Connect with Us

“Drejtori tre muajsh”/ Enton Duro, jeton me paratë e emigracionit

Aktualitet

“Drejtori tre muajsh”/ Enton Duro, jeton me paratë e emigracionit

Publikuar

-

Tre muaj ka mundur të qëndrojë në krye të Drejtorisë së Përgjithshme të Tatimeve Enton Duro.

Ky i fundit u emërua me 27 Mars të këtij viti, pas një propozimi të Ministrisë së Financave dhe Ekonomisë, kur u largua nga detyra drejtoresha e Tatimeve Vasilika Vjero.

Më herët, Duro ka qenë drejtor i Përgjithshëm i Taksës së Pasurisë në Ministrinë e Financave.

Nuk dihet se përse është shkarkuar Duro, papritur nga detyra, gjithashtu ende nuk ka një emër të paktën publik që do të zërë karrigen e tij.

Emri i Duros nuk është lakuar për ndonjë shkelje dhe në përgjithësi drejtorët e institucioneve të ndryshme, janë të heshtur nga mediat.

Duke qenë në fokus politikanë të rangut të lartë, drejtorët edhe ata që  akuzohen për shkelje janë lënë në hije.Gjithçka ndiqet vetëm kur rastet përfundojnë në Prokurori.

CNA.al, ka zbardhur pasurinë e Enton Duros, pas emërimit në krye të Tatimeve.

Sipas të dhënave të ILDKPKI, Duro rezulton pronar i një apartamenti të blerë në vitin 2015 dhe që kushton  64 000 euro.

7500 euro deklaron se i ka investuar në apartament. Si burim deklaron të ardhurat nga emigrimi përgjatë viteve 1996-2003, kursimet e prindërve si dhe një aktivitet ekonomik që nuk e specifikon.

 Viti 2018 (Deklarata fillestare)

Apartament i blerë në vitin 2015, sip 81 m2 me vlerë blerje, me vlerë 64 000 euro

Investim i kryer në apartament në vitin 2015, me vlerë 7 500 euro.

Burimi:Të ardhura personale nga emigrimi në Itali 1996-2003,  aktiviteti ekonomik 2007 si dhe nga puna, konsulenca dhe kursimet e prindërve.

Bono thesari 12 mujore, prill 2018, 2.500.000 Lekë

Të ardhura personale emigrimi në Itaali 1996-2003, nga aktiviteti ekonomik 2007, nga puna dhe konsulenca si dhe kursime të prindërve.

Autoveturë importuar nga Gjermania në vitin 2009, me vlerë 5 500 euro.

Gjendje në llogari rrjedhëse, 30 Prill 2018, 17.051 Lekë.

Gjendje Cash në banesë, 210.000 Lekë.

LEXO EDHE:  Miliona lekë nga turizmi/ Zbardhet pasuria e prokurorit të “ndereve”

Të ardhura si anëtar Ivibikqyres i Shtypshkrojna e letrave mc vlcrë, Sh.a, 1 janar -30 Prill 2018

112,200 Lekë (Njëqind e dymbëdhjetë mijë e dy qind)

Të ardhura nga paga si pedagog, Fakulteti 1 Ekonomisë, Universiteti i Tiranës, 1 janar -30 Prill 2018

378,508 Lekë (Treqind shtatëdhjetë e tetë mijë e pesëqind e tetë)

Të ardhura si anëtar Këshilli Mbikqyrës i Albgas Sh.a, 1 janar -30 Prill 2018, në shumën 22,100 Lekë.

Të ardhura nga interesi në bono thesari 12 mujore, prill 2018, 1 janar -30 Prill 2018 , në shumën 56,938 Lekë.

Bashkëshortja:

Llogari kursimi euro, gjendja 30 Prill 2018, 2.556 Euro.

Obligacione qeveritare 2 vjeçare, Blerë në Maj 2017, 1.400.000 Lekë.

Depozita 1 mujore, gjendja 30 Prill 2018, 200 014 lekë.

Depozitë fëmija, Ea Enton Duro, gjendja 30 Prill 2018, 10,700 Lekë.

Të ardhura personale nga puna dhe kursime familjare, 291,649 Lekë.

Të ardhura nga paga, 77,441 Lekë.

Të ardhura nga Sigurimet Shoqërore Leja e Lindjes, në shumën 64,629 lekë.

Viti 2018 (Deklarata vjetore)

Gjendje Cash në banesë, + 400,000 Lekë.

Bono thesari 12 mujore, – 2.500.000 Lekë.

Gjendje ne llogari rrjedhese, – 16.782 Lekë.

Depozitë tremujore, Shtator 2018,+20,002 euro.

Shtypshkronja e letrave me vlerë. Pagesë nga Këshilli administrativ, 157 080 lekë.

Pagesë si anëtar i Këshillit Mbikqyrës, në OSSHE, 144 933 00 lekë.

Paga nga DTT, 869 864 lekë.

Të ardhura nga mësimdhënia, 44 059 lekë.

Interesa, bono thesari, 17 649 lekë.

Bashkëshortja

Llogari kursimi euro. gjendja 30 Prill 2018, – 2,541 euro.

Depozita 1 mujore, +30.000 Lekë.

Depozitë për fëmijën + 199 Lekë

Depozitë për fëmijën Kron Enton Duro, + 10,600 Lekë

Llogari rrjedhëse – 247,084 Lekë.

Të ardhura nga paga, 708 194 lekë.

Të ardhura nga interesi, obligacione dy vjecare, 29 036 lekë.

Të ardhura nga sigurimet shoqërore, 13 527 lekë.

Kredi për shtëpi 3 000 000 lekë./CNA.al

 

Shkarkohet Drejtori i Përgjithshëm i Tatimeve

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Miliona lekë nga turizmi/ Zbardhet pasuria e prokurorit të “ndereve”

LEXO EDHE:  Droga në Has/ Sekuestrohet pasuria e Admir Hoxhës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Pasuri të patundshme dhuratë/ Përfitimet e Gazment Bardhit, nga Ministria e Drejtësisë

LEXO EDHE:  Të pangopurit e politikës/ Deputeti miliarder zhvat të pastrehët

 

LEXO TE PLOTE
Lajme të Rekomanduara: