Connect with Us

KZAZ-ja e Kukësit, Rruga e Kombit dhe Kunati i Lulit

Aktualitet

KZAZ-ja e Kukësit, Rruga e Kombit dhe Kunati i Lulit

Publikuar

-

Sot gjatë gjithë ditës, në të gjitha KZAZ-të ku bashkitë drejtohen nga Partia Demokratike ka pasur një përplasje mes forcave të uniformave blu dhe punonjësve të këtyre bashkive, militantëve të PD-së, të cilët kanë sulmuar godinat ku ndohdeshin materialet zgjedhore dhe kanë kërkuar që ato të hiqeshin, pasi zgjedhjet nuk duhet të zhvillohen, sepse Ilir Meta ka nxjerrë një dekret që anullon 30 qershorin, si datën për mbajtjen e zgjedhjeve për pushtetin vendor.

Megjithëse, Meta ka kryer një akt antikushtetues, kryebashkiakët e PD-së e njohin dhe kërkojnë që të zbatohet.

Përtej tensionit apo benzinës që po i hedh zjarrit opozita, përpara mitingut të radhës, ka edhe disa fakte të tjera më të dhimbshme sesa ato që ndodhin sot në KZAZ, ku më kryesori është Kukësi.

Nuk ka të bëjë me arrestimet që kanë ndodhur në Shkodër, në Tropojë apo dhe me masat që do ndërmarrë policia, duke tentuar të vendosë rendin apo duke shoqëruar të gjithë personat përgjegjës.

Është e turpshme djegia e shkollës në Shkodër, por e turpshme është edhe ajo që ndodh në Kukës.

Por, përtej kësaj, Kukësi ka edhe një dhimbje tjetër.

Pse Kukësi?

Kukësi sepse ka një ngjarje të ndodhur gati dy vite më parë, ka të bëjë me protestat për Rrugën e Kombit. E ndërkohë që protestuesit do të duhej të vinin të digjnin Kryeministrinë, të protestonin para saj, ta rrethonin derisa koncesioni i Rrugës së Kombit të anullohej, ata shkuan dhe dogjën stacionin apo pikën e ndalimit, ku do të paguhej taksa e kësaj rruge. U përplasen me policinë dhe më pas dhjetra prej tyre u shoqëruan nga policia, disa prej tyre u arrestuan dhe disa të tjerë u dënuan, në Shkodër dhe në Tiranë. Pati gjyq kundër tyre për akte dhune, shkatërrim të pronës private, e të tjera si këto.

Lulzim Basha foli atëherë, çoi edhe deputetë ta ndiqnin çështjen dhe po i hidhte “benzinë” Kukësit që të merrte zjarr, dhe që zjarri të vinte në Tiranë. Por, diçka ndodhi në parapaskenë dhe Luli heshti.

Djemtë e Kukësit mbeten në burg, ndërsa Lulzim Basha shkoi dhe u ul këmbëkryq tek koncesionari i Rrugës së Kombit, i cili pasi pa tarifat i dha një tjetër avantazh banorëve të këtij qyteti, duke bërë atë akt që duhej. Por, përtej këtij akti ishte Lulzim Basha.

Lulzim Basha nuk foli kurrë për djemtë e arrestuar të Kukësit, të cilët u dënuan, sepse shembën një tra, të cilën e quanin të paligjshëm dhe që kishte kosto të rënda ekonomike. Lulzim Basha heshti dhe të gjithë pyesnin pse ka heshtur për traun në Rrugën e Kombit?

LEXO EDHE:  Albana Vokshi kundër Bashës/ Republika e Re bëhet qesharake, tani kundër biznesit

Por, për këtë ka një përgjigje shumë të thjeshtë. Janë pazarllëqet e tij me oligarkët. Është ajo fytyra e vërtetë e Lulzim Bashës.

Lulzim Basha e harroi traun e Rrugës së Kombit, sepse Erion Isufi, kunati i tij, sot që flasim, kompania LandMark, i ka zyrat pikërisht te koncesionari i Rrugës së Kombit.

Djemtë e Kukësit u burgosën dhe fitorja e Lulzim Bashës ishte fitorja e kunatit të tij. Djemtë e Kukësit bëjnë burgun dhe kunati merr zyrat tek koncesionari.

Dhe prandaj është e dhimbshme ajo që ndodhi sot në Kukës. Prandaj, është e dhimbshme ajo që ndodhi mbrëmë në Shkodër. Prandaj është i dhimbshëm çdo akt dhune dhe çdo problematikë që mund të ndodhë në KZAZ-të.

Sepse policia do t’i shoqërojë, proceset gjyqësore do të hapen, gjyqet do të zhvillohen dhe demokratët e militantët do dënohen, ndërsa Luli me gruan e tij me pasaportë holandeze dhe me kunatin e tij me zyra te oligarkët, nuk bën gjë tjetër, por thjeshtë “fërkon barkun” diku në një zyrë duke shijuar sesi militantët e PD-së do të vuajnë burgun nesër apo duke rritur pazarin me Edi Ramën, për t’u ulur në tavolinë me të.

Apo duke “fërkuar kurrizin” e Ilir Metës për të shkuar në një tryezë për të ndarë pazare apo për të ndarë llokmat e tepsisë. Por, nejse.

Prandaj është e dhimbshme ajo që ndodhi në Kukës, prandaj janë të dhimbshme ato që bën Lulzim Basha dhe kjo duke filluar me çdo akt dhe veprim të tij politik. Duke filluar që nga ligji i Arsimit të Lartë, i ngritur me Henri Çilin dhe oligarkët e arsimit. Që nga Rruga e Kombit apo shumë e shumë akte të tjera, të cilat Lulzim Basha nuk i zë në gojë, sepse ka marrë “thelën” e tij, apo është shpërblyer tek familjarët e tij. Pa folur këtu për pazaret dhe pisllëqet e tij të përditshme që fillojnë me shitje mandate deputetësh, emërime me para e të tjera si këto.

Por, më e dhimbshmja është ajo e Kukësit. Ngjarja me traun e Kukësit, burgosja e militantëve të PD-së dhe sot fakti që djemtë e kukësit u burgosën, ndërsa kunati fitoi zyrat tek oligarkët që kanë marrë koncesionin e Rrugës së Kombit./ CNA.al

Faktet/ Lulzim Basha i tradhëtoi të gjithë

Basha tradhëtoi kuksianët/ Sabotoi protestën

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Si gënjeu Basha për mediat/ Dy fytyrat e Lulit

LEXO EDHE:  “Ja më në fund lajmi lumturues”/ Aurel Plasari ironizon Bashën

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Sulmi ndaj Bindjes Demokratike/ Basha del “blof”

LEXO EDHE:  Albana Vokshi kundër Bashës/ Republika e Re bëhet qesharake, tani kundër biznesit

 

LEXO TE PLOTE
Lajme të Rekomanduara: