Connect with Us

Denoncimi/ Pa një krah, por i heqin KEMP-in: Shko puno si roje! (Video)

Aktualitet

Denoncimi/ Pa një krah, por i heqin KEMP-in: Shko puno si roje! (Video)

Publikuar

-

Emisioni “Stop” ka udhëtuar drejt fshatit Bogdan i Sipërm, rreth 20 km larg qytetit të Beratit për problemin e shtetasit Hasan Toska, i cili nuk merr kempin, edhe pse nuk e ka njërin krah. Deri në vitin 2018 ai trajtohej me kemp, por në muajin nëntor i është hequr, pasi nuk përmbush kriteret ligjore.

Hasani tregon, se ka dy fëmijë dhe jeton vetëm me pensionin e nënës së tij. Në Shërbimin Social të Beratit thonë, se Hasani mund të punojë roje, në fabrikat e Beratit.

Nga ana tjetër Gëzim Demiraj, kryetar i shoqatës së ruajtjes së sigurisë fizike shpjegon, se një nga kriteret, për të punuar roje objekti, është raporti mjeko-ligjor, që vërteton, se ai është i aftë mendërisht dhe fizikisht dhe më pas vjen trajnimi. Ky i fundit përfshin arritjen e disa normave fizike. Por sipas Gëzim Demirajt, Hasani nuk i përmbush këto standarde.

Hasan Toska:Në moshën 9 vjeçare kam humbur krahun dhe në vitin 2012 më lidhën  me një kemp dhe kam qenë deri në vitin 2018 dhe deri tani i kam mbyllur letrat dhe tani nuk më japin kemp pasi më thonë se jam pa grup, por unë nuk e kuptoj se çdo të thotë që je pa grup. Unë nuk kam ku të punoj, pasi nuk punoj dot. Tani të ardhura kam vetëm nga pensioni i mamasë. Jam unë dhe kam dy fëmijë, por sa vite do jetojë nëna? Jam dy orë larg nga qyteti i Beratit dhe të shkoj  në një vend kur ke hall nuk shkoj dot në kam mundësi ekonomike të shkoj në asnjë vend, pasi duhet 30 mijë lek të vjetra për të marrësh një makinë.

Punonjësja sociale: Po! Keni dalë nga Kempi Epror, pa grup.

Gazetarja: Që do të thotë?

Punonjësja sociale: S’merr pagesë paaftësie.

Gazetarja: Jashtë kritereve ligjore, çfarë do të thotë?

Punonjësja sociale: Që nuk është në kriteret ligjore, që ka vendosur ministria për të përfituar pagesën e paaftësisë.

Gazetarja: Zotëria, është i aftë për punë tani?

Punonjësja sociale: Përderisa e kanë shkruajtur ashtu, po!

Më pas gazetarja së bashku me Hasanin ju drejtua zyrës së punës së qytetit të Beratit për të pyetur se çfarë pune mund të bëjë ai në kushtet që është.

Denoncuesi: Kam ardhur për punë.

Punonjësja: Ta kanë hequr kempin? Tani…u shërove ti, se s’po gjeja fjalën e duhur, që të thosha, që të gjeja domethënë. Të kanë nxjerrë për punë të lehtë tani? Mund të bësh punë të lehtë, apo ta hoqën kempin fare?

Denoncuesi: Ma hoqën fare kempin.

Punonjësja: Por mund të bësh punë të lehtë, ta kanë dhënë atë rekomandimin. Ku banon ti?

Denoncuesi: Në Bogdan të Sipërm.

Punonjësja: Ëhë! Ku është Bogdani i Sipërm, i thuaj atyre! Te sytë tuaj, i thuaj! Unë të kuptoj shumë mirë, por atje ku je ti dhe ku jemi ne këtu, je larg cdo gjëje. Sa orë do ti, të vish në Berat?

Denoncuesi: Dy orë, dy orë e gjysmë.

Punonjësja: Kur do nisesh ti nga shtëpia, për të shkuar në punë këtu tek ne? Rojen mund ta bësh ti. Ca moshe je?

Denoncuesi: 1981-shi.

Punonjësja: Ohuu më mirë, s’ka ku të vejë, 38 vjeç. Rojen a ca mendon ti, se mund të bësh, vetëm kjo është zgjidhja për ty.

(I flet një punonjësi tjetër) Vetëm roje mund të bëjë në kushtet, që është.

Punonjësja: Po tek fabrika e lëkurës, që keni aty në Vodicë? Të vesh njëherë atje, mos të ndihmon ai, ndonjë roje ndonjë gjë. Në rast se ti, merr një përgjigje negative nga ata, pas përpjekjes që ke bërë vetë, hajde këtu me kartën e identitetit dhe të të regjistroj, të shikojmë çfarë mundësi mund të të krijojmë.

Pas sugjerimit që u bë tek zyra e punës së Beratit se Hasani mund të punonte si rojë, gazetarja e emisionit “Stop” pyeti Kryetarin e Shoqatës së Sigurisë Fizike nëse ai i përmbush kushtet dhe cilat janë dhe nëse  i përmbush

Gëzim Demiraj: Bazuar në ligjin 75 për shërbimin e ruajtjes së sigurisë fizike një nga kriteret pqër tu punësuar në këto shoqëri është një raport mjeko ligjor i cili vërteton së është i aftë për punë dhe specifikon të gjitha aftësitë, fizike, mendore dhe të ketë një përgatitje dhe njën kurs 10 ditori që zhvillohet në qendrat e trajnimit. Është një nga kushtet më specifike dhe në këtë kuadër nuk mundet që një punonjës  i cili ka dëmtime dhe nuk kryen dot detyra e punonjësit të shërbimit të sigurisë fizike. Për tu trajnuar është trajnimi teorik dhe fizik, në këtë të fundit punonjësi i shërbimit duhet të jetë i aftë të kapi të gjitha parametrat e stërvitjes, prangosjes dhe përdorimit të armës dhe parametra të tjerë teknikë, në mënyrë që të punësohet pranë këtyre. Ai është e pamundur që të punësohet pranë këtyre shoqërive me detyrën e punonjësit të shërbimit sepse është në shkelje të hapur të ligjit./tvklan.al/

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: