Connect with Us

Horoskopi javor, 17 qershor deri në 23 qershor 2019/ Si do të jetë dashuria për 12 shenjat e zodiakut

Aktualitet

Horoskopi javor, 17 qershor deri në 23 qershor 2019/ Si do të jetë dashuria për 12 shenjat e zodiakut

Publikuar

-

Dashi

Këtë javë ka mundësi të keni divergjenca të forta me partnerin për shkak të disa dyshimeve mbi të shkuarën e tij. Ose sqarohuni me qetësi me të, ose mbylleni njëherë e mirë atë kapitull që në fakt nuk ju prek aspak. Beqaret ka mundësi të kenë njohje mjaft interesante sidomos gjatë ditës të mërkurë dhe të shtunë. Mire është t’i shfrytëzojnë ato sepse do dalin të fituar.

Demi

Këtë javë do jeni shumë më të logjikshëm ju të dashuruarit dhe do ja njihni meritat atij që keni në krah. Lidhja juaj do forcohet akoma më tepër dhe mund të filloni të mendoni edhe për bashkëjetesë apo për hapa më tej. Beqarët do jenë sharmante në maksimum. Ftesat do jenë të shumta dhe do jetë në dorën e tyre mundësia e zgjedhjes.

Binjaket

Lidhja juaj në çift do përmirësohet akoma më shumë gjatë kësaj jave. Do jeni më të lirshëm dhe do i shprehni ndjenjat me mënyra nga më të ndryshmet. Për beqaret Dielli do jetë mjaft pozitiv. Do realizojnë disa takime fantastike te cilat do ua mbushin zemrën me gëzim.

Gaforrja

Do afroheni akoma më shumë me partnerin tuaj gjatë kësaj jave dhe do ndani me të edhe disa sekrete të vogla të familjes. Ditët më të bukura e më të veçanta do jenë e mërkura dhe e premtja. Beqarët nuk do arrijnë dot ta bëjnë për vete personin që pëlqejnë dhe kjo do i dëshpërojë pa masë.

Luani

Juve që jeni në një lidhje do kaloni plot momente pasionante këtë javë. Neptuni dhe Plutoni do ju bëjnë më romantike dhe më sensuale. Beqarët do kalojnë surpriza te njëpasnjëshme dhe deri ditën e premte do e kenë filluar një lidhje të bukur.

Virgjeresha

Jeta juaj në çift nuk do jetë e zhveshur nga pasioni këtë javë, përkundrazi. Në disa momente madje do ju duket sikur jeni vërtet nëpër ëndrra dhe nuk do doni të zgjoheni. Për beqarët priten disa takime mbresëlënëse të cilat do ua ndryshojnë jetën njëherë e përgjithmonë. Duhet t’i shfrytëzoni pa qënë tepër vonë.

Peshorja

Do jeni shumë kërkues ndaj partnerit tuaj gjatë kësaj dite dhe kjo do e mërzisë herë pas here atë. Po nuk toleruat dhe po nuk e latë të lirë keni për ta humbur shpejt. Beqarët nuk duhet të nxitohen për asgjë nëse nuk duan të zhgënjehen. Ka kohë për çdo gjë prandaj duhet të bëjnë durim.

Akrepi

Jeta juaj në çift do jetë e qëndrueshme këtë javë. Do ja kaloni mirë çdo dite me partnerin dhe emocionet do shumëfishohen në mënyrë te papritur. Pas të mërkurës do filloje një etapë më e bukur. Beqarët nuk do i rezistojnë dot aspak tundimit dhe do bien në krahët e atyre që do i joshin.

Shigjetari

Këtë javë ka për të pasur shumë probleme në jetën tuaj ne çift. Do jeni të dy palët kokëfortë dhe nuk do hapni rrugë për asnjë çast. Nëse nuk ndryshoni mënyrë të sjelli keni për t’u ndarë më shpejt nga sa mendonit. Beqarët do jenë më me fat në dashuri dhe ka gjasë të kenë dashuri me shikim të parë.

Bricjapi

Influenca pozitive e yjeve do sjellë ekuilibrin në jetën tuaj në çift gjatë kësaj jave. Do i keni mendimet më të qarta dhe do i kuptoni edhe gabimet që keni bërë më parë. Beqarët do jenë pafund joshës dhe tërheqës prandaj do e gjejnë edhe personin që do iu përshtatet më tepër. Shumë gjëra do ndryshojnë për ta duke filluar nga dita e mërkurë.

Ujori

Javë sharmante do jetë kjo e sotmja për ata qe janë në një lidhje. Çdo ditë do argëtoheni dhe do dashuroheni si adoleshente me atë që keni në krah. Emocionet padyshim që do jenë të forta. Beqarët gjithashtu do fillojnë që ditët e para një lidhje pasionante me dikë që e pëlqejnë prej kohësh. Çdo çast do jetë i mbushur me shkëlqim.

Peshqit

Këtë javë rrjedha e jetës tuaj në çift do varet tërësisht nga mënyra sesi ju do silleni. Po u treguat kokëfortë, po thatë gjëra të gabuara dhe po nuk iu përkushtuat atij që keni në krah, asgjë nuk do eci si keni ëndërruar. Beqarët nuk duhet të shohin vetëm pamjen e dikujt dhe të fillojnë një lidhje sepse për disa ajo do jetë thjeshtë një maske./Burimi:Noa.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: