Connect with Us

Çlirimtari që na gënjen për Lulin

Aktualitet

Çlirimtari që na gënjen për Lulin

Publikuar

-

Gazetari i oborrit të Lulzim Bashës, Çlirim Peka dje nëpërmjet një komenti na tregonte ndryshimet e mëdha të Ramës me Bashën. Ai nuk nguronte të na saktësonte të gjitha “sukseset” e Lulzimit, pa lënë mënjanë faktin se ky ishte një kritik i tij i madh, për më tepër ai e kishte vendosur që Luli do ishte kryeministër nesër. Endrra janë, gjithkush ka të drejtë të ëndërrojë, vetëm se Çimit po i bëhen ënrrdat njësoj me kunatin!

Secili ka qejfet e tij, por vendimin për të qenë ose jo kryeministër nuk e merr as Çlirimi e as sëra e tij që njëherë e shan e pastaj i lëpihet Lulit, i cili është po i njëjti që i kërkoi para për kandidimin e vëllait të tij në 2017.

Këtë informacion e ka thënë vetë Çlirimi, i cili deklaronte se Luli nuk bëhej dot kurrë kryetar i PD, tani si do bëhet kryeministër?

Por, le të analizojmë më tej disa detaje nga shkrimi i Çlirimit që na do Lulin kryeministër, pa u bërë kryetar i PD-së.

“Lulzim Basha si ministër Transportesh mbikqyri ndërtimin e dy veprave më të mëdha infrastrukturore në historinë e Shqipërisë, rrugën e kombit, dhe autostradën Tiranë – Elbasan”-shkruan Çlirimtari, që për më tëpër është edhe gënjeshtar.

Lulzim Basha s’ka asnjë meritë në rrugën TIranë-Elbasan, s’ka bërë kurrë asnjë mbikqyrje, rruga ka filluar në vitin 2011, kur Luli ishjte në Bashki. Ministër i Transporteve ishte Sokol Olldashi, në 5 gusht është miratuar projekti teknik dhe në vjeshtë filluan punimet.

Sa për rrugën e Kombit, në atë vepër Luli shkaktoi një skandal 200 milionë euro, të cilin e mbylli me proçedurë e raporte. Basha kurrë nuk u hetua për atë abuzim, dhe atë skandal dhe investim ishte sërish Sokol Olldashi që e coi përpara dhe e mbylli deri aty ku është sot. Kuptohet që ai investim është projekt i ish-kryeministrit Berisha, kurse Luli vetëm i shkaktoi skandalet dhe e la përgjysëm.

“Basha si Ministër i Jashtëm njihet si personi që drejtoi proçesin e anëtarësimit të Shqipërisë në NATO”, na thotë Çlirimtari, i Ilir Metës dhe “dashnori” i Lulzim Bashës. Në fakt proçesin e ka udhëhequr i vetëm ish-kryeministëri Berisha dhe Luli ka zero merita, për më tepër si Ministër i Jashtëm do mbahet mend për shitjen e ujërave të Shqipërisë tek Greqia, një marrëveshje që u rrëzua nga Gjykata Kushtetuese.

LEXO EDHE:  Çfarë i ka ndodhur paktit me Bashën?!/Rama: Uroj mos të ketë vdekur! Ja opozita më e rrezikshme

“Basha si Ministër i Brendshëm që drejtoi proçesin e vështirë të liberalizimit të vizave”, përsërit Çlirimi, por harron të na thotë se është i vetmi Ministër i Brendshëm në historinë e demokracisë në Shqipëri, i cili ka mbi supe 4 të vrarë në Bulevardin “Dëshmorët e Kombit”, pas një proteste të dhunshme të opozitës.

Shkoi dhe qante në zyrën e Sokol Olldashit duke ulëritur me lot se Berisha e kishte marrë në qafë, pasi ishin vrarë njerëz.

Sa për vizat ai proçes u udhëhoq nga Kryeministria dhe Ministria e Integrimit dhe kontributi është i shumë institucioneve, procedura e regjistrit kombëtar elektronik të gjendjes civile dhe pasaportave biometrike që kishte Ministria e Brendshme, kishte përfunduar kur Luli shkoi në ministri.

“Basha si Ministër që uli kultivimin e kanabisit gjatë periudhës së tij në nivelet më të ulta historike”, një tjetër gënjeshtër historike.

Suksesin më të madh Ministria e Brendshme e ka nga viti 2005 në vitin 2007, kur institucioni drejtohej nga i ndjeri Sokol Olldashi, që me vullnetin dhe mbështetje e kryeministrit në atë kohë u shkatëruan dhjetra grupe kriminale, pati qindra arrestime të personave të shumë kërkuar dhe një luftë pa kompromis me krimin e drogën.

“Basha si kryetar i opozitës që udhëhoqi procesin më të vështirë të dekriminalizimit të politikës”, një tjetër idiotësi, e shkruar nga Çlirimtari.

Luftën për dekriminalizimin e filloi Jozefina Topalli, proçesin e udhqëhoqi Doktori dhe gjithçka Lulit ju dha e gatshme mbi tavolinë.

E vetmja meritë e Lulzim Bashës është shkatërrimi i elitës së PD-së, shpartallimi i strukturave në bazë, pazaret me Edi Ramën, koalicioni i neveritshëm me LSI-në e Metës dhe Kryemadhit.

Ka vetëm një meritë të madhe si opozitar, mundi që Çlirimin dje që e sakatonte publikisht, ta kthejë në servil të paepur./CNA.al

Një kryeministër për Çimin e Lalit

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Çfarë i ka ndodhur paktit me Bashën?!/Rama: Uroj mos të ketë vdekur! Ja opozita më e rrezikshme

LEXO EDHE:  Pasojat e tërmetit/ PD vihet në veprim, takim me ekspertët e emergjencave civile

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Demokratët “masakrojnë” Bashën/ Po vret shpresën e qytetarëve

LEXO EDHE:  Çfarë i ka ndodhur paktit me Bashën?!/Rama: Uroj mos të ketë vdekur! Ja opozita më e rrezikshme

 

LEXO TE PLOTE
Lajme të Rekomanduara: