO TE PLOTE

Kronika

Vrasja në Durrës/ Zbardhen detajet e para, viktima u konfliktua me shoferin e furgonit

Publikuar

-

Nga

Një tjetër ngjarje e rëndë ka ndodhur sot në qytetin e Durrësit, ku një burrë është qëlluar me thikë në zemër.

Bëhet fjalë për Idajet Dullën 34 vjeç i cili është gjetur i vdekur te shinat e trenit.

Edhe pse ambulanca e ka marrë menjëherë trupin dhe e ka dërguar në spital, ka qenë shumë vonë që ai të mbijetonte.

LEXO EDHE:  Marrëveshje Shqipëri- Greqi/ Fuga: Në gjykatë të shkojë ai që kërkon divorcin



Sipas të dhënave të para, mësohet se viktima është konfliktuar me shoferin e një furgoni për shkaqe banale.

LEXO EDHE:  KE jep lajmin e mirë për shqiptarët/ Reagon Ditmir Bushati

Policia ka identifikuar autorin dhe është vënë në ndjekje të tij./CNA.al

 

LEXO TE PLOTE

Kronika

E rëndë në Durrës/ Gjendet i vrarë një person

Publikuar

-

Nga

Aksident i rëndë në aksin Morinë-Milot/ Humb jetën një person

Një person është gjetur i vrarë pak minuta më parë në Durrës.

Mësohet se viktima është indetifikuar si shtetasi Idajet Dulla.



Raportohet se ai është vrarë me thikë pranë shinave të trenit, në zonën e Plepave.

Nga informacionet paraprake, ende nuk bëhet me dije shkaku i vrasjes, ndërsa policia po heton për rrethanat e ngjarjes dhe identifikimin e  autorit./ CNA.al

LEXO TE PLOTE