Connect with Us

Foto- Ndarja nga jeta e Muhamet Likës/ Parodistët e Vlorës në lot dhe dhimbje

Aktualitet

Foto- Ndarja nga jeta e Muhamet Likës/ Parodistët e Vlorës në lot dhe dhimbje

Publikuar

-

Pas  ndarjes nga jeta të shokut dhe bashkëudhëtarit të tyre artistik, Muhamet Lika me të cilin kishin një jetë në skenë, Parodistët e Vlorës janë parë të mbytur në lot dhe në dhimbje.

Tashmë janë vetëm tre parodistë, Afrim Agalliu, Agron Hamo dhe Mane Lumani  pasi Muhameti u nda nga jeta ditën e djeshme nga një atak kardiak.

Shihet qartë në fotot e shpërndara në mediat lokale, ata të tre janë të rrethuar nga familjarë dhe miqë në kohën që po i bëjnë nderimet e fundit Likës në teatrin “Petro Marko” të qytetit të Vlorës. Në ceremoninë e homazheve, Afrimi, Agron dhe Maneja nuk e fshehin dot dhimbjen.

Lika u nda papritur nga jeta në moshën 64-vjeçare. Mësohet se aktori i madh i humorit, ose Meti siç e thërrisnin të gjithë miqtë, ishte tërhequr nga skena prej disa kohësht për shkak të problemeve me zemrën. Ai iu ishte nënshtruar disa ndërhyrjeve, por me sa duket artisti i madh nuk ia doli të fitonte.

Muhamet Liko lindi më 26 Qershor të vitit 1955 në qytetin e Vlorës. Daljen e parë në skenë e pati në vitin 1978, ku u bashkua së bashku me 3 parodistët e tjerë.

Parodistët e Vlorës fituan zemrat e të gjithë shqiptarëve me humorin e tyre brilant të ndërthurur edhe me këngën duke i mbijetuar brezave për vite të tëra.

Katër paraodistët Afrim Agalliu, Agron Hamo, Mane Lumani dhe Muhamet Liko u shfaqën së bashku për herë të fundit vetëm disa ditë më parë në skënën e teatrit ‘Petro Marko”. Lika duartrokiti parodistët e rinj të estradës së re në Vlorë dhe më pas u nis për kontrollin në Itali por nuk ia doli dot./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Hapja e listave në të mirë të vendit”/ Rama: Nuk ia ndalojmë koalicionet opozitës

Publikuar

-

Nga

"Hapja e listave në të mirë të vendit"/ Rama: Nuk ia ndalojmë koalicionet opozitës

Kryeministri Edi Rama ka reaguar vetëm pak minuta pas deklaratës së Presidentit Ilir Meta, i cili doli kundër ndryshimeve kushtetuese dhe tha se vetëm 82 deputetë janë legjitimë në Kuvend.

Në një postim në rrjetet sociale, Rama deklaron se do të zbatojë çdo pikë të marrëveshjes së arritur më 5 qershor, ndonëse e paralajmëron sërish opozitën se sharjet dhe fyerjet rrezikojnë këtë marrëveshje.

Kreu i qeverisë i thotë Metës se Parlamenti është sovran dhe vendos vetë, ndërsa ironizon duke theksuar se askush nuk do t’i ndalojë koalicionet parazgjedhore.

“Shoh agjitim në radhët e opozitës jashtëparlametare dhe asaj presidenciale për hapin e hedhur sot në Kuvend drejt hapjes së listave! Jashtëparlamentares i kujtoj se kemi një marrëveshje e do ta zbatojmë në çdo pikë, po kjo s’do të thotë që sharjet e provokimet nuk e rrezikojnë…

Presidenciales i kujtoj se Kuvendi është sovran, i dëgjon të gjithë po vendos vetë! Dhe hapja e listave për t’i dhënë mundësi edhe qytetarëve e jo vetëm kryetarëve të zgjedhin deputetë, si dhe garantimi i përfaqësimit të grave në kushtet kur listat hapen, i bëjnë mirë vendit…

As Jashtëparlamentarja, as Presidencialja s’duhet të merakosen për fatin e koalicioneve parazgjedhore, sepse askush nuk do t’i ndalojë të vazhdojnë ta ndajnë ombrellën e opozitës së bashkuar edhe në zgjedhje! Taksirat ta ndjekin parlamentin që e duan s’e duan është vendimmarrësi!”, shkruan Rama./ CNA.al

LEXO TE PLOTE

Politikë

Tit Vasili jep ultimatumin/ Harrojeni se do vidhni zgjedhjet, votoni dokumentin e 5 qershorit

Publikuar

-

Nga

Nënkryetari i LSI-së, Petrit Vasili i bën thirrje parlamentit të votojë një orë e më parë marrëveshjen e 5 qershorit, të dakordësuar në prani edhe të ndërkombëtarëve. Në një status në FB, Vasili dekalron se lëvizjet e fundit për ndryshime kushtetuese nuk do të kenë fryt. Ai nxjerr edhe dokumentin e 5 qershorit të firmosur nga palët.

“Boll u perdrodhët!!(Dokumenti). Ja ku e keni marreveshjen e 5 qershorit me emer mbiemer e firmat tuaja. Firmosur ne prani te ambasadores Amerikane Yuri Kim, Ambasadorit te BE Luigi Soreka dhe Ambasadorit te Britanise se Madhe Dunkan Norman. Shkoni votoni 5 qershorin se u bete turpi i botes.

Harrojeni se do vidhni zgjedhjet ne tavoline. Harrojeni se do te beni dot çiflig Shqiperine. Harrojeni se do te ktheni izolimin komunist te shqiptareve te para viteve 90′. E izoluat Shqiperine nga Europa me pandemine, qe e administruat per faqe te zeze, tani doni ta izoloni edhe politikisht dhe ekonomikisht. Ja Dokumenti i 5 qershorit me firmat tuaja(foto)”, shkruan Vasili. /CNA.al

Marrëveshja e 5 qershorit e dakordësuar nga palët për Reformën Zgjedhore

 

LEXO TE PLOTE

Politikë

Betohet para Metës anëtarja më e re e SPAK, Manjola Kajana

Publikuar

-

Nga

Betohet para Metës anëtarja më e re e SPAK, Manjola Kajana

Betohet në Presidencë anëtarja më e re e Prokurorisë së Posaçme kundër Korrupsionit dhe Krimit të Organizuar (SPAK), Manjola Kajana.

Pas ekzekutimit të himnit kombëtar dhe leximit të vendimit të Këshillit të Lartë të Prokurorisë, duke vendosur dorën mbi Kushtetutën e Shqipërisë, Prokurorja Manjola Kajana u betua para Presidentit të Ilir Meta.

“Betohem solemnisht se gjatë kryerjes së detyrës do t’i qëndroj kurdoherë besnik Kushtetutës së Republikës të Shqipërisë, ligjeve në fuqi dhe do të respektoj rregullat e etikës profesionale!”, tha Kajana.

Presidenti Meta i uroi suksese dhe punë të mbarë prokurores së Prokurorisë së Posaçme kundër Korrupsionit dhe Krimit të Organizuar, duke i kërkuar të ushtrojë detyrën në mënyrë profesionale dhe të pavarur, duke iu bindur vetëm Kushtetutës dhe ligjeve të Republikës së Shqipërisë.

Në ceremoninë e betimit ishin të pranishëm edhe Kryetari i Këshillit të Lartë të Prokurorisë, Gent Ibrahimi, si dhe Kryetari i Prokurorisë së Posaçme kundër Korrupsionit dhe Krimit të Organizuar, Arben Kraja./ CNA.al

LEXO TE PLOTE