Connect with Us

Java e fundit e muajit qershor/ Astrologia e famshme tregon se çfarë do të ndodhë me 12 shenjat e zodiakut

Aktualitet

Java e fundit e muajit qershor/ Astrologia e famshme tregon se çfarë do të ndodhë me 12 shenjat e zodiakut

Publikuar

-

DASHI

Jeni të ndikuar nga bisedat me miqtë apo nga vetë jeta e përditshme, të cilat janë burimi i ideve dhe mendimeve për të bërë ndryshime, por akoma nuk mund të bëhen realitet sepse nuk kanë stabilitet. Nuk është nevoja të merrni vendime pasi jeni në një fazë përgatitore deri në korrik. Shfrytëzoni shanset që paraqiten në sferën financiare dhe përpiquni të zgjidhni çështjet familjare dhe profesionale duke vendosur një ekuilibër mes tyre.

DEMI

Java është mjaft premtuese për ju prej të mërkurës deri të premten. Do të keni mundësinë të kontaktoni njerëz të rëndësishëm, të cilët do t’ju mbështesin apo do të ndihmojnë në realizimin e planeve tuaja. Ju të lindurit në dhjetëditëshin e parë të shenjës që jeni në fazë ndryshimesh mos u nxitoni të veproni në këtë moment, pasi do të paraqiten situata më të përshtatshme në vijim.

BINJAKËT

Gjatë kësaj jave do të keni mbështetje në momentin e duhur dhe nga persona të përshtatshëm, mjafton që dhe ju të bëni lëvizjet e duhura. Konkluzionet e bisedave që do të keni me miqtë apo njerëzit e familjes janë të parealizueshme për momentin, ndaj tregohuni të duruar.

GAFORRJA

Kontakte me persona të rëndësishëm, të cilët do të ndihmojnë në mënyrë të konsiderueshme në karrierën apo biznesin tuaj, do të keni gjatë kësaj jave. Kujdes duhet të tregoni në menaxhimin e financave dhe të shmangni negociatat për periudhën në vijim. Në jetën sentimentale paraqiten shanse për marrëdhënie serioze dhe me perspektivë.

LUANI

Mbështetjen e bashkëpunëtorëve apo të eprorëve do të keni gjatë kësaj jave dhe si rezultat zhvillimin dhe përparimin tuaj në fushën profesionale. Organizoni mirë punën pa qenë maniak dhe shmangni nervozizmin. Kujdesuni për shëndetin dhe gjeni kohën për t’u çlodhur. Prapaskenat nuk do të mungojnë, por ju nuk duhet t’i ushqeni.

VIRGJËRESHA

Shanse unike paraqiten në fushën profesionale dhe kontakte me njerëz të rëndësishëm që do t’ju ndihmojnë në këtë drejtim. Gjatë periudhës që vijon do të preokupoheni shumë me veten tuaj duke bërë një rishikim endoskopik, por edhe duke u marrë me paraqitjen dhe imazhin tuaj në përgjithësi. Megjithatë ky nuk është momenti që t’i jepni më shumë rëndësi se sa duhet pamjes suaj. Harmonizoni marrëdhëniet me njerëzit e afërt.

PESHORJA

Një vend më i mirë pune apo një post me përgjegjësi ju pret gjatë kësaj jave. Periudha është e përshtatshme për realizimin e disa prej ëndrrave dhe dëshirave tuaja. Përfitoni nga shanset që paraqiten. Kujdes duhet të tregoni në mënyrën se si i perceptoni apo i vlerësoni situatat gjatë periudhës që vijon. Përpiquni të jeni sa më objektiv.

LEXO EDHE:  Këto shenja horoskopi do të jetojnë një muaj të mbushur me  pasion

AKREPI

Persona të rinj paraqiten në jetën tuaj dhe kontribuojnë në ndryshimet që jeni duke bërë si në jetën personale, ashtu dhe në atë profesionale. Ekziston mundësia që disa nga ju të bëjnë një njohje gjatë një udhëtimi. Flirti dhe dashuria kanë një vend të konsiderueshëm gjatë kësaj jave në jetën tuaj. Për ju që jeni prindër, është momenti të rregulloni çështjet në lidhje me fëmijët tuaj.

SHIGJETARI

Zhvillim dhe përparim premton java në fushën profesionale, ndërkohë që dhe jeta juaj e përditshme bëhet më interesante dhe më e këndshme. Megjithatë vendimet serioze lidhur me planet tuaja profesionale mirë është t’i merrni në fund të gushtit. Përqëndrohuni në sferën financiare që është më problematike për sivjet.

BRICJAPI

Kushte për zhvillim në të gjitha sferat e jetës krijon për ju kjo javë. Suksese apo rritje në përgjegjësi premton në fushën profesionale, ndërsa në jetën sentimentale një lidhje erotike ka gjithë perspektivat që të krijohet. Organizojini më mirë dhe bëni një programim të financave tuaja.

UJORI

Mjaft pozitive janë për ju gjërat në fushën e marrëdhënieve dhe të bashkëpunimeve dhe kjo javë premton për ju ndihmë dhe fitime reciproke nga të dyja palët. Me të dashurit tuaj do të vini më afër, madje duke gjetur dhe interesa të përbashkëta që do të bëjnë rutinën tuaj më interesante. Në sferën ekonomike paraqiten shanse, por nuk bëhet fjalë për investime dhe lëvizje të mëdha.

PESHQIT

Lajme të mira dhe të dhëna që do t’ju ndihmojnë do të keni nga bashkëpunëtorët tuaj. Megjithatë informacionet që do të keni mirë është që t’i kaloni nga filtri dhe të jeni më objektiv në gjykimin tuaj në lidhje me ato. Fati do të jetë me ju dhe do të keni mjaft zhvillime pozitive si në fushën profesionale, ashtu dhe jetën sentimentale, por duhet të jeni sa më realist dhe objektiv në planet, pretendimet apo kërkesat tuaja. Erdhi momenti të planifikoni pushimet apo të shkoni të pushoni. /Burimi:revistawho.com

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Janari, muaji i krizave në dashuri

LEXO EDHE:  Këto shenja horoskopi do të jetojnë një muaj të mbushur me  pasion

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Shkurti ,muaji më i mbarë i vitit për këto shenja

LEXO EDHE:  Besëtytnitë e muajit të dasmës

 

LEXO TE PLOTE
Lajme të Rekomanduara: