Connect with Us

Para, sfida dhe dashuri/ Ja çfarë ka parashikuar horoskopi për ditën e sotme

Kuriozitete

Para, sfida dhe dashuri/ Ja çfarë ka parashikuar horoskopi për ditën e sotme

Publikuar

-

Dashi

Çfarëdo që të përpiqeni të përmbushni sot, do t’ia arrini qëllimit, mos u shqetësoni për këtë! Kjo është një ditë e mrekullueshme për ju, për të arritur një sërë qëllimesh që i keni vënë vetes.

Demi

Ka një mister zbavitës për ju për të zgjidhur. Për fat të mirë, do të merrni disa të dhëna të dobishme dhe emocionuese herët gjatë ditës. Dikush që zakonisht nuk e merrni shumë seriozisht, do të thotë diçka që do t’ju godasë si një e vërtetë e thellë.

Binjakët

Sot nga mendimet e shumta mund të ndiheni të hutuar, por kjo është plotësisht e kuptueshme. Duke i thënë gjërat me zë, do t’ju ndihmojë të përcaktoni cilat janë gjërat më të rëndësishme.

Gaforrja

Sa i saktë është vlerësimi juaj për financat? Vlera juaj është më shumë se vetëm paratë. Përdoreni eksperiencën për të realizuar disa projekte të rëndësishme të lëna pas dore.

Luani

Nëse jeni duke udhëhequr një grup, ose duke punuar me të tjerët sot, sigurohuni që të dëgjoni idetë që të tjerët sjellin në tavolinë. Duke vepruar kështu, ju do të fitoni besimin e ekipit dhe ata do të jenë shumë më të gatshëm të dëgjojnë idetë dhe sugjerimet tuaja gjithashtu.

Virgjëresha

Nëse po përpiqeni të gjeni një mënyrë të re për të organizuar jetën tuaj, duhet të mendoni të gjeni një profesionist për t’ju ndihmuar. Kërkoni që të keni pranë vetes njerëzit te të cilët besoni.

Peshorja

Gjithkush është unik në mënyrën e tij. Përpjekja për t’u përshtatur me çdo gjë që mendoni do të jetë vetëm një humbje e pakuptimtë e kohës. Ajo që duhet të bëni është të përqafoni faktin që jeni ndryshe.

Akrepi

Në vend që të humbni kohë duke u përpjekur të zbuloni rrënjën e problemit që keni në shtëpi, hyni në veprim që të zbusni tensionet sa më shpejt që të mundeni. Vendosja e paqes duhet të jetë qëllimi juaj kryesor tani.

Shigjetari

Sa me fat që jeni! Çdo gjë këtë ditë do të duket e ëmbël dhe e lehtë, kështu që duhet të bëni një pushim nga ‘dramat’ e jetës. Kur të keni kohë të lirë, bëjeni veten të vlefshëm për njerëzit e tjerë.

Bricjapi

Nuk ka asgjë falas, kështu që nëse dikush ju premton para të lehta, ose një të ardhme të sigurit financiare me pak ose aspak përpjekje, nuk duhet ta besoni. Besoni zërin tuaj të brendshëm.

Ujori

Ju me siguri do të ndiheni personi më i zgjuar në ambientin ku do të qëndroni, por madhështia juaj nuk do të shihet si një kërcënim për askënd. Në fakt, të gjithë do të jenë të kënaqur me ju. Përpiquni të jeni me këmbë në tokë, veçanërisht në çështjet e dashurisë.

Peshqit

Është krejtësisht e pranueshme që të mbështeteni në rrjetin e miqve dhe bashkëpunëtorëve të t’u për mundësitë e karrierës që kërkoni. Rrjeti juaj është i mrekullueshëm, por sot duhet të provoni veten edhe i vetëm. Në punë do t’ju duhet të kaloni disa sfida.

KLIKO PER TE KOMENTUAR

Komentoni

Your email address will not be published. Required fields are marked *

Kuriozitete

Historia e vërtetë e Spartakut, gladiatorit që drejtoi revoltën më të madhe të skllevërve në histori

Publikuar

-

Spartaku drejtoi jo vetëm një revoltë të madhe të skllevërve, ku morën pjesë dhjetëra mijëra njerëz në shekullin I Para Krishtit, por ai e mposhti vazhdimisht Romën në beteja. Por ende sot motivimet e tij, janë subjekt i debateve midis historianëve. A ishte ai një hero rebel – siç e cilëson legjenda urbane- një grabitës i shkujdesur, apo që të dyja bashkë?

Gjithçka që dime mbi Spartakun, na vjen nga burime të dorës së dytë apo edhe të dorës së tretë, nga historianë të lashtë që kanë lindur disa dekada pas vdekjes së tij në vitin 71 Para Krishtit. Dhe që nga kohërat e lashta, ai është mitizuar gati nga të gjithë. Po kush ishte në fakt Spartaku?

Para se udhëheqësi rebel të drejtonte njerëzit e tij anëmbanë Italisë, dhe të shkatërronte pa mëshirë legjionet romake, ai ishte thjeshte një djalë si gjithë të tjerët. 

Sipas historianëve antikë, Spartaku lindi në Thrakë, rajon që shtrihet sot në një pjesë të Bullgarisë, Greqisë dhe Turqisë. Pas Luftës së Tretë të Maqedonisë në shekullin II Para Krishtit, shumë thrakë u dërguan më dhunë në Itali, ku u shitën si skllevër. Mes tyre ishte edhe Spartaku.

Sipas historianit grek Apiani nga Aleksandria, që jetoi në shekullin II Pas Krishtit, Spartaku ishte në fillim një ushtar romak, por u burgosur dhe u shit tek një fisnik që zotëronte një arenë gladiatorsh në Kapua, një qytezë afër qytetit të Napolit. Në vitin 75 Pas Krishtit, gati 150 vjet pas vdekjes së Spartakut, historiani romak Plutarku shkroi se Spartaku rezistoi shumë kohë përpara rebelimit të tij si skllav. 

Ai rrëfen se kur u dërgua për herë të parë në Romë për t’u shitur, një gjarpër iu mbështoll rreth kokës kur Spartaku ishte në gjumë. Gruaja e tij, që vinte nga i njëjti fis, dhe ishte një profete, që njihte si zot Dionisin, tha se kjo shenjë do të thoshte që ai do të kishte një fuqi të madhe dhe të tmerrshme, që do ta çonte drejt një fundi tragjik.

Në Capua, Spartaku u detyrua të ndeshej si gladiator nën tutelën e Lentulus Batiatus. Në një moment ai vendosi të revoltohet. Sipas Plutarkut, rebelimi i skllevërve nisi me 78 njerëz që ishin të armatosur vetëm me disa thika kuzhine. Në vitin 73 Para Krishtit, ky grup gladiatorësh të fuqishëm, vendosi të rrezikojë gjithçka për të rifituar lirinë.

Pasi neutralizuan rojet, ata u arratisën. Fillimisht u ndeshën me një karvan udhëtarësh, të cilëve u grabitën armët që kishin me vete dhe arin. Më pas rebelët u nisën drejt shpateve të malit Vezuvit, duke plaçkitur fshatrat përreth, duke ndarë mallin me të tjerët, dhe duke mbledhur gjithnjë e shumë burra gjatë rrugës.

Në fillim Roma, nuk mendonte se një bandë skllevërish, të paraqesin ndonjë kërcënim serioz për të. Ata dërguan Gaius Glaberin që të merrej me këtë çështje. Duke e nënvlerësuar situatën, nuk i dhanë atij as një legjion të plotë ushtarësh. Glaber dhe 3.000 ushtarët e tij bllokuan rrugën e vetme prej nga ku Spartaku dhe njerëzit e tij, mund të largoheshin. 

Por rebelët përdorën degët e hardhive dhe të pemëve, ndërtuan shkallë dhe zbritën faqen shkëmbore, duke sulmuar romakët pas shpine. Pasi shpartalluan me shpejtësi ushtrinë e Glaberit, ata mposhtën shumë shpejt edhe legjionin e Publius Variniusit, me ushtrinë e tij prej 2.000 vetësh.

Këto fitore, bënë që rreth skllevërve, të mblidhen shumë njerëz. Shumë shpejt ushtria e Spartakut arriti në më shumë se 70.000 njerëz. Por Spartaku nuk ishte mendjekthjellët. I vetëdijshëm se nuk kishte asnjë shans të mposhtte të gjithë ushtrinë perandorake të Romës, ai hoqi dorë nga luftimet dhe synoi të rrikthehej në shtëpi. 

Ai dhe njerëzit e tij synuan të udhëtonin drejt veriut, të kapërcenin malet Apenine, të kalonin Alpet, dhe të ktheheshin në tokat e tyre të lindjes në Thrakë dhe Gali. Që të mbronte njerëzit, ai e ndau ushtrinë e tij në dy grupe. Gjysma e ushtrisë, e përbërë nga fiset gale dhe ato gjermanike, ndoqi ish-gladiatorin Kriksus, krahun e djathtë të Spartakut. 

Pjesa tjetër, kryesisht thrakas, ndoqën Spartakun. Megjithëse plani i tij ishte që të rikthehej sa më parë shtëpi, shumë nga burrat e tij kishin plane të ndryshme. Sipas Plutarkut, të mashtruar nga suksesi i tyre, ata vazhduan të shkatërrojnë Italinë. Ndaj senati romak, dërgoi gjeneralin Markus Krasusin që të shtypte rebelimin, duke i vënë në dispozicion 10 legjione.

Kur Spartaku dhe njerëzit e tij u mundën, 6.000 njerezit e tij u kryqëzuan gjatë rrugës që lidh Kapuan dhe Romën, si një leksion për të gjithë rebelët e mundshëm. Ai vetë mbijetoi dhe vazhdoi të udhëtonte drejt veriut. Më pas ndërroi mendje dhe u rikthye në jug drejt Siçilisë. Ai shpresonte të pushtonte ishullin, ku skllevërit ishin revoltuar 3 herë në 70 vitet e fundit. 

Ai planifikoi të shkonte në Siçili me një flotë me anije piratësh, por piratët e mashtruan. Ata morën paratë dhe u larguan para se rebelët të hipnin në anije. 

Spartaku u detyrua të stacionohej përkohësisht në gadishullin e Rhegiumit, në jug të Italisë, për të planifikuar veprimin e tij të radhës. Pas disa ditësh aty u ndesh me Krasusin, ku sllevërit pësuan një humbje të rëndë. Kjo humbje mbolli përçarje në radhët e rebelëve. Spartaku mendohej se gjeti vdekjen në betejën e fundit të rebelëve, edhe pse trupi i tij nuk u gjet kurrë.  

Disa historianë e shohin Spartakun si një rebel egoist, që i çoi njerëzit e tij drejt asgjesimit për shkak të egos së tij të tepruar, duke e shkatërruar ndërkohë Italinë e kohës. Të tjerët nuk bien dakord me këtë pikëpamje, dhe e shohin atë si një figurë frymëzuese që drejtoi mijëra njerëz të thjeshtë kundër Perandorisë Romake. Tek e fundit, Spartakus drejtoi revoltën më të madhe të skllevërve në Romën antike, revolta që kujtohet edhe sot e kësaj dite.

Përshtatur nga CNA.al

LEXO TE PLOTE

Kuriozitete

Keni flokë të yndyrshëm? Ja cili është “ilaçi” që ndihmon eliminimin e yndyrës

Publikuar

-

Flokët duken më bukur nëse nuk e heq menjëherë kripën nga floku, por përveç pjesës së bukurisë, duhet të dini se ajo ndihmon edhe në shëndetin e tyre.

Kripa e detit balancon nivelet e acidit në trup, duke eliminuar rrezikun e shumë sëmundjeve të ndryshme. Ajo përmirëson sistemin imunitar, shëndetin kardiovaskular, kontrollon shtypjen e lartë të gjakut, ul nivelet e larta të kolesterolit dhe trajton diabetin.

Për sa i përket flokëve, kripa e detit u vjen në ndihmë personave që kanë flokë të yndyrshëm. Kjo sepse kripa e detit ndihmon në absorbimin e çdo vaji të tepërt dhe përmban minerale, gjë që i bën flokët më të buta dhe më voluminoze.

Përveç periudhës së verës, kur ne mund të lahemi dhe t’i mbajmë flokët për disa orë me kripën e detit, në periudha të tjera përdorimi i kripës së detit në flokë bëhet duke i lagur flokët, e më pas duke shtuar një deri në dy lugë gjelle me kripë./ Burimi:intv

LEXO TE PLOTE

Kuriozitete

Mos i përdorni më/ Zbuloni arsyet që zbutesit po ju “shkatërrojnë” buzët

Publikuar

-

Gjithmonë kur kemi buzë të thara ose të çara, përdorim zbutës duke menduar se do të jenë sërish të buta e pa kore si më parë. Por, me përdorim të shpeshtë, vëmë re se buzët nuk mund të mbijetojnë më vetë, pa nevojën e një zbutësi.

Por duket se e kemi pasur gabim. Zbutësit me përbërës si acidi hialuronik dhe glicerina e përkeqësojnë gjendjen. Këta përbërës e nxjerrin lagështirën nga lëkura, sidomos në një ambient të thatë, ku avullon. Të njëjtin efekt kanë dhe zbutësit me mente a përbërës të tjerë cimbitës.

Rekomandohet që të anoni drejt produkteve për buzët që kanë dyll bletësh, gjalpë shea dhe vajra të ndryshëm natyral, pasi nuk e lejojnë lagështirën të largohet nga lëkura.

LEXO TE PLOTE
Lajme të Rekomanduara: