Connect with Us

Jozefina përballë Bashës/ Shifra, fakte dhe disa akuza

Aktualitet

Jozefina përballë Bashës/ Shifra, fakte dhe disa akuza

Publikuar

-

Dje, ish-kryetarja e Kuvendit dhe ish-nënkryetarja e Partisë Demokratike, Jozefina Topalli pati një reagim, për ngjarjet në Shkodër, ku u dogj ambienti ku ishte vendosur KZAZ-ja. Një akt brutal, i cili u mohua dhe më pas u pranua edhe nga ish-kryeministri Sali Berisha, megjithëse e anashkaloi dhe nuk e komentoi qëndrimin e Jozefina Topallit.

Zonja Topalli, një ikonë e Partisë Demokratike, nuk bëri gjë tjetër veçse tha se demokratët nuk djegin shkolla. Dhe kjo është një e vërtetë e madhe. Nuk mund të djegë shkolla Partia Demokratike, e cila lindi si një forcë për të sjellë pluralizimin politik, për të sjellë demokracinë në Shqipëri apo për të hequr vizat dhe për ta çuar vendin drejt Europës.

Nuk mund të djegë shkolla një forcë politike, e cila duhet të ketë në thelb të saj dhe në simbol të saj qytetarinë dhe arsimin, e sidomos në Shkodër, ku djegia e shkollave duket se është një akt i tepruar kriminal.

Përtej kësaj, qëndrimi i Jozefina Topallit në disa rrjeshta, ishte edhe në lidhje me djegien e mandateve, vendim i cili ka çuar në izolimin ndërkombëtar të Partisë Demokratike dhe gati një lëvizje ekstreme e cila po çon drejt përjashtimit të mundshëm të PD-së nga PPE-të, apo edhe reagime të ashpra në partitë simotra europiane.

Pas qëndrimit të Jozefina Topallit, të cilat ishin të vërteta, të faktuara dhe të provuara tashmë, pati edhe një reagim të ashpër. Që nga faqja zyrtare e PD-së, Rilindja Demokratike, por edhe eksponentë të shumtë të saj, përfshirë këtu edhe çetën dixhitale të kunatit të Lulit dhe call centeri i kryetarit të PD-së, dje në selinë e partisë dhe sot e shpërndarë si zogjtë e korbit, që vërsulen sa herë një njeri ka një qëndrim të vërtetë tek PD-ja.

Komentet dhe akuzat ndaj një ikone të Partisë Demokratike, e cila ka pasur një qëndrim të drejtpërdrejtë ndaj Lulzim Bashës dhe sjelljes së tij që në ditën e tij të parë. Njeriu që ka artikuluar kundër Bashës disa herë, për lëvizjet e tij politike apo për qëndrimet që ai ka mbajtur, duke e kritikuar ashpër. Fakt ky që tregon se zonja Topalli dhe kritikë të tjerë të kreut të PD-së, jo sepse ndoshta ata janë profetë apo parashikues, por sepse ata e njohin mjaft mirë Lulzim Bashën. E dinë dhe e kuptojnë sepse ai bën një lëvizje të caktuar dhe cili është qëllimi i tij final.

Gjithësesi qëndrimi i djeshëm ndaj Jozefina Topallit, ka nevojë të përballet me fakte, akuza dhe të vërteta.

Më poshtë po sjellim dy tabela të thjeshta elektorale. Ditën më të zezë elektorale të PD-së, e cila ka qënë viti 2013. Mjafton të lexojmë votat dhe tabelat e mëposhtme.

Partia Demokratike ka rreth 45799 vota në vitin 2013, dhe në vitin 2017, katër vite më pas, ka rreth 40763 vota, pra rreth 5 mijë vota më pak.

Tabela për votat e partive në vitin 2013
Tabela për votat e partive në vitin 2017

Por, krahasimin në këtë rast e kemi bërë si forcë politike. Si krahasim me koalicionin nga 2013-ta në 2017-ën, janë rreth 15 mijë vota më pak, pasi në vitin 2017, Lulzim Basha i kishte aleatët brenda listës së tij, pra, që të mos dukej dhe të mbulohej vota që i dilte jashtë kontrollit.

Në mungesë të Jozefinës, ka rreth 15 mijë vota më pak dhe tashmë nëse do të bëhen zgjedhjet, do të ketë edhe më pak akoma.

Dhe këtë radhë nuk ia ka më fajin Jozefina, por siç shikohet dhe siç kuptohet nga rezultati, fajin dhe përgjegjësinë e ka vetëm një person. Ai quhet Lulzim Basha, i cili nuk di të bëjë gjë tjetër veçse të shantazhojë, shajë dhe akuzojë. Nuk di të punojë, nuk di të ndërtojë, nuk di dhe të ngrejë një forcë politike dhe as nuk di të ngrihet si lider, për ta bashkuar si një forcë dhe për të sjellë rezultate, por sjellja e tij është vetëm shkatërrimtare.

Me djegien e shkollës në Shkodër, por ndoshta duke djegur edhe ndonjë në Korçë, votat do të jenë edhe më të pakta, e kjo nuk ka asnjë diskutim. Këto aksione nuk është se sjellin produkt elektoral, po janë thjeshtë presione për të rritur pazarin. Përdor dhunë për të bërë pazare, për të marrë pushtetin. Gjë që mesa duket, Lulzim Bashës nuk do t’ja pranojnë ndërkombëtarët.

Gjithësesi le të kthehemi edhe një herë tek Jozefina dhe tek Lulzim Basha. Një akuzë për shkollën na lëshoi RD-ja për Faikun, për një biznesmen që ndoshta ka një njohje dhe miqësi me Jozefinën, të cilit i drejtohet Lulzim Basha apo pacavurja e tij zyrtare dhe çeta e sharësve të tij në rrjetet sociale.

Por, çfarë ndodh?

Me një vëzhgim të thjeshtë, gjatë kohës që kryesuese e listës së PD-së në këtë qark ishte Jozefina Topalli, në Bashkinë e Shkodrës rezulton se Faiku ka marrë zero lek tendera. Ndërkohë, nga viti 2011 deri në vitin 2015, kur Bashkinë e Tiranës e drejtonte Lulzim Basha, Faiku për të cilin po flasim dhe akuzohet nga Topalli ka marrë disa miliona euro tendera.

Prandaj dhe akuza e dytë duket se është ndryshe, të cilën Lulzim Bashës, në qoftë se e ke bërë vetë akuzon kritikun tënd, akuzo kundërshtarin brenda partisë, sulmo përpara se do të marrin partinë.

Në fakt askush nuk do t’ja marrë më partinë atij, sepse atë parti siç po e katandis Luli, vështirë se do të mund ta “qepë” apo ta sjellë në rrugë dikush. Tashmë faktet janë të qarta dhe provat flain vetë.

Kemi një Lulzim shkatërrimtar me më pak vota, me më shumë lek dhe tendera për biznesmenët dhe oligarkët e tij dhe një grup kritikësh të Lulzim Bashës, të cilët kanë rezultate spektakolare edhe në ditën më të zezë të PD-së dhe nuk ka asnjë fakt apo provë që t’i akuzojë ata për oligarkët që Lulzim Basha i përdor sa herë ka interes dhe më pas i akuzon duke drejtuar gishtin tek kritikët.

Mesa duket, Luli është ende i vocërr përballë Jozefina Topallit./ CNA.al

Topalli “shuplakë” Bashës/ “Një demokrat nuk djeg as mandate as shkolla”

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Basha për “Associated Press”/ Betejë për të rivendosur demokracinë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Basha për “Associated Press”/ Betejë për të rivendosur demokracinë

 

LEXO TE PLOTE
Lajme të Rekomanduara: