Connect with Us

Komisioneri i Vettingut me mesatare 6/ Ku i shkuan eurot dhe dollarët Ardian Hajdarit?

Aktualitet

Komisioneri i Vettingut me mesatare 6/ Ku i shkuan eurot dhe dollarët Ardian Hajdarit?

Publikuar

-

Komisionerët e Vettingut, të cilët janë përzgjedhur për të hetuar gjyqtarët dhe prokurorët, duket se  vijnë nga nëntoka.

Thënë më qartë, ata janë aty jo për shkak të aftësive profesionale por për shkak të lidhjeve me politikën.

Pasi disa prej tyre nuk i plotësojnë kushtet për të qenë pjesë e Komisionit të Vettingut si në KPK ashtu edhe në KPA.

Njëri nga komisionerët që nuk plotëson kriteret rezulton të jetë edhe Ardian Hajdari i Kolegjit të Posaçëm të Apelimit.

Denoncimi është bërë para disa ditësh nga ish prokurorja e shkarkuar nga KPA Antoneta Sevdari.

Kjo e fundit të njëjtin informacion ia ka dërguar edhe ONM-së, prej së cilëve ka kërkuar shkarkimin e Hajdarit dhe jo vetëm.

Sipas saj, Ardian Hajdari nuk plotëson kushtin “të ketë përvojë pune jo më pak se 15 vjet si gjyqtar, prokuror, avokat, profesor i së drejtës, nëpunës i shërbimit civil në nivel drejtues ose në një përvojë të njohur në fushën e së drejtës administrative ose sfera të tjera të së drejtës”.

Për më tepër Ardian Hajdari, e ka mesataren në studime 6,44 dhe në këto kushte ai nuk përmbush kushtin e parashikuar në germën d) të pikës së dytë të nenit 6 të ligjit 84/206, pra notën mesatare jo më pak se 8, nëse ka përfunduar ciklin e dytë të studimeve universitare për drejtësi me diplomë “Master i shkencave” në Shqipëri, ose studimet universitare për drejtësi jashtë shtetit, dhe ka marrë një diplomë të njësuar sipas rregullave për njësimin e diplomave, të parashikuar me ligj”.

Në kërkesën e saj, drejtuar ONM-së, Sevdari shkruan se pas shkarkimit ka verifikuar kushtet e zgjedhshmërisë se Gjyqtarëve të Kolegjit të Apelimit dhe ka konstatuar si dhe vërtetuar nga verifikimet e deri tanishme, se dy nga anëtaret e Kolegjit të Apelimit nuk përmbushin kushtet e zgjedhshmërisë për të qenë gjyqtar, duke theksuar se vërtetohen kushtet e pazgjidhshmërisë dhe të papajtueshmërisë në ushtrimin e funksionit.

CNA.al kërkoi të dhënat e pasurisë së komisionerit Hajdari pranë ILDKPKI, ku rezulton se Hajdari është pronar  vetëm i një apartamenti dhe automjeti.

Madje dhe paratë që i ka deklaruar fillimisht si kursime nga puna si avokat, pasi është bërë komisioner i janë harxhuar. Nuk e specifikon se për çfarë i ka harxhuar por, të paktën nga 8 000 euro dhe 4 000 dollarë i kanë mbetur 1.39 euro dhe 0.70 dollarë.

Viti 2017 (Deklarimi fillestar)

Apartament banimi, sip 75 m2 me adresë në Shkodër. Burimi i krijimit privatizuar pjesërisht, trashëguar pjeserisht, blerë pjeserisht me dt.02.10.2009, 1/8-ta pjesë nga trashëgimtaret e tjerë në vlerë 200.000 lekë.

Autoveturë e tipit Mercedes Benz, prodhimit i vitit 1996,  blerë me dt.10.09.2007. Burimi:Të ardhura dhe kursime nga puna si avokat, në shumën 3 000 euro.

Depozitë në shumën 400.000 Lekë, çelur me 24.12.2009. Burimi: Të ardhura dhe kursime nga puna si Avokat.

LEXO EDHE:  Fundi i sezonit turistik, euro fillon të rekuperojë vlerën

Depozitë në shumën 8000 Euro çelur më 24.12.2009. Burimi: Të ardhura dhe kursime nga puna si Avokat.

Depozitë në shuma 4000 USD çelur më 24.12.2009. Burimi: Të ardhura dhe kursime nga puna si Avokat.

Llogari rrjedhëse bankare pagesash honoraresh në gjendje më 12.7.201., shuma nga pakësimi i gjëndjes cash 1,539.31 lekë Burimi: Të ardhura nga pagesat ndër vite te punës si Avokat.

Viti 2017 ( Deklarimi vjetor)

Shtesë vlerë në lekë deri me datë 31.12.2017 në masën 941,096.70 lekë.

Likuiditete këto nga pakësimi i gjendjes së akredituar të të ardhurave nga paga neto në masën 1,716,209.84 lekë.

Për subjektin: Të ardhura nga paga si Gjyqtar i Kolegjit të Posaçëm Apelimit pranë Gjykatës Kushtetues, në shumën 1 716 209 84 lekë.

Për bashkëshorten: Të ardhura nga paga si edukatore në Kopshtin “16 Shtatori” tek Drejtoria e çerdheve dhe kopshteve pranë Bashkisë Shkodër, në shumën 265 074 71 lekë.

Shtesë në vlerë në lekë nga data 12.06.2017 që është data e fillimit të punes deri me date 31.12.2017  në masën 61,214.55 lekë, shumë kjo nga pakësimi i gjendjes së kredituar të të ardhurave neto nga paga në  masën 265,074.71 lekë.

Viti 2018

Shtese vlere në lekë deri me datë 31.12.2018 në masën 2826765 lekë. Likuiditete këto nga pakësimi i gjendjes së kredituar të të ardhurave nga paga neto në masën 3854376 lekë për periudhën dhjetor 2017-Nëntor 2018.

Mbetje e shtesës së interesave të depozitës deri me datë 31.12.2018 nga shumë 400.000 Lekë në 89 290 lekë.

Mbetje e shtesës së interesave të depozitës deri me datë 31.12.2018 nga  shuma  8000 Euro në shumën 1.39 euro.

Mbetje e shtesës së interesave të depozitës deri me datë 31.12.2018 nga shuma 4000 USD në shumën 0.70 dollarë.

Të ardhura nga paga për periudhën dhjetor 2017-nëntor 2018, si Gjyqtar i Kolegjit të Posaçëm i Apelimit pranë Gjykatës Kushtetuese, në shumën 3854376 lekë.

Mbetje e shtesës së interesave të depozitës deri me date 31.12.2018 nga shuma 400.000 Leke në shumën 89 290 75 lekë.

Mbetje e shtesës së interesave të depozitës deri me datë 31.12.2018 nga shuma 8000 Euro në shumën 1.39 euro.

Mbetje e shtesës së interesave të depozitës deri me datë 31.12.2018 nga shuma 4000 USD në shumën 0.70 dollarë.

Për bashkëshorten: Të ardhura nga paga, si Edukatore ne Kopshtin Shtatori” tek Drejtoria e çerdheve dhe kopshteve pranë Bashkisë Shkodër, në shumën  530 289 lekë.

Për fëmijën madhor: Të ardhura nga paga e punës rreth një mujore në pushimet e verës tek kompania “Bit Albania” shpk Tiranë, në shumën 21 187 lekë./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Turizmi rrit vleren e lekut ndaj euros, niveli me i larte i vitit

LEXO EDHE:  I vodhën 11 mijë euro/ Zbardhet dëshmia e biznesmenit

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Euro pëson rënie historike/ Zbuloni sa u këmbye sot

LEXO EDHE:  Euro pëson rënie historike/ Zbuloni sa u këmbye sot

 

LEXO TE PLOTE
Lajme të Rekomanduara: