Connect with Us

Kujdesu që TCH, të mos ketë fatin e “Librës”/ Berisha paralajmëron Vjollca Hoxhën

Aktualitet

Kujdesu që TCH, të mos ketë fatin e “Librës”/ Berisha paralajmëron Vjollca Hoxhën

Publikuar

-

Ish kryeministri Sali Berisha ka lëshuar akuza të Rënda ndaj Presidentes së Top Channel Vjollca Hoxha dhe drejtorit Ben Blushi.

Sipas tij, ata i ngritën kurth ish deputetit Bardh Spahia, që ta çonin në qeli.

“Në një akt të pashembullt në historinë e këtyre 3 dekadave, ish deputeti Bardh Spahia u arrestua me urdhër të Edi Ramës live nga narkobanditë me uniformë, të cilët i kishin zëne pusi tek shkonte në një debat televiziv në Open të gazetares Eni Vasili”, shkruan Berisha në rrjetet sociale..

Sipas tij, tani gjithçka bëhet më e qartë, se kurthi për të cilin TCH nuk bëri asnjë reagim ndaj këtij turpi që iu bë duke u përdorur si grackë për arrestimin e përfaqësuesit të opozitës është i organizuar me urdhër të kryeministrit Edi Rama.

Postimi i plotë:

Nje pusi e pashembullt nga Tele Blushi!

Znj. Vjollca kujdesu qe TCH te mos kete fatin e Libres!

Te dashur miq, ne nje akt te pashembult ne historine e ketyre 3 dekadave, ish deputeti Bardh Spahia u arrestua me urdher te Edi Rames live nga narkobandite me uniforme, te cilet i kishin zene pusi tek shkonte ne nje debat televiziv ne Open te gazetares Eni Vasili.

Kaluan dy dite nga ky akt i felliqur qe Bardh Spahia mbahet ne qeli ose arrest shtepie si i burgosur politik vetem se ai u kishte kallur daten Edvin Kristaq Vjedhesit dhe Vasal Kimik Lleshit.

Por ajo qe po komentohet gjeresisht ne opinionin publik dhe mediatik eshte edhe heshtja prej hafieje e hijeksit qe nxori ne pusi Ish deputetin Bardh Spahia.

Tani gjithçka behet e qarte, se kurthi per te cilin TCH nuk beri asnje reagim ndaj ketij turpi qe iu be duke u perdorur si gracke per arrestimin e perfaqesuesit te opozites eshte i organizuar me urdher te Edvin Vjedhesit dhe gjeneral Kanabisit apo Vasal Kimikut ne bashkepunim direkt me asnjeri tjeter perveç Ben Blushit. Blushin e akuzojne jo vetem zinxhiri i pafund i ligesive dhe pabesive qe e shoqerojne ne çdo hap, por edhe urrejtja e tij per opoziten, per te cilen me median qe ka pushtuar dhe po e shkaterron me sukses ben gare me Gellcin e Zi se si ta censuroje ate dhe shpife e trilloje nga mengjesi ne darke kunder saj.

Shkaku i pusise qe i organizoi deputetit Spahia mund te jete edhe ndonje shperblim nen dore qe ai ka marre per kete akt pasi dihet mire dhe universalisht se Blushi vdes per shperblime, ne mos per sherbimet qe i ka qef.

LEXO EDHE:  Ish deputeti ngre alarmin/ Mos e merrni këtë ilaç, shkakton kancer

Ne te vertete, te revoltuar nga perdorimi i TCH si pusi per te ftuarit e tij, gazetare dhe punonjes te tjere, madje flitet se edhe vet Zonja Hoxha, te cilen Blushi ne kundershtim flagrant me ligjet e ka emeruar presidente te Dixhitalbit, firmosen nje deklarate ku denonin shnderrimin ne telepusi te televizionit te tyre. Por urdheri i prere i Blushit, thuhet ne kete rast hjekesit te ish deputetit Spahia, ndaloi publikim e saj.

Me kete rast do ti them edhe dy fjale per Blushin dhe TCH!

Miq, TCH eshte nje televizion egersisht kunder meje. Drejtues, kryeredaktore, gazetare, redaktore, kronikane dhe humoriste e kloune te ketij televizioni kane ndertuar, vila, blere apartamente, marre poste te larta si shperblim per shpifjet, trllimet ndaj meje, PD dhe qeverise se saj. Por megjitheketo une ndjehem mire se pikerishte gjate qeverisjes se PD ju dha liçenca kombetare dhe nuk u mbajt peng per kete liçence, qe mendoj se e meritonte, siçbenin socialistet per te cilet punonte nga mengjesi ne darke.

Por ne kete kontekst e prita i dyzuar emerimin e Blushit ne krye te ketij rrjeti dhe kjo jo aspak per kimizmin tim ndaj tij. Por por pavaresisht nga vleresimet e mia pozitive qe kam per Blushin ish analist, apo dhe shkrimtar, perseri per mua Blushi ka diçka te perbashket nje fuqi magu me Oskarin e Gunter Grass, per te cilen jam ndalur gjeresisht ne nje shkrim tjeter kur filloi te imitoje Ciprosin e Greqise.

Mjerisht dyzimi im u faktua i drejte me emerimin e tij. Blushi si per inat profesional ndermori fshesen ndaj me te kualifikuareve te ketij televizioni. Perveç kesaj imponoi çensuren e papare me pare ndaj opozites me tezen se opozita nuk perben apo prodhon lajm.

Por nuk jane keto qe me shtyjne te shkruaj keto rrjeshta per Blushin. Por diçka me tronditese me shtyn mua te shpreh keto mendime por edhe te paralajmeroje znj Vjollca. Kjo diçka me e rendesishme qe e shoh se po feks ne horizont eshte se fati i Libres e pret ne nje te ardhme te afert edhe TCH e udhehequr nga Blush Hjekesi.

Duke denuar me forcen me te madhe burgosjen politike te ish deputetit Spahia, siguroj me kete rast Edvin Vjedhsin, Vasal Kimik Lleshin dhe Blush Hjekesin se do pergjigjen personalisht per çdo ore qe e mbajne te burgosur apo arrest shtepie ish deputetin Spahia! sb/CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Zgjedhjet-Tahiri i përgjigjet Blushit/Të kënaqur që …!

LEXO EDHE:  Ndocaj kundër Blushit/ Eshtë kopjac

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Zbulohet paterica që fut në protestë PD-PS/ Shqipëria po shkatërrohet ngadalë

LEXO EDHE:  Takimi Blushi-Fuga-Beqaj/ Zbulohet biznesmeni në tryezën e bisedimeve

 

LEXO TE PLOTE
Lajme të Rekomanduara: