Connect with Us

Zyra e dështuar e shtypit të Lulit në censurë/ Skandalet që ndjekin nga pas Bashën

Aktualitet

Zyra e dështuar e shtypit të Lulit në censurë/ Skandalet që ndjekin nga pas Bashën

Publikuar

-

Kreu i PD -së Lulzim Basha shndërrohet në memec, kur vjen puna tek skandalet.

Për të gjitha skandalet që e kanë shoqëruar që nga koha kur ka marrë drejtimin e PD-së dhe deri më tani ka heshtur.

Ka heshtur kur është pyetur nga mediat, ka heshtur kur demokratët dhe opinioni publik ka pritur që ai të përgjigjej për çështje të caktuara.

CNA.al  i ka dërguar disa letra radhazi Bashës, për ta pyetur për skandale ku është lakuar emri i tij dhe njëherësh për të qenë transparent me opinionin publik.

Letrat janë dërguar bazuar në Kushtetutën e Republikës së Shqipërisë dhe bazuar në Ligjin për Informim, mirëpo kandidati për kryeministër Lulzim Basha nuk ka denjuar të përgjigjet.

E kemi pyetur për shkollën lartë, për afatet në të cilat ka kryer studimet, pasi në media u raportua se Lulzim Basha ka gënjyer për diplomimin e tij në Hollandë.

Lulzim Basha u tha në media se kishte filluar shkollën në vitin 1993 dhe e ka përfunduar në vitin 2005.

Në 6-të vitet e para kishte mundur të sigurojë një diplomë 1-vjecare përgatitore dhe këtë më pas e ka përdorur kur ka punuar për UNMIK në Kosovë.

CNA.al i drejtua Universitetit të Utrechtit për informacione të mëtejshme dhe me 23 Prill 2019, nëpërmjes zonjës, Zonja Christina Jeliazkova na ka kthyer përgjigje, duke kërkuar autorizimin e z. Basha.

Në këto rrethana, CNA.al i është drejtuar me dy letra Lulzim Bashës për të na dhënë autorizimin që të të verifikojmë se sa vite i janë dashur për të studiuar.

Por, Basha ka vijuar të heshtë.

Kryetari i Partisë Demokratike, Lulzim Basha disa herë është akuzuar në media se ka përfituar bursë studimi dhe financime nga Fondacioni Soros.

Në vitin 1995, ka të dhëna se  Lulzim Bashës, së bashku me bashkëshorten,  i është dhënë nga fondacioni Soros, një shumë  prej 7324 dollarësh për studime në Holandë.

Sërish CNA.al i është drejtuar me një tjetër letër Bashës për të pasur edhe qëndrimin e tij në lidhje me këtë çështje. Dhe sërish ka heshtje nga ana tij.

Kjo është transparenca që përdor ai me mediat. Giithsesi ne do të vazhdojmë  t’i çojmë shkresa zyrtare pafundësisht çdo ditë, derisa z. Basha të bindet dhe të kthejë  përgjigje për  informacionet që ne i kërkojmë.

Sjellim më vëmendje edhe plot ngjarje të tjera për të cilat Basha ka heshtur, kryesisht ndaj demokratëve të cilët meritojnë një përgjigje.

Në Nëntor të vitit 2018, u arrestua pedagogu i Universitetit të Tiranës, në Fakultetin Ekonomik, Dritan Shoraj.  Ai u arrestua për llogari të drejtësisë italiane, pasi mbi të rëndonin akuzat për trafik droge.

 CNA.al ka mësuar se pedagogu Dritan Shoraj ishte një nga drejtuesit e lartë, mbështetësit kryesorë dhe bashkëpunëtorët e afërt të Lulzim Bashës.

Shoraj ka qenë anëtar i kryesisë të degës 5 dhe një nga aktivistët që në PD, shkonte për  Lulzim Bashën, dhe ky i fundit e kishte rekomanduar tek drejtuesit e degës që ta përfshinin strukturat drejtuese, organizative dhe ti jepeshin detyra dhe përgjegjësi konkrete në PD.

Por, Basha nuk ka thënë asnjë fjalë për këtë rast.

Gjithashtu Lulzim Basha  ka kaluar me heshtje përjashtimin e senatorëve të PD.  Ai nuk ka argumentuar përballë demokratëve se përse nga PD u hoq një pjesë e elitës dhe ata u zëvendësuan me disa të paaftë.

Basha ka heshur edhe kur shpërtheu skandali erotik në Kuvend. Ai mbylli sytë dhe veshët, përballë publikimit të një video-skandali erotik në parlament, kur ish deputeti Ervin Salianji fliste me G.D.

Mbi të gjitha Basha ka heshtur për pazaret e tij me Ramën dhe kurrë nuk ka folur për të, ndonëse pazaret janë konkretizuar më vonë.

Heshtja e tij tregon se zyra e shtypit të Lulit është e dështuar dhe nën censurë, ndërkohë  që demokratwt dhe opinioni publik pret transparencë.

Kur ka censurë  nga pozicioni i kryetarit të PD, nuk mund të imagjinohet se sa skandale mund të kishte heshtur ai si kryeministër./CNA.al

Hesht për skandalin e diplomimit në Holandë/ Çfarë fsheh Lulzim Basha?

Basha dy muaj që fsheh diplomën/ CNA.al i dërgon letrën e dytë

CNA kërkon të vërtetën e shkollimit të Bashës/ Universiteti përgjigjet, kërkon autorizimin e kreut të PD-së

Skandal, 12 vjet për t’u diplomuar/ Lulzim Basha fsheh shkollimin

CNA.al pyet Bashën/ A  keni studiuar me paratë e Sorosit?

Zbulohet pse hesht kreu i PD-së/ Basha u shkollua me paratë e Soros

Lulzim Basha vret veten me heshtjen e tij!

Fotot ekskluzive/ Kush është pedagogu i arrestuar, që Basha e bëri drejtues të lartë në PD

 

Aktualitet

Shpërthen presidenti Meta/ Rilindja destabilizuese, organizatë antikombëtare

Publikuar

-

Nga

Presidenti Ilir Meta, gjatë intervistës në emisionin “Tempora” të mbëmjes së sotme ka deklaruar se jemi në situatën e nje “grushti te butë shteti” dhe se Rilindja nuk është vetëm organizatë shqiptare, por edhe një organizatë globale, një lloj Internacionale e re socialiste, që ka qëllime të caktuara, jo në përputhje me interesat kombëtare të Shqipërisë. Por  as të stabilitetit në rajonin tonë.

” Për fat të keq jemi në situatën ku edhe pa thonjëza mund të thuhet i një grushti të butë shteti, pra të asgjësimit të gjithë institucioneve, të izolimit edhe të Presidentit si të vetmit institucion – sepse këtu vetëm dy institucione janë që nuk i ka marrëmazhorancës, që janë Presidenti i FSHF-së dhe Presidenti i Republikës, sepse të gjithë të tjerat po ta shikoni i ka marrë, i ka uzurpuar – dhe në këto kushte unë bëj detyrën time për të ruajtur qetësinë, për të shmangur konfliktet dhe gjakderdhjen. Dhe për një gjë të paktën jam i qetë deri tani që e kemi shmangur këtë gjë, megjithëse përpjekjet do të vazhdojnë.

Sepse e kam thënë edhe më përpara dhe do e përsëri, kjo situatë në Shqipëri nuk është e rastësishme dhe duhet të kemi parasysh se Rilindja, pasi unë nuk kam asgjë me socialistët, jam vetë socialist si pikëpamje, si formim pra, Rilindja nuk është thjesht një organizatë shqiptare. Është edhe një organizatë globale, një lloj Internacionale e re socialiste, që ka qëllime të caktuara, që në vlerësimin tim nuk janë në përputhje me interesat kombëtare të Shqipërisë, por edhe të shqiptarëve dhe as të stabilitetit në rajonin tonë”, ka thenë presidenti Ilir Meta./CNA.al

LEXO TE PLOTE

Aktualitet

Denoncimi-14 vjeçe nuse!/ Fenomeni i martesave të minoreneve vazhdon

Publikuar

-

Nga

Historia e veçantë në Fiks Fare mbrëmjen e së martës tregoi edhe një herë se ende ka familje që i martojnë vajzat e tyre në moshë minorene, pa kuptuar se çfarë problematikash sociale mund të sjell më vonë një martesë e tillë.

 Eglantina ishte vetëm 14 vjeçe kur u martua nga babai i saj pasi nuk donte t’ia prishte qefin. Sot ajo është 17 vjeçe dhe e ve me një vajzë 7 muajshe. Bashkëshorti i saj u vetëvra para disa javësh në fshatin Plan Bardhë në Klos.

Eglantina tregon për Fiks Fare se si ishte jeta e saj pasi u martua 14 vjeçe. Me bashkëshortin 13 vjet më të madh kishin pasur vetëm mosmarrëveshje, pasi ai shpesh pinte dhe më pas e dhunonte. Pas një dite që babai i saj i kishte dhënë bekimin e martesës ishte mbytur aksidentalisht në lumë dhe në shtëpinë e saj të vajzërisë tashmë kishin mbetur vetëm nëna dhe 2 motrat.

Jeta e saj kishte ndryshuar totalisht dhe ishte vazhdimisht në dhunë fizike dhe psikologjike. Madje pjesë e tyre ishte bërë një herë edhe nëna e saj, ku te tre në makinë bashkë me vajzën e vogël, bashkëshorti i kishte nxjerrë thikën dhe e kishte kërcënuar se do e vriste. Pas kësaj ngjarje nëna e kishte larguar dhëndrin nga shtëpia, duke mos e lënë më të bijën të vuante nga dhuna që ushtronte i shoqi. Aty fillojnë edhe problemet më të mëdha sociale, ku si pasojë pati një të vdekur.

Eglantina tregon tmerrin që ka përjetuar ditën e fundit të jetës së bashkëshortit të saj. Edhe pse para pak ditësh si pasojë e dhunës dhe kërcënimeve pa fund ishte pajisur me urdhër mbrojtje , kjo nuk e ka penguar 30 vjeçarin të shkonte me armë në dorë në shtëpinë e saj.

“Unë isha në shtëpi, me motrat e mia. Mami nuk ishte në shtëpi. Dy motrat ikën te bagëtia. Unë kisha gocën e vogël në krahë, 7 muajshe.

Burri i fut brenda me një automatik, e mbante në dorë, e mbylli derën me çelës dhe më tha se do të vrasë ty dhe veten. Nga të bërtiturat e mia erdhën edhe motrat e të treja po bërtisnim” tregon Eglantina.

Për 20 minuta ajo ka mbetur e vetme me bashkëshortin e saj në një dhomë pasi motrat e saj ai i mbylli në një dhomë tjetër. Nga të bërtiturat e vajzave komshinjtë dhe familjarët e tjerë kishin njoftuar policinë, por ai i kishte kërcënuar edhe ata.

Në gjendje të rënduar psikologjike 30 vjeçari më pas ishte larguar, ku dhe u gjet më vonë nga policia i pa jetë me një plumb në kokë./Top Channel

LEXO TE PLOTE

Aktualitet

Kur është gati SPAK për të nisur “kryqëzatën”?/ Përgjigjet Gent Ibrahimi, kryetari i KLP

Publikuar

-

Nga

kreu i KLP

Shqipëria ka patur gjatë 28 viteve tranzicion 24 ministra Drejtësie, por nuk ka patur Drejtësi. Tre vjet pas ndryshimeve të thella kushtetuese që i hapën rrugën reformës në drejtësi- publiku pret ende të shohë ngritjen e institucioneve të reja dhe mbi të gjitha pret të shohë “dhëmbët” e drejtësisë së re.

Një nga emrat e rinj që është bërë pjesë fjalorit të gjuhës shqipe është SPAK- e thënë thjesht: Prokoruria e Posaçme.

Objekt i punës së këtij institucioni janë veprat penale të korrupisonit dhe krimit të organizuar. SPAK  nuk pritet t’i nxjerrë fundin “krimit të organizuar dhe korrupsionit në nivele të larta”, por pritet të jetë fillimi i fundit të një epoke që për emërues të përbashkët ka patur fjalën: PANDëSHKUESHMëRI.

Prej vitesh në raportet vjetore të Komisionit Europian është kërkuar hetimi, gjykimi, dhe ndëshkimi i korrupsionit në nivele të larta. E njëjta fjali u vendos kusht në listën e detyrave të Këshillit Europian që Shqipëria të hapë negociatat.

Pyetja sot është: kur do të nisë punën SPAK dhe a ka dhëmbë për  të bluar një lloj “mishi” me të cilin nuk është mësuar të merret drejtësia shqiptare.

Drejtësi e vonuar, është drejtësi e mohuar – thotë një maksimë e njohur për të gjithë juristët.

Interesi, kurioziteti dhe pritshmëritë për SPAK – janë në rritje veçanërisht po të kihet parasysh se kë mund të hetojë institucioni i ri:

Presidentin e Republikës,

Kryetarin e Kuvendit.

Kryeministrin.

Ministrat, zv/ministrat.

Deputetët.

Kryetarët e bashkive.

Me një fjalë: piramidën e pushtetit.

Po a është gati SPAK për të nisur kryqëzatën?

Kësaj pyetjeje i ka dhenë përgjigje Gent Ibrahimi, Kryetari i Këshillit të Lartë të Prokurorisë(KLP), institucion që “veton” kandidatët për SPAK dhe që liston edhe kandidatët për Prokuror të Përgjithshëm të Republikës.

I ftuar në emisionin “Përballje”, Ibrahimi ka thenë

Sa i takon stadeve mund të flasim edhe me data të përafërta. Jemi në një fazë tani ku SPAK-U është vërtet mbrapa portës dhe pritet të hyjë nga çasti në çast. Procesi që kërkon kohë dhe punë tashmë është konsumuar. Ne kemi listën me 15 kandidatë, të cilët sipas nesh janë njerëz që kanë profesionalizmin e duhur dhe vendosmërinë e duhur për të shërbyer në këtë institucion, me ato detyra, me ato objektiva që përmendët ju,” ka shpjeguar Gent Ibrahimi./CNA.al

LEXO TE PLOTE