Connect with Us

Nga Azgan Haklaj/ Fati i Ramës si i Ballaban Pashës nën muret e Krujës!

Aktualitet

Nga Azgan Haklaj/ Fati i Ramës si i Ballaban Pashës nën muret e Krujës!

Publikuar

-

Edi Rama në sytë e shqiptarëve dhe ndërkombëtarëve është tashmë një kufomë poitike, një simbol i antishtetit, e përtej kësaj një njeri i zvetënuar nga vlerat themelore politike, morale, njerëzore dhe humane.

Nëse kryeministrat e Anglisë dhe Austrisë, perandorive simbol të demokracisë dhe qytetërimit dhanë dorëheqje për një të mijëtën e mëkateve të Ramas, ky Haxhi Qamil i shekullit të 21-të ka vendosur ti shkojë deri ne fund marrëzisë së tij.
Por këtë betejë do ta humbasë në përballjen biblike me Opozitën e Bashkuar dhe populin shqiptar.

Rama kjo fantazmë e poitikës kërkon të ngrihet nga varri ashtu si Kostandini dhe të sjellë në pushtetin vendorë, këtë herë pa opozitën karrikaturën e shëmtuar të Dorëntinës e “Rilindjen” e tij kriminale, këtë shtrigë të zezë që thith për çdo ditë gjakun e shqiptarëve, duke e kthyer Shqipërinë nga një zonjë të rëndë, siç thoshte Pashko Vasa në një plakë të rreckosur, të thinjur e të kërrusur nga hallet e mjerimi, ashtu si nëna e poemës migjeniane të mjerimit.

Nuk është hera e parë në historinë tonë të vjetër dhe të re që Kombi Shqiptar është përballur me bijtë e tij pangëprishës e renegatë.
Në lashtësi kjo i ka ndodhur Mbretëreshës Teuta me gjeneralin tradhëtar Dhimitër Farin.

Në Mesjetë Gjergj Kastrioti është përballur me Hamzain dhe Moisi Golemin.
Në Epokën e Lidhjes së Prizrenit, Imer Przreni, Sylejman Vokshi, Ahmet Koronica, Ali Ibra e patriotë të tjerë sëbashku me malësorët trima të Veriut Shqiptarë i treguan vendin Abdullah Pashë Drenit dhe marshallit turk Mehmet Ali Pasha, të cilët guxuan të burgosnin parinë shqiptare e të nxirrnin në ankand trojet tona etnike.

Të njëjtin fat pati edhe Haxhi Qamili e Esat Pasha në periudhën e Luftës Parë Botërore që shembi katër perandori dhe Shqipëria ndonëse e coptuar i mbijetoj lakmisë së fqinjëve grabitqarë, të cilët në Konferencën e Paqes në Paris, 100 vjet më parë donin ta fshinin nga harta politike e botës.

Konferenca e Paqes së Parisit çertifkoi Perandorinë Sovjetike dhe të Mbretërinë e përgjakshme Serbo-Kroato- Sllovene dhe mbajti gjallë endrrat e shovinistëve grekë për Vorio- Epirin, të ideuar nga Protokolli Korfuzit.

As Diktatori Hoxha, babai shpirtëror i Ramës nuk ka guxuar të bëjë në 1945 zgjedhje pa opozitën siç mendon ti bëjë Edi Rama me 30 qershor.

Ai sajoi votimin me kokrra llastiku në kutitë teneqe, ndërsa Rama nuk denjon ta shohë opozitën as në parlament, as në votim, e pertej këtyre as në demonstratat paqësore, të cilat janë themeli i demokracisë dhe garanti i lirive dhe të drejtave të njeriut.
Enver Hoxha pushkatoi grupin e deputetëve të Opozitës në vitin 1946 dhe burgosi disidenten dhe shkrimtaren Musine Kokalari.

Sot në në një vend demokratik në Suedi mbesa e saj u zgjodh anëtare e Parlamentt Europian.
Dje me urdhër të Edi Ramës prokuroria politike mori nën akuzë të fabrikuar 6 deputet të opozitës të cilët protestuan kundër arrestimit dhe dhunës mbi qindra protestues të pafajshëm të opozitës.

Ashtu si Enver Hoxha e kishte shpallur tradhëti kombëtare kalimin e kufirit drejt Botës së lirë, e për këtë akt të dënonte me vdekje, Rama ka guxuar të shpallë tradhëtare Opozitën, e cila me një akt sublim dorëzoi mandatet me kerkesën e popullit opozitar që i kishte votuar.

Rama kërkon ta pushkatojë politikisht opozitën duke e zëvendësuar atë me një opozitë fasadë, të kontrolluar prej tij, në fakt me dt 30 qershor Ai, do të ia kthejë vehtes koburen, të cilën e ka mbushur për Opozitën dhe qindramijra shqiptarët që besojnë tek Kauza e saj, tek zgjedhjet e lira, Shteti i së Drejtës dhe Shqipëria Europiane.

Shqiptarët kanë një shprehje të mençur “Kush vret veten shkon gjak hupur”.
Kjo për arsyen se në Librat e Shenjtë, në Bibel e Kuran ndalohet një akt i tillë.

Një gjë është është e qartë si drita e Diellit:
Me 30 qershor nëse Ai, Edi Rama ka vendosur të përplaset me murin prej graniti të popullit të udhëhequr nga Opozita e Bashkuar me në krye Lulzim Bashën nuk do të ketë fat ma të mirë se ai i Ballaban Pashës nën muret e Krujës.

Nëse në dhjetra mitingje madhështore të Opozitës shqiptarët dhe ndërkombëtarët kanë parë slloganin “Rama Ik,” të cilin ai e ka lexuar për së mbrapshti, përballja finale e 30 qershorit do të ketë kryeslloganin;
Rama rri po ta mbajti!/CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE