Connect with Us

Zhvatësi i Krimeve të Rënda/ Idriz Milkurti merr paratë e të pastrehëve

Aktualitet

Zhvatësi i Krimeve të Rënda/ Idriz Milkurti merr paratë e të pastrehëve

Publikuar

-

Pastrimi i sistemit të drejtësisë, pavarësisht Vettingut, duket se do të jetë tejet i vështirë.

Nëse do të bëhej një Vetting i mirëfilltë, pa ndikime politike, atëherë do të kishte shpresë  për një drejtësi të re.

“Më mirë djepin bosh, se sa shejtanin brenda”. Është kjo shprehja që përdoret rëndom nga politika, duke iu referuar Vettingut të gjyqtarëve dhe prokurorëve.

CNA.al që në nisje të Vettingut ka raportuar në vijimësi dhe në mënyrë transparente të gjithë procesin.

Gjithnjë sistemi i drejtësisë është parë si “delja e zezë”, por tashmë ka dhe prova.

Gjyqtarë dhe prokurorë të paturp, pa pikë karakteri dhe integriteti, të korruptuar deri në fyt, për profesionalizëm as që bëhet fjalë, kanë “bërë” drejtësi.

Njerëz që nuk duhej të liheshin të afroheshin as pranë gjykatave dhe prokurorive, kanë qenë apo edhe janë pjesë e sistemit të drejtësisë.

Të tillë nuk mungojnë as tek Krimet e Rënda. Idriz Milkurti,  gjyqtar në Gjykatën e Apelit për Krimet e Rënda Tiranë, pritet të dalë nesër në Vetting.

Dosja e tij do të shqyrtohet  nga trupa gjykuese e përbërë nga  Lulzim Hamitaj, Genta Tafa (Bungo) dhe Valbona Sanxhaktari.

Gjyqtari Milkurti nga Tropoja rezulton me prona, patundshmëri në Hamallaj të Durrësit, për të cilën thotë se e ka trashëgimi.

Përveç luksit, ai deklaron dhe një kredi sociale prej 5 000 000 lekë, të cilën thotë se e ka marrë për strehim. Ndërkaq mbi 10 000 euro i merr nga qiraja e një apartamenti.

Milkurti nuk është i vetmi zhvatës, ka plot kolegë të tij që kanë marrë kredi sociale, në vend të atij që mund të përkiste realisht.

Milkurti merr, kredi sociale, ndërsa vajzën e çon në Universitet privat dhe djalin me shkollim në Londër.

Po të ishim kështu të gjithë familjet që kërkojnë ndihmë apo kredi sociale, Shqipëria nuk do të ishte e varfër dhe askush nuk do ta braktiste.

Por, dyshimet  janë se Milkurti ka përfituar nga posti që ka pasur, jo vetëm për të marrë këtë kredi por edhe për t’i siguruar një vend pune vajzës në Gjykatën Administrative të Apelit dhe më pas në Gjykatën e Tiranës.

Turpi  dhe korrupsioni nuk kanë fytyrë të tyren ata mbajnë fytyrën e atij apo asaj që i kryen këto veprime.

Më poshtë po sjellim të detajuar pasurinë deklaruar nga gjyqtari Idriz Milkurti.

Viti 2003

Shtëpi banimi, përfituar nga privatizimi.

Viti 2004

Paga si gjyqtar, 1049360 lekë.

Të ardhurat e bashkëshortes, 200 000 lekë.

Viti 2005

Gjendje cash, 500 000 lekë.

Paga si gjyqtar, 1 130 000 lekë.

Të ardhurat e bashkëshortes, nga Autoriteti Shëndetësor, Tiranë, 240 000 lekë.

Viti 2006

Prenotim apartament me sipërfaqe 92m2, 50 600 euro.

Paga si gjyqtar, 1 060 000 lekë.

Të ardhurat e bashkëshortes, nga Autoriteti Shëndetësor, Tiranë, 240 000 lekë.

Kredi për strehim,  5 000 000 lekë.

Viti 2007

Shtesë, gjendje cash në banesë, 500 000 lekë.

Paga si gjyqtar, 1 200 000 lekë.

Të ardhurat e bashkëshortes, nga Autoriteti Shëndetësor, Tiranë, 300 000 lekë.

Viti 2008

Shtesë, 500 000 lekë.

Shtesë, gjendje cash në banesë, 500 000 lekë.

Paga si gjyqtar, 1 120 000 lekë.

Të ardhurat e bashkëshortes, nga Autoriteti Shëndetësor, Tiranë, 300 000 lekë.

Viti 2009

Shtesë, gjendje cash në banesë, 500 000 lekë.

Paga si gjyqtar, 1 200 000 lekë.

Të ardhurat e bashkëshortes, nga Autoriteti Shëndetësor, Tiranë, 350 000 lekë.

Viti 2010

Blerë autoveturë, tip Benz 200,, në vlerën 5 000 euro.

Blerë garazh me sipërfaqe 22 m2 në vlerën 14 000 euro.

Pakësuar gjendja cash, 1 500 000 lekë.

Paga si gjyqtar, 1 380 000 lekë.

Paga e bashkëshortes, infermiere, 380 000 lekë.

Paga e vajzës nga Shërbimi i provës,  40 000 lekë.

Të ardhura nga qiraja e apartamentit 10 800 euro.

Viti 2011

Gjendje cash në banesë, 1 200 000 lekë.

Paga si gjyqtar, 1 330 000 lekë.

Paga e bashkëshortes, infermiere, 400 000 lekë.

Paga e vajzës nga Shërbimi i provës,  600 000 lekë.

Viti 2012

Pagesë studimi për vazën në universitet privat, 2 500 euro.

Shtesë cash, 500 000 lekë.

Paga si gjyqtar, 1 390 000 lekë.

Paga e bashkëshortes, infermiere, 420 000 lekë.

Paga e vajzës nga Shërbimi i provës, 470 000 lekë.

Viti 2013

Pagesë për studimet e vajzës, 2 250 euro.

Pagesë për studimet e vajzës tjetër, 150 000 lekë.

Gjendje cash në banesë, 300 000 lekë.

6346 m2 tokë arë, në Tropojë si trashëgimi.

6 828 m2, tokë, arë në Tropojë, dhuratë.

1 000 m2 tokë në hidrovor të Hamallaj të Durrësit, si trashëgimi.

Paga si gjyqtar, 1 380 000 lekë.

Paga e bashkëshortes, infermiere, 460 000 lekë.

Paga e vajzës nga Shërbimi i provës, 455 000 lekë.

Viti 2014

Të ardhura nga paga dhe shpërblime si gjyqtar, 1 578 000 lekë.

Bashkëshortja, të ardhura nga paga si infermiere pranë Poliklinikës nr. 2, Tiranë, 482 000 lekë.
Vajza, Ersida Mulkurti të ardhura nga paga si specialiste pranë Shërbimit të Provës, Tiranë, 320 000 lekë.

Shpenzime për studimet e vajzës, Elda Mulkurtit, pranë Universitetit të Tiranës, 1 500 euro.
Shpenzime për dasmën e vajzës, Ersida Mulkurtit, 1 200 000 lekë.
Gjendja cash, 650 000 lekë, pjesa takuese 50 %.
Kredi bankare në një bankë të nivelit të dytë, 5 000 000 lekë për strehim, detyrimi financiar i pashlyer, 2 432 000lekë.
Vajza, Ersida Mulkurti, gjendja cash 6 000 euro nga shitja e automjetit “Ford”.

Viti 2015

Shtesë, cash në llogari 500 000 lekë.

Shtesë cash në banesë, 50 000 lekë.

Paga si gjyqtar, 1 659 361 lekë.

Paga e bashkëshortes, infermiere, 453 382 lekë.

Paga e vajzës nga Shërbimi i provës, 27 478 lekë.

Paga nga leja e lindjes për vajzën, 115 992 lekë,

Kujdesi ndaj fëmijës së vajzës nga shteti suedez, në 18.604 cruna.

Viti 2016

Shtesë cash, 700 000 lekë.

Paga si gjyqtar, 1 594 396 lekë.

Paga e bashkëshortes, infermiere, 452 148 lekë.

Paga e vajzës , sekretare gjyqësore, e gjykatës së Apelit Administrativ, 295 813 lekë.

Shëpërblim për djalin si nxënës ekselent, 4500 lekë.

Viti 2017

Shtesë në llogari, 900 000 lekë.

Paga si gjyqtar, 1 597 241 lekë.

Paga e bashkëshortes, infermiere, 457 669  lekë.

Paga e vajzës , sekretare gjyqësore, e gjykatës së Apelit Administrativ, dhe Gjykatën e Tiranës në shumat 49 288 lekë dhe 447 331 lekë.

Shëpërblim për djalin si nxënës ekselent, 20 000 lekë.

Viti 2018

Pakësim, nga gjendja cash në banesë, kaluar gjendje cash në llogarinë rrjedhëse me datë 18.06.2018 në shumën 1.410.000 Lekë.

Pakësim, nga gjendja në Ilogarinë rrjedhëse, tërheq cash me 03.07.2018, të cilat kanë kaluar aash në Ilogari me 03.07.2018, në emër Erblin Mulkurti ose Idriz Mulkurti, 3.500.000 Lekë.

Shtesë, cash në Ilogari me 03.07.2018, në emër Erblin Mulkurti ose Idriz Mulkurti, konvertim 3.500.000 lekë.

Shtesë, në Ilogari me 03.07.2018, në emër Erblin Mulkurti ose Idriz Mulkurti, nga të ardhurat 2018., në shumat 24.509 GBP  dhe 150 GBP Pakësim, nga gjendja e llogarisë me 17.07.2018 e 29.08.2018, pagesë për shkollimin e djalit Erblin, në London South Bank University (LSBU) Angli, 11.125 GBP + 97 GBP komision transfertë nisje, 11.222 GBP.

Shtesë 2018, gjendje cash në llogari nga të ardhurat familjare 2018. Sqaroi se, djalit Erblin Mulkurti ka si student në Ilogarinë e tij,  441.127 lekë dje 291 GBP 30% bankën Barclays, Londër Agli, gjendje cash 291 GBP, rrjedhur nga të ardhurat familjare 2018.

Paga + shërbime dhe shpërblime, gjyqtar Gjykata e Apelit për  Krime të Rënda Tiranë, 1 .627.576 Lekë.

Paga + shërbime dhe shpërblime, e b/shortes Shpresa, infermiere Poliklinika nr.2 Tiranë, 457.908 Lekë.

Paga + shërbime dhe shpërblime, e vajzës Elda sekretare gjyqësore 612.237 Lekë, tek Gjykata e Rrethit Gjyqesor Tirane.

Shpërblim, djali Erblin si nxënës ekselent tek Shkolla e mesme “Ismail Qemali” Tiranë, 20.000 lekë.

Kredi e marrë në vitin 2006, në vlerën 5.000.000 lekë për strehim, shlyer  326.556 Lekë dhe shuma e pashlyer 652.112 Lekë./CNA.al

 

 

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Tre gjyqtarë të përfshirë në “vrasje”/ Skandal, Krimet e Rënda i amnistojnë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Triumfon Tahiri/ Prokuroria del blof

 

LEXO TE PLOTE
Lajme të Rekomanduara: