Connect with Us

“Po e bëj këtë për shqiptarët e mi”/ Angela Martini flet për skandalin e mashtrimit të burrit të saj

Aktualitet

“Po e bëj këtë për shqiptarët e mi”/ Angela Martini flet për skandalin e mashtrimit të burrit të saj

Publikuar

-

Emri i saj ka qenë më i lakuari në media gjatë fundjavës së shkuar. Shkak është bërë bashkëshorti i saj, Dragos Savulescu, i cili sipas medieve është përfshirë në një skandal të madh në Rumani. Për këtë Angela Martini flet për herë të parë në një deklaratë ku jep përgjigje edhe për divorcin.

Katërmbëdhjetë vite më parë, në vitin 2005, shteti rumun hapi një çështje gjyqësore ndaj bashkëshortit tim, për pretendimin ligjor të një toke. Kjo ngjarje e ka zanafillën 17 vjet më parë, kur ai ishte 28 vjeç. Pavarësisht se është figurë publike dhe biznesmen i njohur në Rumani, kjo është e vetmja çështje kriminale në të cilën ai është përfshirë gjatë gjithë jetës së tij.

Kjo çështje është hapur për arsye tërësisht politike, kur u prek një nga bizneset e tij. Pala akuzuese pretendonte pa të drejtë se një grup prej 35 vetash kishte shkaktuar një dëm financiar prej 114 milionë eurosh ndaj bashkisë së Konstantës, një prej qyteteve më të mëdha në Rumani.

Gjithçka u pasqyrua nga mediet vendase, të cilat e kthyen çështjen në një skandal, me qëllimin e vetëm për të mbjellë urrejtje në publikun e gjerë, edhe pse bëhej fjalë për një sajesë dhe lajm të fabrikuar. Marrëveshja e bërë nga bashkëshorti im ishte e gjitha konform ligjeve rumune, gjë që e konfirmoi më vonë edhe gjykata, ku u vërtetua se dëmi ishte zero, pra, nuk kishte ekzistuar kurrë.

Në fillim të këtij viti, saktësisht më 7 shkurt, nën presionin e Shërbimit Sekret Rumun, i cili ka kontroll të plotë mbi sistemin gjyqësor rumun, gjykatësit e korruptuar të Gjykatës së Lartë Rumune morën një vendim abuziv, duke i dënuar të 35 ata persona me shumë vite burg. Mes tyre, edhe bashkëshortin tim, i cili u dënua me 5 vjet dhe 6 muaj burg, edhe pse, sipas së njëjtës sentencë të paligjshme, ai nuk i detyrohet asnjë qindarkë askujt.

Të gjithë të përfshirët në këtë çështje tani ndodhen në burg, me përjashtim të bashkëshortit tim, i cili nuk pranoi të dorëzohej dhe të pranonte këtë vendim të padrejtë dhe mbi të gjitha të paligjshëm, i cili është kundër ligjit rumun, kundër ligjit europian dhe kundër ligjit europian për të drejtat e njeriut. Gjykata Kushtetuese e Rumanisë mori një vendim që konfirmoi përfshirjen e Shërbimit Sekret Rumun në sistemin gjyqësor të atij vendi, bazuar në të ashtuquajturin “protokoll”.

Të gjitha këto fakte janë ndjekur nga debate të mëdha publike dhe grindje politike, të cilat kulmuan dy javë më parë, me arrestimin e kreut të Partisë Social-Demokrate, kundërshtarit kryesor të sistemit korruptiv në atë shtet. Kështu, Shërbimi Sekret dhe e ashtuquajtura drejtësi rumune fituan.

Edhe pse Rumania është në Bashkimin Europian, vitet e fundit në atë vend janë bërë abuzime të pafundme me shumë çështje të drejtësisë, çka ka çuar në arrestimin e mijëra njerëzve, duke filluar që nga biznesmenë të rëndësishëm dhe deri te politikanë.

Të gjitha këto janë kryer nën hijen e një demokracie hipokrite dhe “luftës ndaj korrupsionit”, që në fakt ka nxjerrë në dritë vetëm të vërtetën e madhe: që Rumania është ende një vend i botës së tretë, një koloni, një vend ku drejtësia nuk funksionon, një vend ku Shërbimi Sekret është ai që bën gjithë lojërat ekonomike dhe politike, me ndihmën e një sistemi drejtësie të korruptuar. Shtypi rumun, por edhe ai ndërkombëtar, janë mbushur me debate dhe komente për këtë.

Menjëherë pas shpalljes së këtij vendimi, shtypi rumun, edhe ai kryesisht i kontrolluar nga Shërbimi Sekret, bëri sulme të  njëpasnjëshme, duke fabrikuar lajme të rreme për bashkëshortin tim, derisa ai vendosi të publikonte të gjithë të vërtetën për këtë çështje në faqen e tij në rrjetin social “Facebook” dhe në blogun e tij personal. Vetëm atëherë shtypi reshti së sulmuari për këtë çështje, sepse u gjend përpara së vërtetës lakuriqe, të pakundërshtueshme.

LEXO EDHE:  "Fitova 5.2 mln lekë në baste"/ Zbardhen deklaratat kontradiktore shkarkuan prokurorin Luan Kaloçi

Të gjitha detajet për çështjen e bashkëshortit tim janë botuar rumanisht në faqen e tij në “Facebook” dhe në blogun e tij, që prej datës 5 mars të këtij viti. E njëjta e vërtetë është botuar edhe sot anglisht dhe i ftoj të gjithë të interesuarit për këtë temë, që ta lexojnë me kujdes, për ta kuptuar si duhet.

Duke pasur parasysh këtë situatë dhe pasi lexova lajmet e fundit për mua dhe bashkëshortin tim në shtypin shqiptar, përveç kësaj hyrjeje të rëndësishme e të nevojshme, vendosa që më në fund t’i them vetë dy fjalë shtypit shqiptar dhe popullit të vendit tim:

Unë dhe im shoq nuk jemi në proces divorci, nuk po ndahemi. Ne duhemi më shumë se kurrë! Unë nuk i qëndroj pranë atij vetëm në ditë të mira, por, mbi të gjitha, në ditë të këqija! Kjo situatë në jetën tonë na erdhi e papritur, por më bëri ta dua më shumë atë. Ai gëzon të gjithë mbështetjen time, sepse, përveç dashurisë së madhe që kam për të, edhe më shumë dashuri kam për të luftuar për të vërtetën, për të luftuar padrejtësitë!

Unë nuk do të resht kurrë së luftuari për të drejtën, si për vete, ashtu dhe për të tjerët. Kjo ngjarje më ka bërë të kuptoj se si jeta ndonjëherë na befason; u përballa me reagime të dëshpëruara të njerëzve të verbër, të etur për pushtet, të pandërgjegjshëm, të gatshëm për të shkatërruar jetë njerëzish të pafajshëm vetëm e vetëm prej urrejtjes dhe zilisë.

Unë jam e bindur që gjithçka ndodh për një arsye. Mund të duket paradoksale, por jam mirënjohëse që u zgjodha për të përjetuar këtë situatë në jetë. Tani m’u hapën sytë ndaj shumë gjërave dhe nuk kanë për të m’u mbyllur më kurrë.

Për mua dhe bashkëshortin tim, kjo përvojë u kthye në një sfidë, në një garë kundër një sistemi drejtësie të korruptuar, nga ata që ekzistojnë vetëm në vendet e vogla, një sistem që vetëm kujton se ka pushtet mbi ne. Ne do ta fitojmë këtë garë! Ne jemi të bindur se pas errësirës vjen drita!

Jeta ime është si një film, por i vërtetë, dhe tani u bë si filmi i dasmës sonë . Po e përjetoj për së gjalli këtë eksperiencë të pabesueshme! Tani, ne po i përdorim të gjitha energjitë për ta zgjidhur ligjërisht këtë çështje, me avokatët më të mirë. Për fat të mirë, jemi drejt zgjidhjes, sepse u jemi drejtuar instancave të vërteta të drejtësisë, në vende me demokraci të vërtetë, ku nuk lejohen absolutisht abuzime të kësaj natyre. Shumë shpejt gjithçka do të marrë fund dhe e vërteta do të dalë në shesh.

Nga shqiptarët dhe Shqipëria ime kërkoj besim dhe mbështetje, nga ata që më duan dhe më respektojnë kërkoj që në vend që të më sulmojnë, të më përkrahin në këtë luftë për jetë kundër padrejtësive.

Kjo është një deklaratë për shtyp që po e jap vetëm për shqiptarët e mi, kudo që ndodhen. Ne do ta sulmojmë pa mëshirë këtë sistem drejtësie të korruptuar dhe, shumë shpejt, kur të jetë koha e duhur, në shtypin ndërkombëtar do të nxjerrim në dritë abuzime të mëdha.

Kriminelët e vërtetë të atij vendi, ata që fabrikojnë lajme të rreme dhe shtiren sikur bëjnë drejtësi, kanë harruar të marrin parasysh një detaj “të vogël”: MUA – bashkëshorten e tij shkodrane!!!/ Burimi Revista Who.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Një tjetër artiste shqiptare pozon me fustan pa të brendshme

LEXO EDHE:  PD i publikoi dosjen e vëllait/ Fjala e plotë e ministrit Xhafaj

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Një tjetër artiste shqiptare pozon me fustan pa të brendshme

LEXO EDHE:  PD i publikoi dosjen e vëllait/ Fjala e plotë e ministrit Xhafaj

 

LEXO TE PLOTE
Lajme të Rekomanduara: