Connect with Us

Tre “armiqtë” e Edi Ramës në PS, dhe Baton kusari

Aktualitet

Tre “armiqtë” e Edi Ramës në PS, dhe Baton kusari

Publikuar

-

Edi Rama, Baton Haxhiu

Vitet e fundit është bërë “trend” në Shqipëri, që disa gjoja gazetarë e analistë të vijnë nga Kosova e u japin mend shqiptarëve të Shqipërisë, për politikën e tyre, sjelljen e tyre dhe vetë axhendën politike të vendit të tyre.

Një nga këta është edhe gazetari miliarder, Baton Haxhiu, i cili shpesh del në studio televizive si miku dhe krahu i djathtë i kryeministrit Edi Rama.

Së fundi mjafton të shikosh komentet apo qëndrimet e shqiptarëve të Kosovës apo edhe të Shqipërisë, ndaj tij, për të kuptuar sesa peshë politike ka ky individ andej nga vjen dhe këtu.

Ai mund të thotë shumë gjëra dhe të ketë shumë qëndrime, por rëndësi ka sa peshë ka fjala e tij, që mesa duket është një hiç.

Është një hiç sepse shet mend duke përmendur Edi Ramën, pasi në Kosovë nuk e pyet kush, por duke u përpjekur që miqësinë me Kryeministrin Rama, ta ketë krejtësisht një aferë klienteliste për interesa të pista të cilat i imposton edhe në politikë.

Dje për herë të dytë, Baton Haxhiu ka folur për “armiq” të brendshëm në Rilindje, që sipas tij kërkojnë të rrëzojnë Edi Ramën.

Në fakt në qoftë se ka një armik brenda PS-së, dhe të kryeministrit Rama, ky është Baton Haxhiu, dhe për këtë bën mirë kryeministri të bëjë një sondazh dhe ta shohë sesa është pesha e tij në publik.

Batoni për herë të dytë në disa javë “zbuloi” se Rama kishte tre “armiq” brenda PS-së, të cilët kërkonin ta rrëzonin dhe t’i merrnin partinë apo ta hiqnin nga Kryeministër, që të riktheheshin vetë në postet ministrore që kishin.

Në Klan, disa javë më parë, Baton Haxhiu dhe se ishin dy “armiq” të Edi Ramës. Sipas tij, dy “armiqtë” janë ish-ministri i Jashtëm, Ditmir Bushati dhe ish-ministri i Bujqësisë, Niko Peleshi, ndërsa tani i është shtuar edhe një i tretë, ish-ministri i Financave dhe Ekonomisë, Arben Ahmetaj.

Gjithësesi se çfarë qëndrimi mund të ketë Batoni ndaj këtyre tre personazheve të Partisë Socialiste, kjo nuk ka shumë rëndësi. Por, mjafton të bësh një analizë të thjeshtë për të kuptuar se cila është arsyeja që për të dytën herë Batoni sulmon dy personazhe të rëndësishëm të PS-së, ndërsa tani i shton edhe një të tretë.

Për më tepër këtë edhe e thotë në publik. Ndoshta dhe për të tërhequr vëmendjen nga armiqtë e vërtetë të Edi Ramës, një prej të cilëve, për publikun, është vetë Batoni.

Me një vëzhgim të thjeshtë, zbuluam disa detaje.

Së pari, qëndrimin e Batonit në lidhje me çështjen e Kosovës dhe ndarjen e kufijve.

Baton Haxhiu është akuzuar edhe nga ish-kryeministri Sali Berisha, si argat i Vuçiçit dhe Serbëve.

Baton Haxhiu ka qënë pro që Kosova të ndryshojë kufijtë e saj. Këtë e ka thënë edhe publikisht në studio televizive. Baton Haxhiu ka mbrojtur edhe bashkëpunimin me Vuçiç. Për më tepër, ka pasur një debat të ashpër edhe me ish-kryeministrin Sali Berisha.

Nga ana tjetër ish-ministri i Jashtëm, i shpallur “armik” nga Batoni, Ditmir Bushati i qëndroi ashpër dhe fort këtij të fundit, kundër ndryshimit të kufijve të Kosovës. Një qëndrim ky i Bushatit, i përshëndetur edhe nga opozita apo edhe nga shumë faktorë të tjerë ndërkombëtarë, ç’ka bëri që Batoni të mbetej me “gisht në gojë” dhe Edi Rama më pas ta hiqte Ditmir Bushatin dhe të vendoste Gent Cakajn, një kalama dhe pioner, që kurrësesi nuk mund të jetë në diplomaci as sa gjysma e Ditmir Bushatit, apo shumë eksponentëve të tjerë që kanë qënë ministra të jashtëm të PD-së, PS-së apo LSI-së.

LEXO EDHE:  Vizita në Kosovë/ Zbulohen qëllimet e Vuçiç

I dyti në radhë vjen Niko Peleshi, i cili sërish akuzohet si “armik”, se mund të rrëzojë Edi Ramën, se mund t’i zërë vendin apo të marrë një post ministror.

Mjafton të bësh një kërkim të thjeshtë dhe të mbledhësh pak informacion nga Ministria e Bujqësisë. Gjatë kohës që ky institucion drejtohej nga Niko Peleshi, AKU-ja ka bërë një bllokim të miellit që vinte nga Serbia. Ka pasur një skandal dhe shumë zëra thonë se Baton Haxhiu është një nga njerëzit e lidhur fort me tregtinë e miellit që vjen nga Serbia në Shqipëri. Një miell skandaloz që shpesh nëpër emisione investigative është denoncuar për cilësinë e tij të dobët dhe mesa duket bllokada që Niko Peleshi, i ka bërë miellit serb, ku nga pas fshihej Baton Haxhiu, ka bërë që edhe Nikon gazetari miliarder që vjen e shet mend në Shqipëri, ta shpallë “armik” të Edi Ramës.

I treti në radhë, i shtuar dje është Arben Ahmetaj dhe pikërisht, këtu lindi çudia. Ishin dy “armiq”, pse kaq shpejt u bënë tre.

Mjafton të mbledhësh informacione në Ministrinë e Financave dhe të gjithë aty thonë se ka pasur një përplasje të fortë të Arben Ahmetajt me Baton Haxhiun. Gjithçka ka qënë e lidhur me akcizën e birrës që vinte nga Kosova, ku Batoni kërkonte të qante dhe të kishte rrugë të lirë.

Pra, në fakt të tre “armiqtë” e përmendur nga Batoni, disa herë në studio televizive, “armiq” të shpikur të tij kundër Edi Ramës, në fakt nuk duket të jenë të tillë. Por, duken të jenë “armiq” të Batonit, tregtisë, pazareve dhe pisllëqeve të tij, që nga politika deri tek bizneset.

Dhe ky sharlatan mediatik i Kosovës që vjen në Shqipëri dhe flet broçkulla, nuk duket se ka hallin e Edi Ramës, as të Rilindjes, as të Shqipërisë, por ka një hall tjetër. Baton Haxhiu ka hallin e interesave të tij, hallin e pazareve të tij të pista  me Serbinë dhe Vuçiçin. Ka hallin e bizneseve të tij. Ka hallin e miellit serb apo akcizave të birrës.

Pra, gjithçka që ai flet ka të bëjë vetëm me xhepin e milionerit apo miliarderit Baton Haxhiu, i cili nuk është gjë tjetër veçse një pazarxhi i Vuçiçit, dhe një njeri që kërkon të shfrytëzojë pushtetin apo ministrat e ndryshëm të çdo sistemi për xhepat e tij dhe kuptohet lehtë sesa peshë mund të ketë në opinionin publik, në Kosovë apo në Shqipëri.

Fjala e këtij sharlatani mediatik, që del në ekrane, që shpall “armiq”, kur në fakt duket se janë “armiqtë” e tij personal, sepse nuk e kanë lejuar të plaçkisë në Shqipëri apo të coptojë trojet e shqiptarëve./ CNA.al

Baton Haxhiu zbulon tre “tradhtarët” e Ramës

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Vizita në Kosovë/ Zbulohen qëllimet e Vuçiç

LEXO EDHE:  Zjarret djegin vendin/ Rama: Le të shuhen vetë, nuk janë punë e shtetit!

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Foto-Erion Veliaj kopjon Edi Ramën

LEXO EDHE:  Foto-“Kryeministër rrugaç”/ Nard Ndoka “surprizon” Ramën

 

LEXO TE PLOTE
Lajme të Rekomanduara: