Connect with Us

Opozitë e emëruar/ Aleatët e Rilindjes në krah të Bashës

Aktualitet

Opozitë e emëruar/ Aleatët e Rilindjes në krah të Bashës

Publikuar

-

Basha dhe Rama pas marreveshjes se 18 Majit

Opozita e sotme rezulton të jetë një vasale e emëruar e Edi Ramës, megjithëse është në një betejë të cilën pretendon se e ka të fortë, përballë tij dhe Rilindjes.

Por ky konstatim nuk është thjeshtë një akuzë apo diversion, por është një fakt dhe ka shumë arsye se pse mund të themi se kemi një opozitë të emëruar.

Gjithçka le të fillojë me Lulzim Bashën, i cili pas marrëveshjes me Ramën në vitin 2017,  ringjitet në krye të PD-së, pasi ngriu. Pësoi një humbje, pranoi rezultatin, nuk bëri asnjë ankimim shkon drejt kapjes së partisë dhe më vonë, pas rreth një vit e gjysëm kujtohet se ka një problem, dhe ky problem qenka kryeministri.

Bojkoton parlamentin dhe në ditën e fundit të bojkotit, shkon atje, paraqitet në detyre dhe pas rreth një muaj e gjysëm djeg mandatet, duke dalë në një përplasje frontale.

Por, pasi Edi Rama i ka dhënë të gjithë aletatë që ka pasur dhe pasi kishte bërë një Pazar të fortë dhe të pistë dhe tepër të panjohur me “kapon” e Rilindjes.

Le ta fillojmë nga aleati i parë.

Aleati i parë është LSI-ja. Ai që flet është Petri Vasili, ish-ministër i Edi Ramës, ai që flet quhet Ylli Manjani, ish-ministër i Edi Ramës. Ata që protestojnë dhe flasin quhen Edmond Haxhinasto, ish-ministër i Edi Ramës. Ajo që flet quhet Monika Kryemadhi, bashkëshortja e presidentit Meta, njerëzit që mbështetën Edi Ramën për të sjellë Rilindjen në pushtet dhe kërkojnë ta kalojnë me një falje.

Por, është ajo Monika që në video dje fliste dhe thoshte që Edi Rama është një njeri i veçantë dhe se Rilindja duhet të vinte në pushtet. Ndërsa sot ulëret, bërtet dhe kërcënon.

Është Ilir Meta, aleati i ngjalave të Edi Ramës që solli Rilindjen në pushtet në vitin 2013, së bashku me bandat që kandidoi “kapo-banda” e Rilindjes, me emrin Edi Rama. U bë kryetar Kuvendi, u kap në skandal me skenar dhe tentativa vrasje deputetësh e përfundoi president i zgjedhur me votat e Rilindjes. Ndërkohë që opozita në atë kohë ndodhej në çadër.

Aleati i dytë i rëndësishëm është PDIU-ja e Shpëtim Idrizit. Tashmë aleate me PD-në, por më parë ka qënë deputet socialist i zgjedhur me Fatos Nanon, më pas me ardhjen e Rilindjes në pushtet ai i bashkangjitet Rilindjes së Edi Ramës. Në zgjedhjet e 2017-ës nuk është në koalicion me të, është i vetëm, por PDIU-ja humbet Tiranën, ndërsa Edi Rama fiton i vetëm 74 mandate dhe Idrizin nuk e merr Rilindja në pushtet. Dhe në atë moment, ai pasi kaloi pak kohë shkoi tek Lulzim Basha.

Pra, një aleat i Rilindjes, pas katër vitesh në pushtet me Edi Ramën, është tashmë në krah të Lulzim Bashës, ashtu si Monika.

Po të shkojmë më tej tek Vangjel Dule, njeriu që iku nga koalicioni me PD-në në 2009-ën, shkoi tek PS-ja. Ishte një nga partitë kryesore aleate në vitin 2013 për ardhjen e Rilindjes në pushtet, së bashku me LSI-në. U bë nënkryetar Kuvendi, iku nga detyra pasi të njëjtin post Rama iu ofroi edhe çamëve të PDIU-së.

Një tjetër aleat i Lulzim Bashës, që ka qënë bashkëpunëtor i Ramës dhe Rilindjes socialiste, dhe mjaft i rëndësishëm për opozitën është kreu i Partisë Agrare Ambientaliste, Agron Duka.

Duka, ish-sekretar për Bujqësinë, ish-ministër i Fatos Nanos, i cili pas një përplasje me Edi Ramën largohet, merr drejtimin e PAA-së, dhe qëndron në opozitë.

Më tej kemi Nard Ndokën, demokristian. Ish-ministër i Sali Berishës. Më pas në aleancë me Edi Ramën, në 21 Janar ishte në krah të tij, kur për bllokun e Ilir Metës u vranë katër shqiptarë, të cilët protestonin kundër kryeministrit Berisha. Dhe në atë kohë, ministër i Brendshëm, ishte pikërisht Lulzim Basha, kryetar i Partisë Demokratike sot dhe i Aleancës që proteston kundër Rilindjes.

Të gjithë bashkë ose kanë ngrënë nga një lugë “çorbë” me Rilindjen ose kanë qënë pjesë e tepsisë apo janë ngjyer tek çorba e Rilindjes.

Lulzim Basha në marrëveshje me Ramën, Ilir Meta i cili u kryeparlamentar dhe më pas president dhe që solli Rilindjen në pushtet së bashku me ministrat e tij hajdutë dhe bandë të korruptuarish.

Më tej tek PDIU-ja e Shpëtim Idrizit. Vangjel Dulja, i cili nuk mund të lihet mënjeanë, apo Nard Ndoka dhe Agron Duka.

Këto janë partitë aleate kryesore të Partisë Demokratike.

Këtu nuk po përfshijmë Dashamir Shehin apo Fatmir Mediun, të cilët kanë dy parti të vogla dhe qëndrojnë me logot e tyre, por qëndrojnë në krah të PD-së.

Të gjithë të tjerët, i gjithë koalicioni i Lulzim Bashës është opozita e emëruar nga Rilindja, është opozita e emëruar nga Edi Rama, pas marrëveshje që bëri me Lulin në 17 maj të 2017-ës. Dhe pasi i përzieu të gjithë në “çorbën” e tij, “kryekapoja” e Rilindjes i largoi, mori pushtetin i vetëm dhe i hodhi të gjithë tek Luli, a thua se nuk i duhen më askujt.

Ndoshta nuk i duhen as Lulit, dhe do ta ketë nesër mjaft të vështirë të bëjë një qeveri me ta. Por, gjithësesi sot i ka në krah. Aleatët e Ramës dje, janë sot aleatët e Lulzim Bashës.

Ata që sollën Rilindjen në pushtet. Ata që mbajtën Rilindjen në pushtet, ata që ndane, vodhën, grabitën dhe shqyen pasuritë e shqiptarëve me Edi Ramën në pushtet, sot janë aleatë të Lulzim Bashës, të cilët kërcënojnë të djegin Shqipërinë për të ardhur në pushtet. Këtë herë jo me Edin, jo me Rilindjen, por me Lulin dhe Republikën e re. Këta nuk janë opozitë kundër Ramës por të dëbuarit e tij tek Lulzim Basha./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Zgjedhjet Lokale/ Sot, negociatat mes PS-së dhe LSI-së

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Çuni i Fahriut paralajmëron Ramën/ Do marrësh përgjigjen që meriton

 

LEXO TE PLOTE
Lajme të Rekomanduara: