Connect with Us

Shijoni çdo ditë të vitit në harmoni të plotë me natyrën, në kompleksin më elitar në Adriatik

Aktualitet

Shijoni çdo ditë të vitit në harmoni të plotë me natyrën, në kompleksin më elitar në Adriatik

Publikuar

-

Pozicionuar në Hamallaj, në Gjirin e Lalzit, buzë detit Adriatik dhe njëkohësisht kaq pranë Tiranës, mes gjelbërimit karakteristik që fal zona, është zhvilluar një nga komplekset më elitare rezidenciale dhe turistike. Bëhet fjalë për Vala Mar Residences, që duket se ka sjellë gjithçka që kushdo do të donte të shijonte në qetësi dhe harmoni të plotë me natyrën, jo vetëm gjatë sezonit veror apo fundjavave, por çdo ditë të vitit.

 

Për të kuptuar më shumë se çfarë ofron Vala Mar Residences dhe cilat janë risitë teknologjike dhe inxhinierike të aplikuara në këtë kompleks, u takuam me z. Erion Avram, Drejtor i Departamentit Teknik të kompanisë së ndërtimit Mane TCI.

“Ofrimi i cilësisë më të lartë të ndërtimit dhe nivelit elitar të jetesës, është çfarë ka udhëhequr punën tonë në projektimin dhe zhvillimin e Vala Mar Residences. Duke patur këtë qëllim, ne i kemi dhënë rëndësi të veçantë çdo elementi dhe sistemi, që sjell standard të lartë ndërtimi dhe mund të themi me bindje, që aplikimi i tyre ka sjellë padiskutim rezultate të dukshme” – shprehet z. Avrami.

“Kompleksi ka një infrastrukturë inxhinierike të përshtatshme, e cila respekton morfologjinë, karakteristikat dhe veçoritë e zonës. Vala Mar Residences është projektuar me rrugë të gjera automobilistike rreth 6 m dhe trotuarë të gjerë për këmbësorët 1.7 m në të dy krahët e rrugës. Në brendësi të kompleksit ka sinjalistikë të plotë rrugore, e cila rregullon më së miri qarkullimin e automjeteve dhe këmbësorëve” – vijon. Z.Avrami

Vala Mar Residences është e organizuar në mënyrë efikase nga pikëpamja e shpërndarjes së objekteve rezidenciale dhe hapësirave të përbashkëta. Ndërtesat janë të tipologjive të ndryshme dhe të kombinuara sipas një strukture të përgjithshme të mirë-studiuar.

Vilat dhe apartamentet kanë një organizim të rregullt dhe shumë racional, të orientuara nga deti, të gjitha me parkim individual. Parkimi është i tipit me pllaka me hapësira, me qëllim respektimin e ambientit, shtimin e gjelbërimit dhe lejimin e kullimit natyral të ujërave, duke shmangur ndërhyrjet agresive në ambient.

Jo vetëm vilat, por edhe të gjitha apartamentet e katit të parë, kanë oborr të gjelbëruar ku mund të kalohen momente relaksi dhe argëtimi me miqtë dhe familjarët.

Vilat dhe apartamentet kanë një organizim të rregullt dhe shumë racional, të orientuara nga deti, të gjitha me parkim individual. Parkimi, i cili përmbush plotësisht nevojat jo vetëm të banorëve por edhe të vizitorëve, është i tipit me pllaka me hapësira, me qëllim respektimin e ambientit, shtimin e gjelbërimit dhe lejimin e kullimit natyral të ujërave, duke shmangur ndërhyrjet agresive në ambient.

Të fokusuar për të ofruar një jetesë të shëndetshme, ekipi i arkitektëve ka projektuar në Vala Mar Residences sipërfaqe të shumta të gjelbërta, të cilat janë në dispozicion të banorëve dhe pushuesve. Me një koeficient shumë të ulët ndërtimi, në Vala Mar Residences bie në sy jo vetëm ruajtja e bimësisë karakteristike të zonës, por edhe pasurimi i gjelbërimit si askund tjetër.

Fasadat e objekteve krahas aspektit estetik i cili dukshëm tërheq vëmendjen e kujtdo që viziton Vala Mar Residences, janë trajtuar me shumë kujdes edhe nga ana funksionale për të qënë rezistente ndaj kushteve atmosferike dhe për të garantuar izolim të lartë termik. Në fasadat e të gjitha objekteve është aplikuar sistemi kapot dhe në funksion të këtij sistemi është përdorur grafiato ngjyrë e bardhë, e cila krijon njëtrajtshmëri dhe unifikim të objekteve.

Sistemet e dyerve dhe dritareve janë me veshje alumin, të parametrave bashkëkohorë dhe i përgjigjen kërkesave të projektit si në pamje ashtu edhe në specifikime teknike të parametrave termik. Dritaret e vilave dhe apartamenteve janë projektuar me sistem me “shpatulla”, grilë dhe me kapak të papërshkrueshëm nga uji, të cilët pengojnë ujin të depërtojë në ambientet e brendshme. Për të siguruar komoditet të lartë termik , parapetet e ballkoneve të vilave janë trajtuar me sistem xham dhe inoks, ndërsa parapetet e ballkoneve të apartamenteve janë trajtuar me parapet mur tulle 10 cm, si edhe sistem xham dhe inoks.

Tipi i themeleve i përzgjedhur dhe aplikuar në të gjitha objektet, jo vetëm siguron kontakt minimal me terrenin e lagësht, por gjithashtu siguron ventilimin e njësive, gjë e cila sjell një jetëgjatësi më të madhe për shkak të mikroklimës pozitive si në dimër edhe në verë.

Në dispozicion të banorëve dhe pushuesve është projektuar edhe një shëtitore buzë detit, me njësi biznesi të tilla si bar, restorant, supermarket etj.

Sistemi i avancuar i sinjalizimit kundra zjarrit, sistemi i furnizimit me ujë të pijshëm dhe energji elektrike, sistemi i drenazhimit të shëtitores, padyshim diferencojnë kompleksin Vala Mar Residences.

Vala Mar Residences ka sjellë një nivel elitar të jetesës në Gjirin e Lalzit  për këdo që kërkon komoditetin e një banese elitare, me cilësi të lartë ndërtimi, mes një komuniteti të përzgjedhur, por edhe për ata që kërkojnë të shijojnë relaks të plotë larg ritmit të jetës së përditshme.

_ _ _ _

Vala Mar Residences është një investim i Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon, i njohur për investimet në qendrat tregtare TEG, QTU, SEG, zhvillimet e zonave rezidenciale dhe tregtare, në turizëm me projekte të tjera si Green Coast Resort, në industrinë e fashion-it dhe atë minerare, në aktivitetet e shitjeve me pakicë me rrjetin e dyqaneve Neptun, SPAR Jumbo etj.

Për më shumë informacion mbi Vala Mar Residences, vizitoni www.valamaresidences.al ose kontaktoni në: [email protected]; +355 698014999.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: