LEXO PA REKLAMA!

SHKARKO APP

99-çi i Ramës që po shpartallon socialistët

9 Korrik 2019, 11:47, Aktualitet CNA

Karriera e tij fillon me një organizatë, e cila betejën e saj e kishte me socialistët dhe qeverinë e tyre. Në bashkëpunim me ish-kreun e opozitës në atë kohë Sali Berisha dhe eksponentë të PD-së, si Flamur Noka, organizata, protestonte në institucione kundër qeverisjes së PS.

Më pas themeloi një forcë politike që e quajti G 99, e cila ishte aleate e Edi Ramës që ishte zgjedhur kryetar i PS-së, pas largimit të Fatos Nanos. Në fakt kjo parti e re mori aq shumë vota sa nuk nxori asnjë kandidat për deputet.

Në koalicion me PS, partia G-99 ishte një dështim spektakolar. Më pas i dështu

ari në krye të partisë të 99-çave dhe ish-bashkëpunëtori i Berishës u fut në PS, u bë edhe udhëheqës i  madh.

99-çi i duhej Ramës, ai bënte të 99-tat. Mashtronte ndërkombëtarët, kujtojmë këtu rastin e bashkëshortes të Elvis Roshit, dilte në qëndrime publike me sharlatanizma dhe akuza të pavlera, mjafton t?i pëlqenin shefit e të bënin zhurmë. Gishtat obezë të Ilir Metës dhe më pas gjunjëzimi dhe pazaret me të janë një tjetër shembull për 99-shin Erion Veliaj.

Gjithçka eci shumë shpejt, Rama e bën ministër dhe me një opozitë të përçarë dhe të dobët bëhet kryebashkiak i Tiranës në vitin 2015, për t?u rizgjedhur me një garë false, por me një leksion të madh braktisje dhe votë kundër nga qytetarët e Tiranës. 10 mijë vota të pavlefshme, pjesëmarrja më e ulët historike dhe më pak vota se 4 vite më pare ishte rezultati i Erion Veliajt, 99-çit që po e pëson nga vetë socialistët.

Në fakt prej kohësh ai ka filluar një betejë, atë për karrigen e kreut të PS dhe po bën gjithçka për të larguar ccdo rival të mundshëm. Së pari filloi përplasjet dhe sulmet me Saimir Tahirin, i vërsuli të gjitha mediat, u zhduk nga ekranet dhe e sulmoi nga pas shpine.

Të njëjtën gjë bëri me Ditmir Bushatin, Niko Peleshin, Arben Ahmetajn dhe shumë socialistë të tjerë, të cilët në fakt njihen si besnikë të Edi Ramës, por nuk i nënshtrohen qëllimieve të Veliajt që si 99-ç është gati të ?vrasë? Ramën për karrigen  e kreut të PS.

Beteja me socialistët është e fortë dhe e hapur, por vështirë se Veliaj, me eskortën e 99-çave dhe rilindasve në qeveri si Spiropali, Xhaçka e co mund t?ja dalë kundër PS-së, zgjedhjet lokale ja dhanë një shenjë.

Me Blerina Gjylametin apo Ervin Bushatin dhe shumë qesharakë të tjerë nga pas, krye 99-çi që po shpartallon socialistët nuk do mundet të fitojë.

Përçarjen dhe betejën momentalisht e konsideron të fituar dhe rrugën e shtruar përpara edhe me mbështetjen e opozitës, e cila çdo bateri e ka tek Rama duke pritur pazarin e radhës.

Në fakt Veliaj ende është në panik dhe vepron i çoroditur. ?Vrasja? e një 17-vjeçari në Landfillin e Sharrës e tmerron prej vitesh, çfarë nuk ka bërë për të zhdukur gjurmë e ndaluar akuzat, por sërish makthet nuk i ndalen.

Kujton se me shtimin e pushtetit apo kapjen e kreut të PS-së do jetë i paprekshëm nga drejtësia, megjithëse nuk duhet të harrojë një fakt.

Sot në PS ai po fiton mbi shumë faktorë, po godet shumë aktorë politikë brenda socialistëve, por vetëm sepse ka mbështetjen e Edi Ramës, një moment të vetëm po ta lëshojë kreu i qeverisë duke e parë si rrezik për të ardhmen e tij, Erjon Veliajn, në PS e ?grijnë? me gjithë kockat. E shqyejnë politiksht për çdo akt dhe krim politik që ka bërë ndaj socialistëvë si 99-ç gjithë këto vite, duke i shpartalluar për të shijuar pushtetin e tyre./ CNA.al

Foto-lajm/ Kur Erion Veliaj protestonte kundër socialistëve

Lajmet e fundit nga