Denoncimi/ Bashkia jep leje ndërtimi, familjes i rrezikohet banesa – CNA
Connect with us

Aktualitet

Denoncimi/ Bashkia jep leje ndërtimi, familjes i rrezikohet banesa

Publikuar

-

Bashkia Shkodër ka dhënë një leje ndërtimi për një pallat 6 katësh, në lagjen “Qemal Stafa”., por firma ndërtuese nuk ka zbatuar distancën e ndërtimit në lidhje me pronat kufitare, përkatësisht me pronën e familjes Pelingu. Pas interesimit të Fiks Fare kjo bashki pezullon punimet duke dalë në konkluzionin se firma ka ndryshuar projektin.

Në Fiks Fare u ankua familja Pelingu ku ngjitur me shtëpinë e tyre tre katëshe po ndërtohet një pallat 6-katesh me leje të miratuar nga Bashkia Shkodër. Por pallati në fjalë nuk ka respektuar distancën e ndërtimit duke u afruar shtëpisë së tyre vetëm një metër larg dhe duke mos u respektuar distanca atyre ka filluar shtëpia tu prishet. Muret kanë marrë krisje gjithashtu edhe në fasadën e jashtme të shtëpisë ka rënë suvaja. Familjarët tregojnë se shtëpinë e kanë me të gjitha dokumentet si edhe truallin po ashtu dhe i janë drejtuar bashkisë për mos respektimin e distancës së firmës ndërtuese , por askund nuk kanë gjetur zgjidhje. Distanca e pallatit që po ndërtohet nga shtëpia e familjes Pelingu është aq sa të kaloj një njeri në këmbë, pra edhe më pak se një metër distancë.

Fiks Fare iu drejtua Bashkisë Shkodër me një kërkesë për të kuptuar se si ishte dhënë kjo leje ndërtimi dhe a po e respektonte firma distancën që duhet të ketë më kufitarët. Në përgjigjen e saj drejtuar Fiksit Bashkia Shkodër shprehet se janë respektuar distancat për lejen dhe është largësia që parashikohet në ligj. Sipas bashkisë distanca minimale e lejuar e ndërtimit nga kufiri i pronës duhet të jetë e barabartë me numrin e kateve mbi tokë plus një metër. E thënë ndryshe distanca e këtij pallati 6- katesh duhet të ishte larg banesës së familjes Pelingu 4.3 metra në katin përdhe dhe 7 deri në 9.2 metra në katin e pestë.

Pas interesimit që Fiks Fare pati në Bashkinë Shkodër për këtë problem, pas disa kohësh familjes Pelingu i mbërrin një tjetër shkresë nga bashkia. Ndryshe nga sa kjo e fundit u shpreh për Fiks Fare , në shkresën e dytë ajo i drejtohet familjes se bashkia ka bërë verifikime dhe objekti 6- katesh ka aplikuar online për ndryshim projekti. Në këto kushte kjo bashki është shprehur se kjo kërkesë e firmës është në shqyrtim e sipër, por nga ana e saj u pezulluan punimet. U desh ndërhyrja e Fiks Fare që bashkia të bënte verifikime dhe të pezullonte punën e firmës së ndërtimit ./ Top Channel/

KLIKO PER TE KOMENTUAR

Leave a Reply

Your email address will not be published. Required fields are marked *

Aktualitet

Casillas u tërhoq pas problemeve në zemër/ E zëvendëson gjiganti gjerman

Publikuar

-

Iker Casillas nuk do të luajë, më për shkak të problemeve në zemër, ndaj prej kohësh drejtuesit e Portos janë në kërkim të portierit të ri për skuadrën. Buffon, që ishte në krye të listës, preferoi rikthimin tek Juventusi, ndërsa tani emri i përzgjedhur është Kevin Trapp.

“Gardiani” gjerman, që sezonin e kaluar u huazua tek Eintracht Frankfurti, ka eksperiencën e duhur, sipas drejtuesve, dhe do të ishte pasuesi ideal i Casillasit, ndërsa transferimi i tij favorizohet edhe nga fakti që 29-vjeçari ka vetëm një vit kontratë të mbetur me PSG-në.

Duke mos pranuar rinovimin, drejtuesit janë të detyruar të pranojnë ofertën 5 milionë euro nga Porto, plus bonuset, në varësi të rezultateve të skuadrës së tij të ardhshme.

LEXO TE PLOTE

Aktualitet

Belica lëshon deklaratën e papritur: Ne nuk e pësojmë si Kukësi

Publikuar

-

By

Egzon Belica është një lider i vërtetë në mbrojtjen e Partizanit, por me ndryshimet e fundit, strugani duhet të përshtatet me partnerin e ri, Eno Bitri. Faktori B (Belica-Bitri) funksionoi shumë mirë në ndeshjen e parë me Karabakun dhe në intervistën e dhënë për “Panorama Sport”, Egzoni shprehu optimizëm për transfertën e Bakusë.

Sipas Belicës, Partizani e tregoi veten në ndeshjen e parë, ndonëse pakkush besonte, ndaj ai parashikon se ecuria e mirë do të shfaqet edhe nesër, ku pritet që ekipi të jetë i kujdesshëm në fazën mbrojtëse. Por guximin nuk e anashkalon, pasi ai parashikon se “demat” do ta gjejnë golin ndaj Karabakut me shpresën që të jenë ata që do të kualifikohen.

Belica flet me superlativa për Bitrin dhe shpreson që edhe në Baku mbrojtja dhe Partizani të tregojnë veten dhe të marrin suksesin. Le të shpresohet që “muri i kuq” të mbetet i pakalueshëm edhe në Baku. Strugani deklaroi se Partizani do të japë maksimumin që të mos ketë fatin e Kukësit në vitin e shkuar ndaj Karabakut.

Barazimi në ndeshjen e parë, a ju bën optimistë për tranfertën e Bakusë?

Askush nuk e priste që Partizani të bënte atë paraqitje në ndeshjen e parë me Karabakun. Mendoj se zhvilluam një lojë të mirë dhe për mendimin tim, morëm edhe një rezultat të mirë. Ndoshta u mbrojtëm më shumë sesa duhet, por them se ishte mënyra e vetme për t’i bërë ballë një ekipi të fortë si Karabaku. Në Baku do të shkojmë që të bëjmë ndeshjen tonë. Do të luftojmë dhe do të mundohemi të bëjmë më të mirën dhe me shpresë të shënojmë edhe një gol që të na japë mundësinë për kualifikim.

Ju vjen keq që shtylla ju mohoi golin në takimin e parë?

Ajo që ndodhi nuk ishte rastësi, pasi ne i kemi praktikuar shpesh në stërvitje goditje të tilla nga pozicionet standarde. Atë aksion e kemi praktikuar edhe gjatë fazës në Slloveni, por edhe  për ndeshjen me Karabakun. Do të provojmë që të njëjtën gjë ta bëjmë edhe në sfidën e kthimit dhe shpresoj që të shënojmë dhe kësaj radhe të mos na ndalë shtylla.

I druheni se mund të keni fatin e Kukësit, që para një viti barazuan 0-0 me azerët dhe u mundën thellë në Baku?

Ne do të shkojmë të bëjmë lojën tonë dhe të japim maksimumin në fushë. Kukësi u mund 3-0 atje, por me shpresë kjo gjë nuk do të ndodhë me Partizanin nesër në Azerbajxhan. Ne do të shkojmë atje për të treguar veten dhe për të dhënë maksimumin, pastaj do të jetë fusha e lojës ajo që të bëjë dallimin.

A do të jeni të kujdesshëm si në ndeshjen e parë, apo do të guxoni më shumë në Azerbajxhan?

Besoj do të jemi edhe më të kujdesshëm. Do të provojmë të guxojmë, por në shumicën e lojës sonë do të jemi të kujdesshëm.

LEXO TE PLOTE

Aktualitet

“Po me Arbenin ç’patën?”/ Agron Duka në krah të Malajt  

Publikuar

-

By

duka

Kreu i PAA-së, Agron Duka ka reaguar në lidhje me kërkesën e mazhorancës për të shkarkuar nga detyra Anëtarin e Këshillit Mbikqyrës të Bankës së Shqipërisë, Arben Malaj.

Në një postim në rrjetet sociale, Duka shkruan se Malaj është “armiku” i radhës i qeverisë.

“Pas Presidentit, radhën për t’u shpallur armik publik e ka Arben Malaj, anëtar i Këshillit Mbikëqyrës të Bankës së Shqipërisë. Si në rastin e Presidentit, vetë e kandiduan, vetë e votuan dhe vetë po kërkojnë ta shkarkojnë. Lind pyetja: Po me Arbenin ç’patën?”-shkruan Duka.

Më tej, ai thekson se pretendimi se Malaj ka kryer ‘shkelje të rënda të etikës’, pasi ka nënvizuar problematikat e shumta të kësaj mazhorance, është paradoksale dhe qesharake.

“Sidomos kur këto akuza ngrihen nga një shumicë e përgjuar duke shkelur me këmbë lirinë e votës. Mendimi ndryshe është një virtyt dhe jo një shqetësim për një shoqëri demokratike. Duhet inkurajuar dhe jo ndëshkuar!”-përfundon postimin e tij Agron Duka./ CNA.al

PS kërkoi “kokën” e Malajt/ Ish-ministri flet me emra, zbardh mesazhet kërcënuese

LEXO TE PLOTE
Reklama
Reklama

Trending