Connect with Us

Përgjimet/ Pse Prokuroria e Krimeve të Rënda nuk bind

Aktualitet

Përgjimet/ Pse Prokuroria e Krimeve të Rënda nuk bind

Publikuar

-

Njoftimi nga Prokuroria dje, kërkonte të orientonte gjithkënd drejt temave që lidhen me sekretin hetimor dhe drejt debatit për rrugën që kanë ndjekur transkriptet e përgjimeve nga zyrat e Prokurorise, deri tek faqet e Bild.

Me tone të ngritura, prokuroria duket sikur po kërkon përgjegjësit, por ka disa detaje që e bëjnë të pabesueshëm “hetimin” e sotëm të Prokurorisë.

Nga historia që dimë deri tani, rezulton se në Durrës, Vangjush Dako  ka rënë në përgjim, sepse ka dalë me biseda midis tyre dhe me ta, gjatë hetimit të nisur nga Prokuroria ndaj një bande që ish në përgjim për trafiqe.

Po në qytetet e tjera?

Si ka rënë në përgjim Pjerin Ndreu në Lezhë?

Si ka rënë në përgjim Damian Gjiknuri në Dibër?

Prokuroria ishte edhe në Lezhë, edhe në Dibër në ndjekje trafiqesh?

Nëse, PO cili është grupi kriminal ndaj të cilit veproi Prokuroria?

Në Lezhë dhe Dibër, Prokuroria po hetonte krime zgjedhjesh?

Apo jemi përpara një rasti kur Prokuroria dhe mjetet e hetimit proaktiv, janë përdorur brutalisht për marrje informacionesh për një palë politike, në shërbim të tjetrës?

Nga bisedat kuptohet që bisedat e lidhura me Dibrën, janë edhe më të hershme. Ato nuk i përkasin zgjedhjeve për Kuvendin, por zgjedhjeve të pjesshme lokale në Dibër.

Përpara se të vlerësojmë se çdo të thotë “akuza” për nxjerrje sekreti e formuluar dje nga Krimet e Rënda, duhet të dime se si, ndaj kujt dhe pse nisi përgjimi në Dibër.

Nëse bëhet fjalë për një hetim të nisur për vepra penale të lidhura me zgjedhjet, atëherë veprat penale të konsumuara nga ekipet e Prokurorisë në Dibër, janë edhe më të rënda se ato për të cilat duhen  akuzuar sot prokurorët e aksit Kavajë-Durrës.

Nëse ka grup të oficerëve të Policisë Gjyqësore dhe prokurorë që kanë prishur provat në segmentin Durrës-Kavajë, të njëjtën gjë kanë bërë edhe grupe të tjera  të oficerëve të policisë gjyqësore, në Lezhë, Dibër apo gjetkë.

Dhe në Dibër e Lezhë, lista e veprave të konsumuara gjatë ushtrimit të funksioneve, mund të zgjatet me një liste veprash të lidhura me shpërdorimin e detyrës.

Donika Prela nuk mund të ngrejë akuzs vetëm për nxjerrje sekreti hetimor.

Nuk ka sekret hetimor, sa kohë ka vetëm përgjime nëpër CD.

LEXO EDHE:  Rama në përgjimet e EULEX

Përgjimi është veprim procedural që të çon te prova. Nuk është provë.

Nëse e studion dosjen ne total, ka veprime të njëjta të Prokurorisë dhe sjellje identike të tyre si në Durrës, Kavajë, Lezhë, Dibër etj, me të cilat ata nuk kanë bërë të mundur sigurimin e provave, por de fakto kanë prishur provat, duke mos shfrytëzuar pergjimet proaktive për çështje të lidhura me detyrën.

Nuk mund të përbëjë sekret hetimor një lëndë që nuk është provë dhe si e tillë nuk është formatuar kurrë si provë e gatshme për një proces penal.

Donika Prela sot mund të ngrejë akuzat për shpërdorim të rëndë të detyrës të oficerëve të Policisë Gjyqësore dhe dhe prokurorëve, për favorizim të krimit, shpërdorim të detyrës, për përfitime personale (garancitë politike janë një prej tyre) etj.  Por, jo për nxjerrje sekreti.

Nuk mund të gezojë statusin si “sekret” diçka që procedurialisht ka vlerën ZERO.

Konkluzioni i vetëm i arsyeshëm është që Prokuroria e sotme po mbron Prokurorinë e djeshme.

Ato përgjime mund të mos jenë prova për Vangjush Dakon, për Damian Gjiknurin dhe Pjerin Ndreun  (megjithëse aty rezulton përdorim i resurseve shtetërore për fushatë), por nga bisedat mund të vlerësohet gjithsesi se këta zyrtarë, secili prej tyre ka bërë veprime të cilat përbëjnë shkelje të Kodit Penal.

Dhe Prokuroria, në rastin më të mirë, një segment i tërë i saj, kanë heshtur duke mbrojtur dhe garantuar shkelësit e ligjit.

Sa i takon moralit te personave politik të pëfshire në ato biseda,  me ose pa vlere procedurale penale, janë absolutisht veprime moralisht të dënueshme si sjellje politike.

Përtej veprave penale në veprimtarinë politike, a ka një standart moral sot mazhoranca, në emër të të cilit, të gjithë këta dhe secili prej tyre duhet të marrin përgjegjësinë politike?

Sa i takon Prokurorisë, në analizë si më sipër, besojme se formulimi i “akuzës” për nxjerrje sekreti, bëhet për të rivarrosur dosjet penale dhe jo për të nxjerrë të vërtetat.

Të vërtetat mund t’i nxjerrë një hetim i vërtetë dhe dalja e përgjegjësive dhe e përgjegjësve për çdo veprim, ose mosveprim të ekipeve të Prokurorisë që prej ditës kur ato biseda ndodhnin.

Prokuroria e Krimeve të Rënda nuk mund te tallet kaq keq me shqiptarët./CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Rastësi apo e qëllimshme?/ Hajdari “masakron” Ramën dhe Bashën

LEXO EDHE:  Zbulohet skema/ Ja si ranë përgjimet në duart e gazetarit gjerman

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Arta Marku drejt fundit/ Qetëson të përgjuarit, sulmon Hajdarmatën

LEXO EDHE:  Zbardhen detajet/ Ja zyra ku u montuan përgjimet mes Dakos dhe Avdylajve

 

LEXO TE PLOTE
Lajme të Rekomanduara: