Connect with Us

Nga Mero BAZE/ Ilir Meta një i çmendur me rrezikshmëri të lartë publike

Aktualitet

Nga Mero BAZE/ Ilir Meta një i çmendur me rrezikshmëri të lartë publike

Publikuar

-

Gjykata më e lartë për zgjedhjet në Shqipëri, i ka dhënë fund çoroditjes dhe çmendurisë që tentoi të mbjellë presidenti Ilir Meta dhe kori i opinionistëve, si dhe gjithologët gdhë, të rekrutuar për t’i shërbyer çmendurisë. Tani çmendurinë duhet ta mbajë në derë Presidenti, meqë ai e zyrtarizoi me “dekret”.

Gjykata, edhe pse nuk ka qenë e përgatitur për çmendurinë e dytë, i ka dhënë gjithësesi përgjigje dhe kësaj të sotmes.

Gjykata thote se “Presidenti as mund të ndryshojë, as mund të shfuqizojë datën e zgjedhjeve”.

Arsyetimi është njësoj, si për ç’dekretimin, ashtu dhe për ricaktimin e datës se zgjedhjeve. Këtë herë nuk ka nevojë, as për hutim, as për çoroditje, as për hipoteza, as për debat.

Dekreti i ri është vazhdim i historisë së vjetër. Dhe është po aq “Nul”.

Këtë na e ka thënë paraprakisht Gjykata në vendimin e zbardhur sot: “Kolegji çmon të bazuar qëndrimin e KQZ-së, ku shprehet në vendim se: “dekretimi duhet bërë duke respektuar periudhën zgjedhore (neni 8)”, dhe se dekretimi duhet bërë jo më vonë se 9 muaj … (neni 9)”.

Presidenti i Republikës ka kompetencë të kufizuar në kohë, dhe tej kësaj kohe, ai nuk ka më asnjë kompetencë për të vepruar në këtë drejtim. Pra, as mund të ndryshojë dhe as mund të shfuqizojë datën e zgjedhjeve.

Debati për datën mbyllet ketu, por debati për rolin e Presidentit si burim i krizës politike dhe shkelës i çertifikuar i Kushtetutës, mbetet.

Ky është debat më i thellë, më akut, më i domosdoshëm.

Sot presidenti i Republikës ka mbledhur disa ambasadorë të Perëndimit në Shqipëri, dhe në mënyrë të hapur, ka dënuar në takim, rolin e përfaqësuesve të Shteteve të Bashkuara të Amerikës dhe Republikës së Italisë, në këtë krizë.

Jo aq rastësisht, Italia dhe SHBA, janë dy miqtë më të mëdhenj të Shqipërisë, që kanë siguruar krijimin dhe ekzistencën e shtetit shqiptar.

Presidenti u ka thënë ambasadorëve se përfaqësuesit e atyre dy vendeve do të jenë përgjegjës nëse Shqipëria digjet ditën e diel, dhe ka folur më një gjuhë të çartur, prej një njeriu që ka humbur ekulibrin mendor.

Asnjë ambasador rus, përfshi dhe ata sovjetik, nuk kanë guxuar të flasin në Shqipëri me këtë gjuhë.

Ato deklarata janë bërë në sytë e gjithë ambasadorëve, dhe populli shqiptar duhet të distancohet nga presidenti i vet, një orë e më parë. Askush nuk mund të shpallë në emër të presidentit të Shqipërisë, një vend armik me Shqipërinë, përfaqësuesit e SHBA dhe Republikës së Italisë.

LEXO EDHE:  Dy ditë para zgjedhjes së Kryeprokurorit/ Donald Lu takohet me Ilir Metën

Njeriu që ka uzurpuar zyrën dhe ka bërë sot atë gjest, nuk përfaqëson shqiptarët, nuk përfaqëson historinë e këtij vendi dhe as të ardhmen e tij. Ai duhet të izolohet një orë e më parë, në mos si një tradhtar i lartë, se kështu e vlerësojmë shumë, si një i çmendur me rrezikshmëri të lartë publike.

Presidenti i Republikës ka bërë një provokim të ri, jo për të zgjidhur krizën, por për ta zgjatur krizën. Njeriu që gjoja në emër të zgjedhjeve pa opozitën (që e ka urdhëruar vetë të rrijë jashtë zgjedhjeve), futi Shqipërinë në krizë, ka shpikur një datë tjetër zgjedhjesh, të cilën nuk e pranon as opozita, as shumica, por është pjesë e planit të tij, që t’i japë shanse flakëve të përpijnë vendin.

Presidenti është vënë qartazi në krye të një kryengritje kundër rendit kushtetues, që nuk respekton vendimin e Gjykatës më të lartë për zgjedhjet në Shqipëri, që është Kolegji Zgjedhor, dhe që përpiqet të përdorë zyrën e presidentit, si shtab revolucioni për t’i vënë zjarrin vendit.

Nese Edi Rama deri sot ka dëshmuar vendosmëri se nuk i shtyn zgjedhjet, sepse përndryshe rrezikohet sistemi demokratik në Shqipëri, sot ai duhet të dalë e të deklarojë se nuk e shtyn shkarkimin e Presidentit, sepse ndryshe rrezikohet rendi kushtetues i vendit.

Në maj të 2017-tës, ai provoi te mbronte demokracinë dhe zgjedhjet, duke bërë kompromis me keqbërësit, por sakrifikoi rendin kushtetues (ia thotë Kolegji Zgjedhor këtë me vendimin e tij sot).

Sot ai duhet të mbrojë demokracinë dhe rendin kushtetues, duke refuzuar kompromisin me keqbërësit.

Kriza duket e komplikuar, por në fakt është shumë e thjeshtë. Në qendër të saj qëndron zyrtarisht Ilir Meta. Pas tij qëndron Sali Berisha.

I pari rri pa gjumë gjithë natën dhe mezi pret të dalë dielli në orën 5 të mëngjesit, për t’i hedh benzinë zjarrit mbi Shqipërinë.

I dyti pret të marrë hak ndaj shqiptarëve që e kanë zbuar dy herë nga zyra, një herë me dru e një herë me 1 milionë vota.

Shtetet e Bashkuara të Amerikës, praktikisht e kanë shkarkuar sot Ilir Metën si president të Shqipërisë, duke njohur 30 qershorin si datë zgjedhjesh, njësoj si nuk njohu Sali Berishën president në vitin 1997.

Tani ky vendim duhet të legalizohet nga shqiptarët.

Ne duhet t’u heqim nga duart këtyre dy zjarrvënësve Shqipërinë. Me çdo çmim.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Thirrje Presidentit/ “Prano krimin që u ke bërë shqiptarëve dhe shko në burg”

LEXO EDHE:  Mero Baze: Ilir Meta në betejë me Donald Lu dhe amerikanët

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Dy ditë para zgjedhjes së Kryeprokurorit/ Donald Lu takohet me Ilir Metën

LEXO EDHE:  Rama-Basha eliminojnë LSI!/Ilir Meta jep përgjigjen befasuese

 

LEXO TE PLOTE
Lajme të Rekomanduara: