Connect with Us

Horoskopi i ditës, 12 qershor 2019

Aktualitet

Horoskopi i ditës, 12 qershor 2019

Publikuar

-

DASHI 21. mars – 20. prill

Gjatë kësaj dite mund të keni goxha përballje me partnerin tuaj dhe do ndiheni keq. Ju ka ardhur ne maje te hundës sjellja e tij dhe nuk do duroni dot me. Beqaret do jene goxha entuziaste me takimet qe do realizojnë, por yjet këshillojnë me shume maturi. Ne planin financiar do keni probleme te vogla, por jo për t’u alarmuar. Tregohuni gjithë kohës te matur.

DEMI 21. prill – 21. maj

Marsi dhe Venusi do e bëjnë ditën e sotme shume te bukur dhe emocionuese. Pranë partnerit do ndiheni me te plotësuar dhe nuk do kërkoni gjera te jashtëzakonshme. Beqaret mire është te mos abuzojnë me joshjen sepse do krijojnë një përshtypje te keqe për veten. Buxhetin mire është ta riorganizoni sepse përndryshe shume shpejt do përballeni me probleme.

BINJAKET 22. maj – 21. qershor

Nëse bëni përpjekjet e duhura gjate kësaj dite keni për ta përmirësuar goxha marrëdhënien me partnerin. Po vazhduat te tregoheni kokëfortë situata mundet edhe t’iu dale jashtë kontrollit. Beqaret nuk duhet te dëshpërohen sepse dite me te bukura i presin. Ne planin financiar do arrini te ruani ekuilibrin dhe do ndiheni shume here me te qete se me pare.

GAFORRJA 22. qershor – 22. korrik

Sot do kaloni një dite te bukur dhe pa probleme ju te dashuruarit. Nuk do keni aspak debate me partnerin, përkundrazi do qeshni me ato qe keni pasur dikur. Beqaret do ndihen mire gjithë kohës kështu qe nuk do e kërkojnë me ngulm krijimin e një lidhjeje. Financat do mbeten goxha te mira pasi nuk do e teproni me shpenzimet dhe paret qe keni do i menaxhoni me kujdes.

LUANI 23. korrik – 22. gusht

Dite shume e mire do jete kjo e sotmja për ata qe janë ne një lidhje. Do jeni me te sinqerte me atë qe kane ne krah dhe do bëjnë çfarë te munden për ta çuar ne një stad me tej marrëdhënien. Beqaret ka mundësi te bien ne dashuri me disa miq, por nuk do munden dot t’ua thonë. Ne planin financiar mos ndërmerrni rreziqe sepse mund te ngeleni me xhepat bosh.

VIRGJERESHA 23. gusht – 23. shtator

Dite e veçante do jete kjo e sotmja për ata qe janë ne një lidhje. Do e dashuroni partnerin si asnjëherë me pare dhe nuk do mungojnë surprizat nga te dy palët. Beqareve do ju realizohen ëndrrat me te bukura dhe jeta do ju marre drejtimin e shumëpritur. Ne planin financiar keni për te pasur probleme serioze, por miqtë dhe familjaret nuk do ju lënë ne balte.

PESHORJA 24. shtator – 23. tetor

Jeta juaj ne çift do jete shume here me e mire sot. Mes jush dhe partnerit nuk ka për te pasur asnjë lloj problemi, përkundrazi do i zgjidhni edhe te vjetrat qe i kishit lënë pezull. Beqaret do dine si te flirtojnë dhe si te joshin, kështu qe sot do ketë te reja për ta. Ne planin financiar gjendja ka për t’u përmirësuar shpejt pas masave qe ju keni marre.

AKREPI 24. tetor – 22. nëntor

Planetët ka rrezik te ndikojnë negativisht tek jeta juaj ne çift gjate kësaj dite dhe mund te sjellin probleme te mëdha. Për asnjë moment nuk do merreni vesh me atë qe keni ne krah dhe nuk do i pranoni as këshillat e miqve. Beqaret nga ana tjetër mund te kenë papritur dashuri me shikim te pare. Ne planin financiar nuk duhet ne asnjë mënyrë te tregoheni te palogjikshëm.

SHIGJETARI 23. nëntor – 21. dhjetor

Planetët do ju bëjnë me optimiste sot juve qe jeni ne një lidhje kështu qe do ndiheni me mire dhe do jeni me te qeshur. Beqaret do marrin propozime interesante dhe mund te hedhin edhe hapa te menjëhershme. Gjithçka do jete ne dorën e tyre. Ne planin financiar Jupiteri do sjelle fat me shumice. Gjendja ka për te qene e mire dhe mund te bëni edhe disa investime.

BRICJAPI 22. dhjetor – 20. janar

Do bëni te pamundurën për te bashkëpunuar me partnerin tuaj sot dhe për te krijuar një klime sa me te ngrohte. Çdo gjë do ece mire mes jush. Beqaret nuk duhet te bëjnë sakrifica ekstreme vetëm për te gjetur dashurinë sepse do vije një dite qe do pendohen për këtë gjë. Financat mund te kenë goxha tronditje pasi do ju duhet patjetër te bëni shpenzime.

UJORI 21. janar – 19. shkurt

Yjet dhe veçanërisht Neptuni do ju përkëdhelin sot. Do i thoni fjale te ëmbla njeri-tjetrit dhe nuk do e kritikoni me si dikur. Nëse jeni ende beqare do keni një jete sociale shume te pasur dhe nuk do e ndieni aspak nevojën për një person tjetër ne krah. Me financat do dini si te silleni dhe nga ana tjetër do merrni edhe disa promocione nga puna. Situata do jete e kënaqshme.

PESHQIT 20. shkurt – 20. mars

Dite harmonike ka për te qene kjo e sotmja për ata qe janë ne një lidhje. Do jeni te dy palët ne humor shume te mire dhe nuk do keni aspak debate. Beqaret duhet te ruajnë vetëkontrollin sepse po bene gabime do i vuajnë pasojat me vone. Sektori financiar do jete me i qëndrueshëm. Te ardhurat do jene te mira dhe nuk do e keni problem te bëni disa shpenzime me shume.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: