Connect with Us

Thellohet skandali i ortakut të Bashës/ Mediat e huaja publikojnë të tjera detaje

Aktualitet

Thellohet skandali i ortakut të Bashës/ Mediat e huaja publikojnë të tjera detaje

Publikuar

-

Në shtator të vitit 2018, mediat turke raportuan arrestimin e biznesmenit me origjinë armene Lev Aslan, i cili ishte prangosur në bordin e avionit të tij privat, teksa përpiqej të arratisej drejtë Stambollit. Arrestimi është bërë nga FBI-ja, sëbashku me dy bashkëpunëtorët e tij, të cilët akuzohen nga drejtësia amerikane për mospagim taksash, evazion fiskal, mashtrim financiar dhe pastrim parash.

CNA.al pas raportimit të lajmit, duke ju referuar mediave turke  zbardhi lidhjet e biznesmenit të arrestuar turk Lev Aslan dhe marrdhëniet e afërta me kreun e Partisë Demokratike, Lulzim Basha, ku rezultoi se gjithçka të çon tek Ekim Alptekin, që edhe në rastin e Lev Aslan del si partner në biznese.

Ky i fundit është drejtues i Këshillit të biznesit Turqi-SHBA, dhe miku i Lulzim Bashës. Basha miqësinë dhe afërsinë familjare me Alptekin e ka pranuar live në emisionin Opinion në Tv Klan.

Për më tepër, Lulzim Basha është edhe kumbari i Ekim Alptekin. Në foton më poshtë, Ekim Alptekim është duke u martuar dhe “kurorën apo bekimin” ia jep Lulzim Basha.

Por, ndërkohë mediat e huaja vijojnë të publikojnë skandale që lidhen me emrin e Alptekin, të ashtuquajturin edhe ortak i Lulzim Bashës.

CNA.al sjell më poshtë një shkrim të publikuar nga politico.

Shkrimi në fjalë, tregon se një biznesmen i ngarkuar si menaxher nga ish-këshilltari i sigurisë kombëtare në SHBA Michael Flynn, në lidhje me një skemë lobimi të paligjshëm në SHBA gjatë zgjedhjeve të 2016-ës, vijon të jetë i lirë, edhe pse është në kërkim nga FBI.

Por, këtu del sërish emri i mikut të Lulzim Bashës, Ekim Alptekin, i cili në dhjetorin e vitit të kaluar u përball me akuzën se kishte bërë komplot me biznesmenin i cili ishte bashkëpunëtor i Flynn, Bijan Rafiekian në lobimin e fushatës me qëllim të ekstradimit të Fethullah Gulen, një klerik musliman që fitoi azil në SHBA dhe jeton në Pensilvani.

Alptekini besohet të jetë në Turqi dhe u trajtua si çështje dytësore pasi prokurorët po përgatiteshin për një gjyq të planifikuar në datë 15 korrik për Rafiekian i njohur ndryshe dhe si Kian.

Më poshtë shkrimi i plotë i Politico:

Në çështjen Virxhinia klientët e Flynn janë përballur me lobimin nëpërmjet avokatëve.

Një biznesmen i ngarkuar si menaxher nga Michael Flynn si pjesë e një sekreti, e një skeme lobimi jo të ligjshshme në SHBA, në emër të qeverisë Turke gjatë dhe pas fushatës të zgjedhjeve presidenciale të vitit 2016, është ende i lirë edhe pse i kërkuar nga FBI.

Por vetëm me një ndryshim sepse tani ai ka dërguar avokatët e tij të luftojnë me prokurorët për çështjen penale në një gjykatë federale të Virxhinias.

Ekim Alptekin u padit në dhjetorin e kaluar me akuzën se kishte bërë komplot me biznesmenin i cili ishte bashkëpunëtor i Flynn, Bijan Rafiekian në lobimin e fushatës me qëllim të ekstradimit të Fethullah Gulen, një klerik musliman që fitoi azil në SHBA dhe jeton në Pensilvani.

Alptekini besohet të jetë në Turqi dhe u trajtua si çështje dytësore pasi prokurorët po përgatiteshin për një gjyq të planifikuar në datë 15 korrik për Rafiekian i njohur ndryshe dhe si Kian.

Megjithatë të ejnten avokatët e Alptekinit u shfaqën papritmas në senacën gjyqësore dhe i kërkuan gjykatësit të distriktit të SHBA, Anthony Trenga që t’i lejonte të kërkonin bllokimin e kërkesës së Prokurorisë për të cënuar privatësinë e komunikimeve të Alptekin.

Lëvizja e avokatëve aktual të Alptekin, Rodney Page and Jennifer Mammen të studios ligjore Brian Cave, është e vështirë sepse gjykatat zakonisht janë të gatshme të dëgjojnë avokatët e një të pandehuri që ndodhet në kërkim nga ligji i SHBA dhe me shumë gjasa një i arratisur.

Edhe pse zoti Alptekin u padit për këtë cështje, ai nuk është paraqitur para gjykatës dhe as nuk është proceduar. Është kërkuar një leje për të bërë një paraqitje speciale në emër të Alptekin për ta trajtuar çështjen si avokat-klient.

Prokurorët duket se duan të përdorin disa informacione nga Arent Fox kundër Kian, por këshilltari i Alptekin nënkuptonte se ky zbulim mund të ndikonte në çështjen e tij nëse do të dilte para gjyqit.

“Pasi iu hoq imuniteti dhe informacioni u lëshua, njohuritë e Qeverisë për këtë informacion nuk mund të fshihen.”-shkruajti Page dhe Mammen.

Avokatët gjithashtu pohuan pafajësinë e klientit të tyre, edhe pse ai ende nuk ka paraqitur ndonjë marrëveshje. “Alptekin nuk ka bërë asnjë krim”-shkruajnë ata.

Një përfaqesues i prokurorëve federalë  në Aleksandria i cili nuk po merret me çështjen nuk iu përgjigj në mënyrë të menjëhershme kërkesës për të bërë një koment.

Por dokumentimi i Alptekin nënkupton që qeveria planifikon t’i rezistojë njohjes së kërkesës së avokatëve të tij nga gjykata.

Akuzat u rishfaqën vitin e kaluar ku Alptekin u akuzua për gënjeshtrat e vazhdueshme ndaj FBI në një intervistë në një televizion turk më 24 maj 2017, duke shtuar mohimin e përfshirjes së qeverisë turke në punësimin e Flynn dhe trupës së tij dhe duke deklaruar që paratë e supozuara të kthyera ndaj Alptekin ishin në fakt si rezultat i performancës së dobët nga ana e Flynn.

Të dhënat e e marra nga avokatët e studios ligjore të Alptekin Arent Fox shtruan terrenin për një takim formal me këshillin special të Robert Muller një javë pas emërimit të tij.

Është e paqartë kur Alptekin ndau kompaninë me Arent Fox por stafi ligjor i Bryan Cave mesa duket ka monitoruar intersin e qeverisë mbi këtë cështje për më shumë se një vit. Një nga dosjet e të enjtes thotë se pak muaj pas intervistës së majit të vitit 2017 studio ligjore e Alptekin ka dialoguar me ekipin e Muller në emër të shtetit turk.

Kolegët e Këshillit Special informuan avokatët e Z.Alptekin se Këshilli special nuk mori në konsideratë disa nga deklarimet e Z. Alptekin. Ata  thanë se asnjëra nga palët nuk ishte përgatitur për këto takime të bëra dhe nëse Z. Alptekin ndryshon renditjen e eventeve dhe tregon të vërtetën (që do të thotë konfirmon renditjen e fakteve sipas asaj që ata besonin që faktet ishin), ata do të mund të operonin lehtësisht dhe çdo gjë do të falej. Page dhe Mmmen shkruajnë :

“Z.Alptekin refuzon të konfirmojë faktet sipas variantit të tyre, akuza u pasua për muaj me radhë”.

Alptekin dhe avokatët e tij nuk iu përgjigjën mesazheve që kërkonin koment për këtë histori. Flynn nuk u akuzua për rastin e paraqitur kundër Kian dhe Alptekin. Megjithatë, si pjesë e marrëveshjes së pranimit të fajësisë në vitin 2017, ish këshilltari i sigurimit kombëtar pranoi të gënjente për njohurinë e tij për përfshirjen e qeverisë turke në përpjekjet lobuese./ CNA.al

Thellohen akuzat në SHBA/ Ortakët e Bashës ndërhynë në zgjedhjet e Trump

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

Arrestohet në SHBA biznesmeni turk afër Lulzim Bashës

Skandali i Bashës me financimet ruse/ Thellohet hetimi në SHBA, një ditë para Kuvendit farsë

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  “Babale” dhe “Xhisiela”/ Heronjtë e humbur të Bashës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Aksioni opozitar/ Basha bën lëvizjen e radhës

 

LEXO TE PLOTE
Lajme të Rekomanduara: