Connect with Us

“The Act”/Seriali tronditës i bazuar në një histori të vërtetë krimi, në listën e filmave më të mirë

Aktualitet

“The Act”/Seriali tronditës i bazuar në një histori të vërtetë krimi, në listën e filmave më të mirë

Publikuar

-

Filmat dhe serialet e bazuar në histori të vërteta njerëzore janë gjithnjë më intriguesit, pasi audienca vazhdimisht përpiqet të përfytyrojë përjetimet e personazheve në ekran, pa lehtësinë që të ofron fjalia “është thjesht një film”.

Por në serialin me 8 episode “The Act”, të prodhuar nga “Hulu” dhe të shfaqur në ekran për herë të parë në mars të 2019-ës, ndjesia është tërësisht e ndryshme, pasi vetëm ideja se e gjitha kjo histori mund të ketë ndodhur në realitet të ngre qimet përpjetë.

Seriali trajton jetën e Dee Dee Blanchard, një nënë beqare e cila ka hequr dorë nga gjithçka, për t’u kujdesur për vajzën e saj të sëmurë, Gypsy Rose, e cila gjithashtu është personazh kryesor në serial. Në serial, Gypsy Rose paraqitet si një vajzë adoleshente me zhvillim të vonuar dhe me probleme të mëdha shëndetësore si kanceri, paraplegjia, epilepsia, alergjia nga sheqeri, etj.

Deri këtu, kushdo mund të mendojë se bëhet fjalë për një histori të trishtë dramatike të një familjeje me probleme, derisa në fund të episodit të parë, fillojnë të dalin detajet e para të një historie thuajse të pabesueshme, që në fakt është dëshmuar nga vetë Gypsy Rose në jetën reale dhe nga familjarët e fqinjët e dyshes nënë e bijë.

LEXO EDHE:  Sot në serialin "Lule të vetmuara"/ Xhemre merr një dhuratë nga Gokhani pas vdekjes së tij

Në serial, dalëngadalë fillon të dalin në sipërfaqe serkretet e errëta të familjes Blanchard dhe zbulohet se në fakt, Gypsy Rose nuk është aspak e sëmurë, por e ëma e saj, vuan nga sindroma “Munchausen by proxy”, një çrregullim mendor që konsiston në trillimin e problemeve shëndetësore të personave/kafshëve shtëpiake që janë nën kujdesin e personit që vuan nga kjo sindromë, në mënyrë që ky i fundit t’i mbajë nën kontroll.

Kështu, si në serial e ashtu edhe në realitet, Dee Dee Blanchard e trajton të bijën si të sëmurë duke e detyruar të lëvizë vetëm me karrocë paraplegjikësh, duke i rruar kokën që ta bënte të dukej si e sëmurë me kancer dhe duke e ushqyer nëpërmjet një tubi.

Gypsy Rose dhe Dee Dee Blanchard në jetën reale

Teksa fillojnë të dalin në pah abuzimet psikologjike dhe fizike të së ëmës, vetë Gypsy Rose, e cila si në realitet ashtu edhe në film mendon se është një vajzë e vogël por në fakt është në fillim të të 20-ave, fillon të dyshojë tek e ëma pasi fillon të kuptojë se ajo në fakt nuk vuan nga gjithë sëmundjet që mendonte se vuante.

Pasi krijon miqësi me fqinjën e saj e cila i flet për herë të parë për tematikat e moshës si djemtë dhe lidhjet, Gypsy përfshihet në rrjetet sociale dhe nis të flasë me një djalë të quajtur Nick (që vuan nga çrregullimi i personalitetit të dyfishtë), i cili më tej shndërrohet në të dashurin e saj dhe nis të eksperimentojë erotizmin dhe BDSM.

Dyshja mban për dy vite një lidhje në distancë dhe pas torturave të nënës problematike të Gypsy-t e cila nis të nuhasë diçka dhe dëshirës së çiftit për të qenë bashkë dhe të lirë, thuret një plan djallëzor.

Në një episod që të lë frymën pezull, vajza e vogël dhe e pafajshme me zërin fëminor Gypsy Rose dhe i dashuri i saj Nick me portretin e frikshëm, organizojnë vrasjen makabre të Dee Dee Blanchard. Siç rrëfehet dhe në dokumentarin “Mommy Dead and Dearest” të bazuar mbi të njëjtën histori të 2015-ës, e ëma e Gypsy Rose u gjet e pajetë nga fqinjët e saj disa ditë pasi ishte vrarë nga Nick, i dashuri i së bijës.

Vajza të cilën të gjithë e dinin të sëmurë dhe me aftësi të kufizuara u gjet nga policia shëndoshë e mirë së bashku me të dashurin disa ditë më pas dhe u vunë në pranga. Nick Godejohn u dënua me burgim të përjetshëm për vrasje ndërsa Gypsy Rose, u dënua me 10 vite burg dhe është ende në qeli për atë që është cilësuar si një nga historitë kriminale më të pabesueshme të viteve të fundit.

Gypsy Rose dhe Nick Godejohn pas arrestimit nga policia

Falë historisë rrënqethëse, realizimit mbresëlënës nga ana regjisoriale dhe lojës së shkëlqyer aktoriale nga Patricia Arquette, Joey King dhe Calum Worthy, “The Act” të fut jo vetëm në shtëpinë rozë të familjes Blanchard ku ka gjithnjë një qetësi të frikshme, por në kokat e secilit prej personazheve duke të mbajtur praktikisht të gozhduar para ekranit me dëshirën për të mësuar më shumë./Burimi:icon

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Kryetarja e KLGJ, Naureda Llagami takohet me Olsian Çela/ Zbulohet çfarë u bisedua

Publikuar

-

Nga

Kryetarja e Këshillit të Lartë Gjyqësor (KLGJ), Naureda Llagami ka zhvilluar sot një takim me Prokurorin e Përgjithshëm, Olsian Çela.

Gjatë këtij takimi, të dy titullarët e institucioneve diskutuan për çështje të rëndësisë së përbashkët, mbarëvajtjen e sistemit gjyqësor, dhe më veçanërisht mbi propozimin e hartuar nga grupi ndër-institucional i punës për miratimin e hartës së re gjyqësore.



Gjatë këtij takimi, të dy titullarët e institucioneve diskutuan për çështje të rëndësisë së përbashkët, mbarëvajtjen e sistemit gjyqësor, dhe më veçanërisht mbi propozimin e hartuar nga grupi ndër-institucional i punës për miratimin e hartës së re gjyqësore. Projekti i hartës së re gjyqësore, i dërguar tashmë pranë Ministrinë e Drejtësisë, afekton edhe punën dhe veprimtarinë e zyrave të prokurorisë.

LEXO EDHE:  Sot në serialin “Lule të vetmuara”/ Xhemre merr një dhuratë nga Gokhani pas vdekjes së tij

LEXO EDHE:  Sot në serialin “Lule të vetmuara”/ Vajzat surprizojnë Feriden

Në njohje të plotë të situatës dhe humbjeve të burimeve njerëzore si në gjykata dhe në prokuroritë e të gjithë vendit, Prokurori i Përgjithshëm shprehu dakordësinë e tij në parim për miratimin dhe zbatimin e këtij dokumenti dhe kjo në funksion të rritjes eficencës dhe kapaciteteve njerëzore në sistemin gjyqësor dhe atë prokuroria./CNA.al

LEXO TE PLOTE

Politikë

“Pushteti i dhuruar nga lideri, nuk i bën gratë të pushtetshme”/ Beqiraj “thumbon” Ramën

Publikuar

-

Nga

Ish zëvendësministrja e Financave, Irena Beqiraj ka “thumbuar” zgjedhjen e kryeminitrit Edi Rama për të vendosur në poste sa më shumë ministre femra, gjatë këtij mandati qeverisës.

E ftuar në Syti Tv, Beqiraj ka deklaruar se gruaja që ta ushtrojë pushtetin duhet ta ketë fituar së pari atë.

Ajo ka theksuar se femrave që u jepet pushteti si dhuratë janë thjesht në ‘menu’.



“Margaret Thatcher ka një mendim shumë të bukur, dhe shumë të drejtë dhe unë e kam provuar vetë, për gratë që hipin, marrin pushtet. Thotë: Gruaja që ta ushtrojë pushtetin e saj, duhet ta ketë fituar vetë, ndryshe, pushteti i jepet grave të papushtetshme.

Nëse do ta bija në një lloj kohezioni me Trump, një nga këshilltaret e tij, që shkrojti dhe një libër, thoshte që: në politikë ka dy vende, ose je rreth tavolinës, ose je në menu.

Kryesisht grave që u jepet pushteti, janë në menu”, tha Beqiraj./ CNA.al

LEXO TE PLOTE

Aktualitet

Me shpejtësi ‘skëterrë’ në rrugë/ Policia ndëshkon shoferët e ‘pabindur’, ja sa gjoba u vendosën

Publikuar

-

Nga

Vijojnë në të gjitha rrugët e vendit, qendrat urbane dhe rurale, kontrollet intensive nga Policia Rrugore, me radarë, makinën inteligjente, dronë, mjete të paloguara, kamera, aparate fotografike e alkooltestues, me qëllim parandalimin e aksidenteve rrugore.

Si rezultat i kontrolleve gjatë 72 orëve të fundit, janë konstatuar përsëri shumë drejtues mjetesh që kanë tejkaluar shpejtësinë më shumë se limiti i lejuar dhe drejtues mjetesh që kanë drejtuar mjetet nën efektin e alkoolit apo në gjendje të dehur.

Gjithashtu, gjatë 3 ditëve të fundit, si rezultat i përdorimit të makinës inteligjente në akse rrugore me risk e në vende të cilësuara si njolla të zeza, janë vendosur 2134 masa administrative, për shpejtësi tej normave të lejuara, për mosvendosje të rripit të sigurimit dhe për përdorim të celularit gjatë drejtimit të automjetit.

👉Janë arrestuar në flagrancë 15 drejtues mjetesh dhe motomjetesh, nga të cilët 9 për drejtim mjeti pa leje drejtimi dhe 6 për drejtim mjeti në gjendje të dehur.



👉Janë pezulluar 75 leje drejtimi, nga të cilat 41 për shpejtësi mbi normat e lejuara, 30 për drejtim mjeti nën efektin e alkoolit apo në gjendje të dehur dhe 4 për qarkullim në sens të kundërt.

LEXO EDHE:  Shqiptarët çmendeshin pas Zhades/ Ja si duket ylli i telenovelave sot

LEXO EDHE:  Mbi 50 njerëz të vrarë/ I mbijetuari tregon historinë 20 vjet pas masakrës në Suharekës

👉Janë ndëshkuar me masë administrative, në të gjithë vendin, nga shërbimet e Policisë Rrugore, 2421 drejtues mjetesh, për shkelje që sjellin pasoja në jetën dhe shëndetin e përdoruesve të rrugës, konkretisht për parakalime të gabuara, manovra të rrezikshme në rrugë, drejtim mjeti nën efektin e alkoolit, mospërdorim të rripit të sigurimit, përdorim të celularit gjatë drejtimit të automjetit, për shpejtësi tej normave të lejuara (pa sanksionin plotësues të pezullimit të lejes së drejtimit), për mosvendosje të kaskës mbrojtëse nga drejtuesit e motomjeteve dhe për parkime të gabuara, që bllokojnë lëvizjen e lirë të këmbësorëve, etj.

Policia e Shtetit apelon për të gjithë drejtuesit e automjeteve, vendas dhe të huaj, që të zbatojnë me rigorozitet sinjalistikën rrugore, pasi në të gjitha rrugët e vendit ka radarë📹📸 dhe prezencë të Policisë Rrugore🚔👮🏻, të pajisur edhe me dronë, dragera📟, kamera 📹 e aparate fotografike.

Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe reagim të shpejtë e profesional.

LEXO TE PLOTE