Connect with Us

Ironizon Berisha/ “Mungesa e Ramës, shpëtoi autostradën Arbën Xhaferi nga përdhosja”

Aktualitet

Ironizon Berisha/ “Mungesa e Ramës, shpëtoi autostradën Arbën Xhaferi nga përdhosja”

Publikuar

-

berisha

Ish kryeministri, Sali Berisha, ka komentuar mungesën e kryeminstrit, Edi Rama, në inagurimin e autostradës “Arbën Xhaferi,” që do të lidh Kosovën me Maqedoninë e Veriut.

Me tone ironike Berisha shkruan në rrjetet sociale se mungesa e Edi Ramës shpëtoi përdhosjen e një vepre kaq të rëndësishme për shtetin e Kosovës.

Postimi i plotë

Nje mungese qe shpetoi perdhosjen e nje inaugurimi te rendesishem!

Te dashur miq, inaugurimi i Autostrades Prishtine – Shkup ishte nje ngjarje tejet e rendesishme per Kosoven, infrastrukturen rrugore, zhvillimin e saj si dhe rendesine dhe bashkepunimin e saj rajonal.

Nga dje Kosova nuk eshte me ajo qe ishte. Sot, vendi qe dy dekada me pare u shkaterrua barbarisht nga hordhite e Millosheviçit, ne pak me shume se nje dekade pavaresi, ka rrjetin rrugor me modern ne rajon. Po keshtu inaugurimi i autostrades Prishtine – Shkup eshte nje ngjarje e shenuar per te gjithe rajonin pasi ajo ndryshon mbare rajonin tone. Ajo eshte tani edhe arterje e rendesishme bashkepunimi, tregtise, turizmit, mirekuptimit rajonal.

Pikerisht se ishte e tille aty merrnin pjese kryeministrat e fqinjeve te Kosoves, Maqedonise dhe Malit te Zi.

Por ne kete ngjarje te rendesishme gezimi te vertet per qytetaret e Kosoves dhe rajonit nxinte me mungesen e tij Edvin Kristaq Urrejtesi apo Edvin Kristaq Deshtimi.

Zemerzi dhe shpirt katran ai nuk mund te shkonte te uronte qytetaret e Kosoves, vellezerit tane per arritjen e tyre te madhe dhe kjo per disa arsye.

Ai nxinte dje me mungesen e tij ne gezimin e Kosoves dhe rajonit jo sepse partneret i kane kerkuar te mos fusi hundet ne punet e Kosoves, jo dhe jo. Perkundrazi, pjesemarrja ne ngjarje te tilla vleresohet lart nga mikpritesit dhe partneret tane.

LEXO EDHE:  Berisha zbulon planet e Ramës për kapjen e universitetit

Por Zografi Bis nuk shkoi dje ne ceremonine e inaugurimit sepse kete ia kerkoi miku i tij Vuçiç. Kryeministrja e ketij te fundit, ne nje akt racizmi primitiv antishqiptar do ti quante shqiptaret e Kosoves si njerez te dale nga mali duke kuptuar me kete shpellat qe Edvini perdor per banoret e veriut te Shqiperise.

Edvin Kristaq Hajni nxinte dje me mungesen e tij ne ceremonine e inaugurimit dhe ai nuk mund te shkonte aty. Kjo sepse autostarada Shkup – Prishtine me gjatesi 65,5 km me uren me te gjate ne rajon, dy tunele dhe disa ura te tjera u ndertua me nje kosto 10 milione euro kurse Edvin Hajni nderton ne Shqiperi ne mes te fushes zgjerime rrugesh me 24 milione euro apo nderton madje edhe 30 milione euro per km sic eshte rasti i 7 km te segmentit Ibe-Farke te aurostrades Tirane -Elbasan.

Edvin Kristaq Deshtimi nxinte dje me mungesen e tij dhe narkoqeveritareve te tij ne ceremonine rajonale te inaugurimit te Autostrades Prishtine – Shkup sepse kjo autostrade 65,5 km e gjate u ndertua ne 4 vjet e kater muaj nderkohe qe ai vete per shkak te vjedhjeve klamoroze ne 6 vite ne pushtet nuk ka ndertuar dot asnje km rruge. Ai ne 6 vite nuk perfundoj dot 7 km te segmentit Ibe – Farke te autostrades Tirane -Elbasan pavaresisht se jane shpenzuar deri tani ( natyrisht duke vjedhur) 30 milione euro per km.

Duke uruar dhe nje here qytetaret e Kosoves per arritjen e tyre te madhe me duhet te them se mungesa e detyruar e Zografit Bis ne ate ngjarje shpetoi ceremonine e bukur nga nje perdhosje e pamerituar. sb/CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Të dhëna të tjera për skandalin “Edvin Gate”

LEXO EDHE:  Foto-Ato që nuk duken në parlament/ Berisha batuta me Saimir Tahirin

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Sherr në sy të fëmijëve/ Drejtoresha nxjerr mësuesen nga klasa për flokësh

LEXO EDHE:  Qeveria shkaktar i përmbytjeve/ Vodhi 10 milion euro

 

LEXO TE PLOTE
Lajme të Rekomanduara: