Connect with Us

Horoskopi javor 24 qershor deri në 30 qershor/ Si do të jetë dashuria për 12 shenjat e zodiakut

Aktualitet

Horoskopi javor 24 qershor deri në 30 qershor/ Si do të jetë dashuria për 12 shenjat e zodiakut

Publikuar

-

Dashi

Klima në jetën tuaj në çift do jetë shumë e ngrohtë gjatë kësaj jave. Do bëni çmos që t’i sqaroni të gjitha mosmarrëveshjet që keni pasur dhe të shihni me optimizëm drejt së ardhmes. Edhe për beqaret do jetë një javë pozitive. Do tregoheni shumë të hapur ndaj ftesave që do iu bëhen dhe do e bëni për vete dikë.

 

Demi

Do ndiheni të lënë pas dore këtë javë nga ai që keni në krah dhe kjo do iu mërzitë jashtë mase. Mundohuni të flisni me qetësi me të dhe të gjeni zgjidhjen më të mire për të dy. Beqarët do kalojnë ditë të bukura dhe të mbushura me emocione. Do vijë edhe takimi me personin e shumëpritur.

Binjaket

Do ngrini disa pikëpyetje mbi jetën tuaj gjatë kësaj jave dhe do e keni të vështirë të ruani një komunikim të mirë me të. Bëni kujdes! Beqaret do tregohen optimistë dhe do kërkojnë deri ditën e fundit dashurinë e madhe. Shpresa vdes e fundit.

 

Gaforrja

Projektet në çift do vazhdojnë edhe gjate kësaj jave. Ju te dy do jeni si një ekip i forte qe mund te zgjidhni çdo paqartësi apo çdo problem qe do iu dale. Një tjetër fakt i mire do jete se nuk do influencoheni aspak nga te tjerët. Beqaret nuk do jene te fiksuar te gjejnë një person me te cilin te ndajnë jetën sepse miqtë dhe familjaret nuk do i lënë për asnjë moment vetëm.

Luani

Do i jepni me shume rëndësi se kurrë jetës suaj ne çift këtë jave dhe gjithçka do e bëni me plan. Partneri do ndihet mire qe ju kujdeseni për te dhe nuk e lini pas dore. Beqaret do kenë një takim te veçante, por nuk duhet te nxitohen dhe te fillojnë menjëherë angazhime serioze. Ka kohe për çdo gjë.

 

Virgjeresha

Ambienti ne jetën tuaj ne çift do jete mjaft i ngrohte këtë jave. Gjithçka qe keni ëndërruar do iu realizohet si me magji dhe ju do ndiheni shpesh si ne ëndërr. Beqaret do bëjnë për vete shume persona dhe do kenë mundësi te zgjedhin atë qe iu përshtatet me tepër.

 

Peshorja

Jave pozitive kjo për gjithë te dashuruarit. Do tregoheni shume te arsyeshëm për gjithçka dhe nuk do hidhni asnjë hap pa qene ne një mendje me partnerin. Ata qe kane pasur probleme do i zgjidhin sa hap e mbyll sytë. Ndikimi i yjeve do jete i favorshëm për beqaret. Mjafton ju te dëshironi diçka dhe ajo do iu realizohet.

Akrepi

Do jeni ne dispozicion te partnerit gjate kësaj jave dhe nuk do e lini atë për asnjë moment te mërzitet. Ai nga ana tjetër do mendoje t’iu beje një surpriza te mrekullueshme. Përgatituni për emocione te forta. Beqaret nuk do e kenë mendjen për te krijuar shpejt një lidhje, por personat qe do takojnë do i bëjnë te ndryshojnë mendim.

Shigjetari

Fati do iu buzëqeshë gjate kësaj jave ne planin sentimental. Çdo gjë do behet ashtu si thoni ju dhe mosmarrëveshjet nuk do bëjnë fare pjese ne jetën tuaj. Beqaret do kenë një takim shume interesant qe nuk duhet humbur për asnjë lloj arsyeje. Mos hezitoni ta shprehni pëlqimin.

Bricjapi

Me ne fund do mbizotërojë qëndrueshmëria ne jetën tuaj ne çift.  Do flisni qetësisht me partnerin dhe do merrni disa vendime. Beqaret nuk duhet te tregohen te paduruar sepse kjo do iu sillte me shume probleme sesa një jete te qëndrueshme.

 

Ujori

Gjate kësaj jave do ndiheni shume te lumtur ne krahët e te dashurit tuaj te zemrës. Lidhja juaj do thellohet edhe me tepër dhe do i lini pas te gjitha mosmarrëveshjet qe keni pasur. Beqaret do jene te pavendosur për te bere një zgjedhje sepse ne fakt ata kërkojnë një person perfekt.

 

Peshqit

Do bëni projekte te përbashkëta se bashku me partnerin tuaj gjate kësaj jave dhe kjo do iu afroje edhe me tepër me njeri-tjetrin. Beqaret do kenë një takim impresionues nga i cili mund te fillojnë një lidhje te qëndrueshme e afatgjate.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  U mbush kupa! Nëse sheh këto 5 shenja është koha t’i japësh fund lidhjes

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Horoskopi javor, 8 korrik deri në 14 korrik 2019/ Puna dhe shëndeti, zbuloni surprizat e kësaj jave

 

LEXO TE PLOTE
Lajme të Rekomanduara: