Connect with Us

Njeriu i nëntokës në zyrën e Ramës/ Zbulohet skenari “vrasës” i Baton Haxhiut në Shqipëri

Aktualitet

Njeriu i nëntokës në zyrën e Ramës/ Zbulohet skenari “vrasës” i Baton Haxhiut në Shqipëri

Publikuar

-

Baton Haxhiu, është një nga njerëzit më të urryer në Kosovë.

Për qytetarët e Kosovës, Haxhiu i cili shëtit nën epitetin e gazetarit dhe analistit, është i njëjtë me ata që vranë dhe dhunuan gjatë luftës.

Por, një njeri i tillë që në Kosovë sa nuk gjuhet me gurë, ka depërtuar në një institucion të rëndësishëm shtetëror në Shqipëri, siç është Qeveria, duke bërë këshilltarin e Kryeministrit.

Për çfarë mund të këshillojë Baton Haxhiu, Ramën, si mund të bëjë më shumë korrupsion, apo për krime të tjera, pasi aty ai ka më shumë eksperiencë.

Baton Haxhiu, është njolla e zezë e Kosovës, që vjen dhe shet mend në Shqipëri, duke bërë të diturin, ndonëse injorant në të vërtetë.

Interesi i vërtetë i tij duket se janë pazaret  e pista  me Serbinë dhe Aleksandër Vuçiçin për copëtimin e  kufinjve të Kosovës, apo për bizneset prej të cilëve financohet.

Kujtojmë këtu skandalin që u hesht në lidhje me grurin e rezervave serbe që ishte ruajtur për kafshët, por që u ble vetëm me 7 cent kg dhe u hodh në tregun e Kosovës dhe Shqipërisë  si miell për njerëzit.

Në një farë mënyrë një skemë genocidi kjo ndaj qytetarëve shqiptarë, ku Haxhiu dyshohet është i përfshirë.

Se ka lidhje me Serbinë nuk është ndonjë gjë e re. Intelektualët në Kosovë kanë ofruar fakte dhe zbardhur të vërteta mbi urrejtjen e  Baton Haxhiut ndaj shqiptarëve.

Madje, gazetari Reshat Badallaj ka vënë alarmin, në shkrimet e e tij, duke thënë se Baton Haxhiu është në Shqipëri për të bërë kasaphanë.

“Ky maskara, ky pusht, e mashtron vetën kinse është dikush, kinse është ndonjë faktor, që hyn edhe në Shqipëri krejt me qëllim për të bërë kasaphanë, sepse ky është në lidhje edhe sot e kësaj dite me udbashët që veprojnë në Tiranë dhe në Prishtinë, krejt për zullumin në të gjitha trojet shqiptare ku flitet gjuha e Arbërit”, shkruan Badallaj.

Emri i Baton Haxhiu është lakuar si spiuni i UDB-ës serbe me librezë zyrtare që nga viti 1990 apo si spiuni i Jovica Stanishiqit.

Haxhiu  ka qenë i dënuar për shpifje me datën 8 dhjetor 2010, P.N.1984/07, nga neni 188, por ai ka shpëtuar nga dënimi në lidhje me akuzat për vjedhje të parave të kolegëve të tij gjatë luftës.

Gjykata Ndërkombëtare për Krime të Luftës në ish Jugosllavi, e ka shpallur fajtor dhe e ka dënuar me gjobë prej shtatë mijë Euro, apo afro 11 mijë dollarë amerikan, Baton Haxhiu.

Ai u dënua për “mospërfillje të Gjykatës dhe rrezikim të sigurisë së dëshmitarit dhe familjes së tij”. Prokuroria e Gjykatës së Hagës kishte kërkuar dënimin e tij me 15 mijë Euro, nën akuzën për publikimin e emrit të një dëshmitari të mbrojtur në procesin gjyqësor kundër ish kryeministrit të Kosovës, Ramush Haradinaj./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: