Connect with Us

Elisabeta Imeraj, prokurorja e Bashës, që e sulmon Luli

Aktualitet

Elisabeta Imeraj, prokurorja e Bashës, që e sulmon Luli

Publikuar

-

Që prej gushtit të vitit 2018, Elisabeta Imeraj drejton Prokurorinë e kryeqytetit. Një prokurore, e cila njihet për një profil të saj tërësisht pro Partisë Demokratike. Ajo njohet për lidhjen e fortë deri tek ish-kryeministri Sali Berisha apo edhe më tej, tek lidhjet me Lulzim Bashën, Partinë Demokratike apo edhe eksponentë të tjerë të lartë të kësaj force politike.

Por, Elisabeta Imeraj po sulmohet sot në mënyrë të ashpër nga Lulzim Basha, i cili në fakt është i njëjti Lulzim i cili për gati një vit, nuk ka folur asnjë fjalë kundër Elisabeta Imerajt.

E megjithëse shpesh ne në CNA.al kemi thënë se Prokuroria e Tiranës është thembra e Akilit, pas Reformës në Drejtësi, për shkak të kompetencave që kanë prokurorët, Lulzim Basha në rreth 11 muaj nuk ka bërë një deklaratë kundër saj. Ai ka heshtur. Ka sulmuar prokurorë specifikë për çështje të ndryshme dhe për gjithçka ka drejtuar gishtin tek Prokurorja e Përgjithshme, Arta Marku.

Sot shqiptarët e kanë lexuar më mirë se kurrë të vërtetën, ata e dinë se Arta Marku nuk ka kompetencat që kishte dje Prokurori i Përgjithshëm, por kompetentë dhe fuqiplotë janë prokurorët e çështjeve dhe prokurorët që drejtojnë prokuroritë e rretheve.

E sot Elisabeta Imeraj po sulmohet dhe po akuzohet se është e urdhëruar nga Edi Rama.

Por, në fakt Elisabeta Imeraj është njeriu që ndoshta merr urdhëra nga Lulzim Basha dhe njerëz të afërt të rrethit të tij.

Kush është Elisabeta Imeraj?

Kjo pyetje ka vetëm një përgjigje. Është prokurorja “brilante” e Lulzim Bashës, që kërkonte arrestimin e Saimir Tahirit në parlament. Që kur Besim Hajdarmataj dhe Gentjan Osmani nuk dinin të përgjigjeshin, ishte Elisabeta Imeraj, në atë kohë prokurore në Krimet e Rënda, ajo që shpërtheu në Parlament dhe kërkontë prangat për Saimir Tahirin.

Është një prokurore që politikisht i përket Partisë Demokratike, i përket Lulzim Bashës dhe Sali Berishës. Asnjëherë dhe në asnjë rast nuk ka qënë dhe nuk mund të akuzohet se është prokurore e Edi Ramës.

Provat dhe dëshmia më e mira është heshtja që PD ka bërë për problematikat e kësaj prokurorie, për lëvizjet e Elisabeta Imerajt, për çështjet dhe dosjet e Elisabeta Imerajt. Për mbylljen e dhjetëra dosjeve apo hapjen e dhjetëra të tjerave, të cilat ndoshta nuk kanë qënë në interes të Lulzim Bashës, por janë në interes të opinionit publik.

Por, Basha atëherë heshte pikërisht për Elisabeta Imerajn, që sot po e akuzon si bashkëpunëtore të Edi Ramës, sepse Luli është i zhytur deri në fyt në korrupsion, në abuzim dhe në një skandal të hetuar në SHBA, nga FBI, për një milion dollarë lobime, të cilat nuk i justifikon dot. Është fshehur pas gishtit dhe si një frikacak akuzon kryeprokuroren e Tiranës se merr urdhëra nga Edi Rama.

Elisabeta Imeraj mund të marrë urdhëra nga Edi Rama, nga Lulzim Basha, nga kushdo, por, një e vërtetë është e madhe. Elisabeta Imeraj është një prokurore e pa sulmuar deri më sot nga PD-ja dhe një prokurore e cila ka kërkuar arrestimin e Saimir Tahirit pak muaj më parë. Dhe askush sot, përfshirë dhe Lulzim Bashën, nuk mund ta akuzojë si bashkëpunëtore të Rilindjes socialiste.

Por, Basha duhet të heshtë dhe të pranojë drejtësinë. Duhet të pranojë hetimin e prokurorisë dhe vendimin e gjykatës.

Kur u emërua Elisabeta Imeraj në krye të Prokurorisë së Tiranës, nuk u sulmua nga Lulzim Basha, nuk u tha asnjë fjalë për emërimin e saj. Por, sot ai e sulmon sepse ka hallin e tij.

Lulzim Basha ka hall të shpëtojë veten dhe të çojë Arben Ristanin në burg për 1 milion dollarë lobime, dhe burimin e tyre nga off shore me pronarë rus.

E pra, Lulzim Basha edhe një herë sot bën një lëvizje tjetër për të na treguar se çfarë sharlatani politik është, ku nuk kursen njeri për lëkurën e tij. Edhe atë që e mbrojti për muaj të tërë, sot e sulmoi dhe e akuzoi, kur në fakt sot është dita kur duhet të heshte dhe duhet të shkonte në prokurori.

Por, ndoshta nuk mban mend se çfarë ka thënë herën e parë. Ndoshta ka shumë prova sepse ka folur tre herë në televizion për çështjen e financimeve ruse për lobim në SHBA, dhe tre herë ka dhënë versione të ndryshme.

Tashmë dosja nga FBI ka ardhur. Dokumentet janë të qarta dhe Lulzim Basha nuk ka ku shkon dhe për këtë do fillojnë të akuzojnë, së pari prokuroren e Tiranës dhe pastaj prokurorët e çështjes, duke i akuzuar si bashkëpunëtorë të Rilindjes, mbështetës të Edi Ramës e të tjera si këto. E nuk kursehet me kaq.

Nga ana tjetër publikon edhe gjoja skandale dhe thotë se është kërcënuar apo se i rrezikohet jeta.

Të grindesh me gruan në darkë nuk quhet kërcënim, as nuk të rrezikohet jeta. E ndoshta kjo i ka ndodhur tashmë Lulit tonë, që ka nxjerrë “mitrolozët” i tij politik, duke sulmuar këdo që i del përpara, për shkak se do të mbijetojë. Do të shpëtojë dhe nga ky skandal, të cilin për shumë e shumë muaj prokurorja e akuzuar sot, Elisabeta Imeraj duket se e ka mbajtur e qetë në sirtar.

Por, tashmë nuk e mban dot më, prandaj ajo është objekt i sulmit. Shumë të tjerë pas saj do sulmohen dhe shumë histori do dëgjojmë sikur Lulin po e kërcënojnë sepse është “zënë me gruan”, e të tjera si këto.

Por, në fakt e vërteta nuk mund të mbulohet këtë herë as me sulme dhe as me akuza. Sepse dosjen nuk e ka në dorë as Elisabeta Imeraj dhe as procedurat e para 10 viteve që shpëtuan Lulzim Bashën në drejtësinë shqiptare.

Sot është një dosje e kopsitur nga FBI dhe Lulzim Bashën nuk ka më kush ta shpëtojë, edhe pse akuzon prokurorët që njihen si njerëz afër PD-së./ CNA.al

Basha në panik/ Sulmon Elisabeta Imerajn

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Ish-futbollisti austriak del bllof/ Zbulohet e vërteta e akuzave ndaj Takaj dhe Skënderbeut

Publikuar

-

Nga

Lajmi që u përhap me shpejtësi këtë javë nga të gjitha mediat ishin akuzat e Sanel Kuljiç, ish-futbollisti i kombëtares austriake, që pretendon se drejtuesit e Skënderbeut janë të përfshirë në trukime ndeshjesh në kampionatin austriak. Madje, ai shkon dhe më tutje ku thotë se i rrezikohet jeta.

Për këtë arsye, Gerhard Takaj, djali i presidentit Ardian Takaj, ka udhëtuar drejt Austrisë dhe ka dhënë për gazetën “Krone”, e cila publikoi intervistën e Kuljiç, provat se korçarët nuk kishin gisht në këtë mes.

Takaj, përmes ndërmjetësimi të Roland Luçit, ish-futbollist shqiptar që jeton në Austri prej 30 vitesh tregon se Kuljic e ka bërë gjithë këtë gjë për interesa dhe përftim personal.

“Babai im është i frikësuar dhe ndjehet i shqetësuar për sigurinë e tij. Mohoj të kemi ndonjë kontakt apo njohje me Kjuliç. Kush e di se çfarë gjëje tjetër janë në gjendje të bëjnë njerëz si Kuljiç, me aludime të tilla? Ai akuzohet për zhvatje dhe shpifje”.

Kuljic, në tetor të vitit 2014 u përfshi në skandalin më të madh të basteve në Austri. Ai akuzua për mashtrime, zhvatje dhe për kërcënime. Në fund te hetimeve dhe gjykimit u dënua me 5 vite burg.

“Ai e di se ne ende po luftojmë kundër vendimit të UEFA-s, e di se çdo gjë që ku përmendemi negativisht është e keqe për ne. Ai dhe personat që e mbështetin deshën të përdorin këtë metodë për të na zhvatur para. Ndaj ne po flasim me avokatë në Austri, duam ta padisim për zhvatje dhe shpifje dhe prishje imazhi”, vazhdon Takaj.

Gjithashtu ai foli edhe për videon ku dukej Kjuliç në “Tropikal Resort”.

“Si mund të jetë i frikësuar një person kur vjen në hotelin e Presidentit dhe stadiumin e tij? Kjo është apsolutisht qesharake”, shprehet Takaj.

CNA.al publikon ekskluzivisht dy videot në fjalë, ku duket qartë që askush nuk i ka bërë presion apo kërcënuar siç pretendon ai.

Kjo nuk është hera e parë që ekipin e Skënderbeut dhe drejtuesit e tij mundohen t’i përbaltin sa më shumë brenda dhe jashtë vendin, për suksesin që arritën në Kupat e Europës duke bërë krenar gjithë shqiptarët, por duke zemëruar edhe disa të të tjerë. Nuk duhet shumë për të kuptuar që qëllimi i këtyre gazetave, mediave dhe personazheve të tyrë komikë është të zhvatin ku dhe sa të mundin para, pa pyetur për dëmin moral, monetar dhe jo vetëm mbi palët e përmendura në to. /CNA.al

https://sport.cna.al/2019/09/12/akuzat-per-kercenim-nga-austria-reagon-ardjan-takaj/

https://sport.cna.al/2019/09/12/skandali-i-trukimeve-media-austriake-permend-presidentin-e-skenderbeut/

 

LEXO TE PLOTE

Aktualitet

Denoncimi: Drejtori makinën e shkollës ja ka dhënë gruas

Publikuar

-

Nga

Ish-kryeministri Sali Berisha, ka denoncuar drejtorin e një shkolle në Durrës që sipas qytetarit dixhital makinën e shkollës ja ka dhënë gruas.

Postimi i plote i Berishes:

Drejtori i shkolles se mesme profesionale ben te lumtur nusen me nje makine te shkolles.
Akuzohet per vjedhje dhe shperdorime te tjera.

Lexoni mesazhin e mesuesit dixhital. sb

Zoti berisha pershendetje.jam nje mesues qe jap mesim ne shkollen profesionale beqir cela durres.doja te ndaja me ju dhe me publikun disa mangesi te qellimshme ne kete shkolle.kjo shkolle qe nxjerr nxenes profesionist qe i sherbejne tregut te punes ne shqiperi dhe jashte saj .ka 3 vite qe drejtohet nga nje drejtor z fatmir merkuri i cili eshte nje militant i partise socialiste qe nuk ka arsim perkates per kete fetyre ose me sakt nuk e ka mbaruar akoma shkollen e larte.eksperienca e tij ne arsim eshte 0.ai u vu ne detyre pasi sherbeu si ushtare i betuar i Vangjush Dakos .puna e tij e meparshme ka qene shiste kepuce ne tregun e durresit.keto vite ai e ka kthyer kete shkolle ne baze te partise socialiste.ku ka punesuar ne vende te mesuesve profesionist militante partie pa arsimin perkates dhe pa njohuri ne lenden qe ato japin mesim.kuptohet vet sa te pregatitur po dalin nxenesit keto vitet e fundit.nje tem tjeter eshte vjedhja e fondeve qe vijne per kete shkolle .posi asaj i duhet nje baze materiale e konsiderueshme per cdo vit shkollor.keto materiale qe blihe i ngarkohen mrsuesve te praktikes me 6 apo 8 fishin e vleres reale.domethene nje kif kamje makine nga 23.000 leke tereja vjen ne shkolle me nje vlere 90. 000 leke te reja .keto manipulime apo vjedhje sido qe te quhen.ai i kryen me magazijeten e shkolles dhe me ndrejtoren Z M Zh dhe keto te dyja militante ke partise socialiste.pervec ketyre te larte permendura drejtori i shkolles ka nxjerr n ga shkolla nje makine golf 5 dhe ja ka dhene ne perdorim nuses se tij.gje qe absolutishte nuk lejohet.nje sasi e konsiderueshme nafte dhe benzine duhet te vije ne shkolle.por tollonat shiten rruges .shume mesues te lidhur me drejtorine kryejne mit marrje nxenesve per te kaluar klasen.etj me respekte doktor dhe te lutem anonim .besoj ky mesazh nuk do bjeri ne vesh te shurdher.

LEXO TE PLOTE

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE