Connect with Us

Komisioneri i kursit të “Plepave”/ Zbardhet mashtrimi i Luan Dacit të Vettingut

Aktualitet

Komisioneri i kursit të “Plepave”/ Zbardhet mashtrimi i Luan Dacit të Vettingut

Publikuar

-

Komisioneri i Vettingut, Luan Daci, në vitin 1997 është shkarkuar nga sistemi i drejtësisë, për shkelje të ligjit dhe paaftësi në detyrë.

Vendimi është marrë më 24 dhjetor të vitit 1997, në Këshillin e Lartë të Drejtësisë, në kohën që drejtohej nga Presidenti Rexhep Mejdani.

Por pavarësisht shkarkimit sot Luan Daci ka në dorë fatin e gjyqtarëve dhe prokurorëve.  Në vitin 2016, Këshilli i Lartë i Drejtësisë e ka përjashtuar nga konkurimi për gjyqtarë me argumentin se nuk plotësonte kriteret pasi në vitin 1997  ishte larguar nga kjo detyrë ‘për shkelje të rënda’.

Mirëpo as ky argument nuk e ka penguar që të zgjidhet në Komisionin e Vettingut.

Daci i cili ka gënjyer për shkarkimin e tij, vendos të ardhmen e gjyqtarëve dhe prokurorëve që ankimon Komisioneri Publik.

Luan Daci më herët ka qenë gjyqtar në Gjykatën e Shkallës së Parë të Tiranës deri në vitin 1997  si dhe zv.kryetar në këtë gjykatë, ndërsa më vonë ka punuar si avokat, deri sa është zgjedhur në postin e anëtarit të Kolegjit të Posaçëm të Apelimit.

Daci rezulton se ka bërë Kursin e “Plepave” në “Shtëpinë e Pushimit të Ministrisë së Rendit Publik”, Durrës.

E kaluara e tij është mësuar së fundmi, pasi në momentin që ka dhënë intervistë për t’u bërë pjesë e KPA, ai e ka fshehur shkarkimin. Me pak fjalë, komisioneri Luan Daci e ka mashtruar Kuvendin dhe opinionin publik.

Absurditeti është se të njëjti po kalon në filtër gjyqtarë dhe prokurorë.

CNA.al ka bërë një vëzhgim mbi pasurinë e deklaruar nga komisioneri Daci, i cili thotë se i kanë bërë dhuratë një apartament 47.3 m2, por nuk e thotë dhuruesin.

Ai deklaron edhe një apartament 2+1 në qytetin e Tepelenës, po pretendon se nuk ka të drejta pronësore mbi të.

Sipas të dhënave të deklarimit të pasurisë, bashkëshortja e tij rezulton së në vitin 2017 ka punuar në  Bashkinë e Tiranës dhe më vonë në QSUT.

Ai thotë se të ardhurat i ka vetëm nga pagat, por nëse i referohemi faktit se ka gënjyer për të kaluarën profesionale, ekzistojnë dyshime se mund të ketë gënjyer edhe për pasurinë.

Më poshtë po sjellim të detajuar pasurinë e deklaruar prej tij.

Viti 2017 (Deklarata fillestare)

Apartament banimi me sipërfaqe 47.3 m2, Kontrate dhurimi (pa vlere)

Apartament 2+1 në qytetin e Tepelenës, pa të drejta reale pronësie mbi te (pasuri e shitur, as e posedoj, as nuk e gëzoj as nuk disponoj mbi këte send).Pasuri e tjetërsuar, mungese dokumentacioni

Llogarite bankare. Në dt. 30.06.2017 gjendja e llogarisë është: 149.589,38 lekë dhe 1.968,85 euro.

Gjendja cash, 1 000 000 lekë.

Llogaritë bankare e bashkëshortes, në shumën 530,610.46 lekë

Paga mujore e bashkëshortes si nëpunëse në administratë (Bashkia Tiranë), në shumën 72.080 lekë.

Viti 2017 (Deklarata vjetore)

Shtesë në llogarinë rrjedhëse, të pagës  për periudhën 17.6.2017-31.12.2017, në shumën 1 395 447 lekë.

Pakësimi cash, 400 000 lekë.

Të ardhura nga paga në KPA, për periudhën 17.6.2017-31.12.2017, në shumën 1 716 192 lekë.

Të ardhura nga paga e bashkëshortes për periudhën 17.6.2017-31.12.2017, në shumën 355 978 lekë.

Shtesë nga interesat bankare në emër të bashkëshortes, në shumën 2464 54 lekë.

Viti 2018

Kursime për vitin 2018, në shumën 1 321 137 93 lekë.

Të ardhura nga paga në KPA, 3 854 376 lekë.

Të ardhura nga paga e bashkëshortes si punonjëse pranë Qendrës Spitalore Universitare ‘Nënë Tereza”, Tiranë, në shumën  857 097 lekë.

Shtesë nga interesat bankare në emër të bashkëshortes, në shumën 4 912 lekë.

Të ardhura si trajnuese, pranë Shkollës së Administratës Publike, në shumën 15 000 lekë./CNA.al

Aktualitet

Juventusi nuk ka “të ngopur” në merkato/ Sarri: Dua yllin anglez

Publikuar

-

Maurizio Sarri ka një dëshirë për repartin e mbrojtjes. Trajneri i Juventusit kërkon një përforcim për krahun e majtë. Aty janë Alex Sandro dhe Luca Pellegrini, por ky i fundit pritet të huazohet diku.

“Daily Mail” raporton se bardhezinjtë janë vënë pas Danny Rose, 29-vjeçarit të Tottenham. Sarri i ka kërkuar Fabio Paraticit të nisë negociatat dhe të arrijë sa më shpejt një marrëveshje me finalistët e Champions League.

Për lojtarin e kombëtares angleze (numëron 27 ndeshje të zhvilluara) interesohen edhe PSG me Shalke 04. Rose është pjesë e Tottenham që prej 2013, vit kur la Sunderland për t’u transferuar te “Spurs”.

LEXO TE PLOTE

Aktualitet

Foto nudo në shkëmbim të një seti fotografik/ Fotografi i VIP-ave akuzohet publikisht për abuzime seksuale

Publikuar

-

Faqja e njohur online “Diet Prada”, ka publikuar një skandal sot mes fotografit të njohur të VIP-ave Marcus Hyde dhe një modeleje.

Faqja që trajton tema që në botën e njohur të modës kanë qenë tabu, ka zbuluar se si fotografi i Kim Kardashian i ka kërkuar modeles foto nudo në shkëmbim të një seti fotografik.

Marcus i kishte kërkuar asaj 2 mijë dollarë në shkëmbim të një bashkëpunimi ose nëse i dërgon atij një foto nudo ajo e përfitonte falas.

Kjo bisedë bëri mejëherë bujë në internet dhe me sa duket ka shërbyer si frymëzim për të gjitha vajzat që ai ju ka kërkuar favore seksuale.

Një modele tjetër ka treguar bisedën që ka bërë me të në E-mail dhe shihet se Marcus i kërkon asaj foto nudo. Rastet e tilla kanë qenë të shumta dhe forografi nuk ka reaguar ende lidhur me to.

Marcus Hyde është fotograf super i njohur në botën e modës dhe ai bashkëpunon shpesh me artistët si, Kim Kardashian, Kanye West dhe Ariana Grande.

LEXO TE PLOTE

Aktualitet

Dosja ‘Toyota Yaris’/ Prokurorët belgë zbarkojnë në Tiranë

Publikuar

-

Nga

Dosja ‘Toyota Yaris’ sjell në Tiranë një grup prokurorësh belgë. Burime për “BalkanËeb” thanë se prokurorët belgë do të zhvillojnë takime me grupin që po kryen hetimet për dosjen, si edhe me prokurorë të Krimeve të Rënda, Doloresa Musabelliu dhe Ened Nakuci.

Prokuroria e Belgjikës ka kërkuar të merret në pyetje kreu i Partisë Demokratike, Lulzim Basha në lidhje me rastin e bllokimit të 3.4 mln eurove të fshehura në “Toyota Yaris” , ndërsa nuk dihet nëse ky grup prokurorësh belgë do të asistojnë gjatë marrjes në pyetje të kreut e PD-së. Kryedemokrati Basha ishte personi që denoncoi në Kuvend çështjen e ‘Toyota Yaris’.

Ditën e sotme në Prokurorinë e Krimeve të Rënda, kanë dhënë dëshminë e tyre Agim Ceka shoferi i kamionit ku ndodhej ‘toyta yaris’ dhe Alban Mollaymeri, pritësi i makinë.

Aksioni për bllokimin e sasive të eurove u finalizua me 24 qershor të vitit të kaluar, ndërsa eurot me prerje të ndryshme ishin fshehur në një makinë tip “Toyota Yaris” pa targa. Mjeti ishte nisur nga Belgjika dhe nuk kishte destinacion përfundimtar.

Mjeti tip “Toyota Yaris”, ku u gjetën paratë ishte në një koncesion bashkë me mjete të tjera të cilat ishin porositur për shitje në Shqipëri.

LEXO TE PLOTE