Connect with Us

Pesë shtëpi dhe dy makina/ Suela Zhegu e akuzuar për grabitje dhe mashtrim

Aktualitet

Pesë shtëpi dhe dy makina/ Suela Zhegu e akuzuar për grabitje dhe mashtrim

Publikuar

-

Me 17 Qershor 2017, Kuvendi miratoi me 100 vota pro,  dy kundër dhe pesë abstenime, listën me 27 anëtarët e Komisionit të Vettingut.

Një ndër emrat që mori “ok” e Kuvendit ishte dhe Suela Zhegu, e cila është pjesë e Komisionit të Pavarur të Kualifikimit.

Zhegu u zgjodh, pavarësisht se ishte raportuar në media për probleme me ligjin.

Zhegu e cila  është akuzuar nga familjarë të saj për mashtrim po heton gjyqtarët dhe prokurorët.

Ky është një skandal që vetëm në Shqipëri mund të ndodhë. Kësaj situate i shkon përshtat shprehja “hajduti thërret kapeni hajdutin”.

Në redaksinë e CNA.al, një vit më parë mbërriti një denoncim për komisioneren Suela Zhegu.

Kjo e fundit akuzohet nga kunata e saj për mashtrim me dyshimin se ka përfituar pasurinë e vëllait të saj, pasi ai ka humbur jetën.

                                                            Anida Ademi

Kunata, Anida Ademi, ka thënë për CNA.al  se u është  drejtuar organeve gjyqësore që Suela Zhegu (Limka) t’u kthejë paditësve, fëmijëve të mitur të vëllait të saj të ndjerë, pasurinë trashëgimore, të përfituar përmes mashtrimit.

Çështja ka kaluar në Prokurori, por  duket se për shkak të pozicionit që mbart, s’ka prokurorë  që ta marrë përsipër këtë hetim dhe  as gjyqtarë që të japin vendim.

“Tmerrohem  kur shikoj fytyrën e saj që gjykon gjyqtarë të mirë, me eksperiencë por dhe që kanë pasuri, po që të mbash lekët për një kafshatë të dy jetimëve, të nipërve të saj, e bën ajo  që është më e fëlliqura, dhe që të tillë s’ka për të parë rruzulli tokësor”,  është shprehur Anida Ademi

Më herët është raportuar se historitë e mashtrimit me qëllim përfitimi të Suela Zhegut dhe bashkëshortit të saj e nuk përfundojnë këtu, por vijojnë edhe ndaj një kreditori të njohur si ndërtues, si rrjedhojë e moszbatimit të kontratës së huasë, kjo bazuar në Vendimin Nr. 824, date 13.04.2016 të Gjykatës së Apelit Tiranë.

 CNA.al ka bërë një vëzhgim të pasurisë së saj, sipas të dhënave trë marra nga ILDKPI, përgjatë tre viteve që Zhegu ka bërë deklarimin.

Zhegu deklaron se ka katër apartamente dhe një shtëpi që thotë se e ka trashëgimi,  dy automjete, pasuri të patundshme si tokë ullishte, me sipërfaqe 1875 m2 në  Tiranë

Njëri nga apartamentet dhe pikërisht atë që ka në Durrës, kunata e Zhegur Anida Ademi, ka thënë se i pëket bashkëshortit të saj, pra vëllait të Zhegut. Bëhet fjalë për një apartament banimi me sipërfaqe 75.21 m2 në Durrës, që Zhegu deklaron se e ka blerë në 09.08.2007 në bashkëpronesi me bashkëshortin, në shumën 35 789 euro.

Kunata e saj Amida Ademi, pretendon se Zhegu, pas vdekjes së vëllait, pasurinë dhe paratë e tij i ka kaluar në emër të nënës dhe jo në emër të fëmijëve të vëllait.

Kështu në emër të nënës ajo, sipas Ademit, ka tërhequr të gjitha paratë, që vëllai i saj i ndjerë ka pasur në bankë.

“Kam shkuar në shtëpinë e Suela Zhegut. Jam  ulur në tavolinë në mënyrë njerëzore.  I kam thënë se ku janë lekët e Arjanit (vëllai të Suelës), por ajo përtypej dhe nuk jepte përgjigjje. Vajza e saj i ka thënë, se përse nuk ia jep, janë të tyret. Unë, atëherë i kam thënë, se do t’i drejtohem organeve te drejtësisë. Më pas, ajo ka shkruar një letër duke iu drejtuar fëmijëve,  se halla juaj, do t’ju jap apartamentin  në Durrës.  Ky apartament i takonte  burrit tim, por ajo tha që po e shita do t’ju jap 20.000 lekë. Kam tre vjet dhe asgjë nuk ka ndodhur. Nuk  zgjidhet çështja ime, e cila  ka të bëjë me vjedhje banke, ndërkohë që edhe kjo e fundit ka heshtur”, ka treguar ndër të tjera Anida Ademi në një intervistë për CNA.al, dhënë një vit më parë.

LEXO EDHE:  Kandidati për kryeprokuror përballë KPK/ Ja kur mbahet seanca për Olsian Çelën

Më poshtë po sjellim, pasurinë deklaruar nga Suelza Zhegu, e cila ndërsa akuzohet për mashtrim, jep vendime për gjyqtarë dhe prokurorë.

Deklarata fillestare 2017

Apartament banimi, sip.85.21m2, Tiranë, blerë me datë 19.03.2004.

Burimi i krijimit: Kursime nga paga dhe shpërblime për periudhën 1996-2017 si dhe te ardhurat e bashkëshortit si arkitekt-projektues-zbatues, aktivitet privat nga 1992 — 2017.  Vlera 46 865 euro.

Apartament banimi, sip. 64.1 m2,  me vlerë 32 000 euro

Apartamenti banimi me. sip. 75.21 m2 në Durrës që kushton 35 789 euro.

Apartament banimi, sip. 69.27m2, në bashkëpronësi me bashkëshortin, blerë me 19.03.2007, në shumen 30.000 euro. Burimi i  krijimit: Kursime nga paga dhe shpërblime për periudhen 1996-2017 si dhe të ardhurat e bashkëshortit si arkitekt-projektues-zbatues, aktivitet privat nga 1992 — 2017.

Makinë Ford, prodhim i vitit 2004, blerë në Janar 2005, në shumën 14.800 euro.

Burimi: Kursime të familjes 4800 euro kesh, shlyer me kredi 10.000 euro.

Makinë Toyota, prodhim i vitit 2000, blerë me 31.07.2009. Burimi i krijimit: Kursime nga paga dhe shpërblime për periudhën 1996-2017 si dhe të ardhurat e bashkëshortit si arkitekt-projektues-zbatues, aktivitet privat nga 1992 — 2017.  Ndërsa vlera me numra thuhet se është 5 500 euro, ndërsa është shkruajtur  shtatë mijë e 500 euro.

Tokë ullishte, me sipërfaqe 1875 m2, Tiranë, sipas certifikatës së pronësisë me nr. pasurie 96/3, datë 22.06.2009, bazuar në kontratën e shitblerjes, çmimi i blerjes është 1000 lek/m2, përkthyer në lekë shkon 1 875 000 lekë.

Llogari  e hapur me datë 23.02.20005, Gjendja me 17.06.2017, 2002 lekë.

Llogari e hapur ne date 19.05.2011, Gjendja me 17.06.2017, 71.57  euro

Kartë krediti në euro, e hapur ne 03.06.2016. Gjendja është 300 euro.

Gjendja e llogarisë në shumën 13 77 euro.

Gjendja e llogarisë në shumën 1 483 087 lekë.

Kredi për pagesen e shkollës private të vajzës. Marrë në gusht 2016. në shumën 500.000 lek. Gjendja e detyrimit me 17.06.2017 është 453.157 Iek.

Kredi në qarkullim 2.900.000 lekë.

Shumë e pashlyer kredie në vlerën 5 000 000 lekë.

Bashkëshorti deklaron, shtëpi banimi e trashëguar nga prindërit, me si 225 m2, me sip.ndërtimi 150m2, Tiranë, e rikonstruktuar në vitin 2000. Shtesat e ndërtuara në proces legalizimi. Burimi i krijimit: Të ardhurat nga shitja e një lokali bar – restorant.  Vlera 6 000 000 lekë.

Apartament banimi me sip. 75.21 m2 në Durrës, blerë në 09.08.2007. në bashkëpronesi me bashkeshorten. Vlera 35 789 euro.

Të ardhura si konsulent dhe ekspert urbanist nga 1 janari deri me 17.06.2017, në shumën 88 000 lekë.

Qira nga apartamenti nga 1 janar deri me 17.06.2017, në shumën 150 000 lekë.

Viti 2017

Të ardhurat nga paga 17.06.2017-  3 1.12.2017, në shumën 1 864 552 lekë.

Gjendja e llogarisë me datë 31 dhjetor 2017, në shumën 1 949 lekë.

Llogari hapur më  date 23.02.20005, gjendja me 31.12.2017 në shumën 1 503 lekë.

Gjendja e llogarisë me 31.12.2017 , në shumën, 2.14 euro.

Të ardhurat e bashkëshortit si ekspert ndërtimi në shumën,  210 000 lekë.

Viti 2018

Të  ardhurat nga paga dhe shperblim neto 1 Janar- 31 Dhjetor 2018 Pagesa per rimbursim pasaporte 7 500 Iekë. Vlera në total 3.536 564 lekë.

Gjendja e llogarisë me datë 31 dhjetor 2018, në shumën 37 214 lekë.

Gjendja e llogarisë me datë 31.12.2018 në shumën 1 008 euro.

Të ardhura nga bashkëshorti në shumën 324 000 lekë.

Gjendja e llogarisë së bashkëshortit në shumën 303 350 00 lekë./CNA.al

Denoncim/ Anëtarja e Komisionit të Vettingut akuzohet për mashtrim

Skandali me Komisioneren e Vettingut/ Pse hesht PD për Suela Zhegun?

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Po lahej në det/ Shpëtohet nga mbytja fëmija në Velipojë

Publikuar

-

Nga

Po lahej në det/ Shpëtohet nga mbytja fëmija në Velipojë

Policia Kufitare e Shkodrës, ka shpëtuar nga mbytja një fëmijë, i cili po lahej në plazhin e Velipojës.

Fëmija ishte future në det me komordare, dhe prindërit ishin në çadër, por pas rreth 40 minutash, ato kanë parë fëmijën shumë metra larg, në thellësi të detit.

Më pas është njoftuar Policia e Kufirit, të cilët kanë mbërritur menjëherë dhe kanë sjellë në breg vogëlushin.

LEXO TE PLOTE

Kronika

Sherr me thika mes të rinjve në Durrës/ Plagoset 19 vjeçari

Publikuar

-

Nga

Sherr me thika mes të rinjve në Durrës/ Plagoset 19 vjeçari

Një 19 vjeçar ka mbetur i plagosur me thikë pasditen e sotmë në Durrës.

Ngjarja ka ndodhur në Hamallaj, ku pas një konflikti për motive të dobta, shtetasi me inicialet A. B., ka lënduar me mjet thikë shtetasin me inicilalet S. G., 19 vjeç.

Durrës/Informacion paraprak

Më datë 24.07.2021, në orën 16:20, dyshohet se pas një konflikti për motive të dobëta shtetasi A. B., ka lënduar me mjet prerës (thikë), shtetasin S. G., 19 vjeç, banues në Hamallaj, Durrës, i cili ndodhet nën kujdesin e mjekëve.

LEXO EDHE:  Kandidati për kryeprokuror përballet me Vettingun/ Jepet vendimi për Olsian Çelën

LEXO EDHE:  VETTINGU/ Fatos Lulo iku, kush e ka radhën? Emrat në listën e KPK

Shërbimet e Policisë vijojnë krehjen e zonës për kapjen e autorit të dyshuar.

Grupi hetimor po punon për zbardhjen e rrethanave të ngjarjes.

LEXO TE PLOTE

Kosova & Rajoni

Shumë shkelje nëpër hidrocentrale, por asnjë veprim ndaj tyre

Publikuar

-

Nga

Ndërtimi i hidrocentraleve në Kosovë është përcjellë me shkelje dhe tejkalime të shumta ligjore, si dhe dëmtime të rrjedhës së lumenjve, e shpeshherë objektet e hidrocentraleve janë ndërtuar në prona publike.

Këto janë disa nga gjetjet e një raporti të hartuar nga një grup punues i formuar nga Ministria e Mjedisit, Planifikimit Hapësinor dhe Infrastrukturës.

Në këtë raport, që para pak ditësh i është dorëzuar ministrit të Mjedisit, Liburn Aliu, e të cilin e ka siguruar Radio Evropa e Lirë, janë shqyrtuar të gjitha procedurat administrative të zbatuara për hidrocentrale si dhe ndikimi i tyre në ujëra dhe mjedis.

Raporti rekomandon që të ndërpritet operimi i të gjitha hidrocentraleve që operojnë pa leje mjedisore, si dhe të hetohen të gjithë zyrtarët për shkeljet ligjore, që kanë karakterizuar ndërtimin dhe operimin e hidrocentraleve.

Grupi punues po ashtu kërkon që të shfuqizohen të gjitha aktet e lëshuara në kundërshtim më ligjin, si dhe vendosjen e një moratoriumi për ndërtimin e hidrocentraleve të reja, deri në miratimin e planeve për menaxhimin e pellgjeve lumore.

Në rast se gjetjet e raportit merren parasysh nga Qeveria, atëherë shumica e hidrocentraleve do të jenë të obliguara që për një afat të pacaktuar, të ndalin punën e tyre.

Hidrocentralet e Deçanit me shumë shkelje

Prej kohës kur filloi ndërtimi i hidrocentraleve në atë që njihet si Gryka e Deçanit, pati kundërshtime të banorëve të zonës, mirëpo kjo nuk i pengoi institucionet, e as autoritetet lokale që të lejojnë ndërtimin e tyre.

Për hidrocentralet që ndodhen në rrjedhën e Lumëbardhit në Deçan, në raportin e grupit punues, konstatohet se përveç që është dëmtuar rrjedha e lumit dhe nuk është respektuar minimumi ekologjik, po ashtu kanë ndodhur shkelje ligjore në ndërtimin e objekteve të hidrocentraleve.

Deçani kërkon riparimin e ambientit të shkatërruar nga hidrocentralet

“Ndërtesat e dy HC (Lumëbardhi II dhe Belaja), janë ndërtuar në pronë ujore në afërsi të drejtpërdrejtë të lumit, në kundërshtim me Ligjin për Ujërat (neni 48) 12, që përcakton distancën prej minimum 30 metra për ndërtimin e objekteve nga vija e plotave (ujërat 100-vjeçare)”, thuhet në raport.

Kundërligjore te këto hidrocentrale ka rezultuar të jetë edhe një marrëveshje për shfrytëzim të tokës pyjore që kompania Kelkos Energy, kishte nënshkruar me Agjencinë e Pyjeve të Kosovës.

Sipas raportit, shpeshherë, hidrocentralet kanë bërë ndërhyje në projekt pa pëlqimin e Ministrisë.

“Në HC “Lumëbardhi II” janë bërë ndryshime në projekt pa pëlqimin e Ministrisë, siç kërkohet me vendim për leje ndërtimore”, thuhet në raport.

Grupi punues po ashtu gjen se kompania Kelkos Energy, në mënyrë të jashtëligjshme ka bërë eksploatimin e zhavorrit nga lokacioni që njihet si Zalli i Rupës.

Dy nga hidrocentralet e Deçanit, “HC Deçani” dhe “HC Belaja”, janë ndërtuar brenda Zonës së Veçantë të Mbrojtur të Manastirit të Deçanit.

Sa u takon hidrocentraleve të Decanit, grupi punues i ka rekomanduar Ministrisë së Mjedisit, Planifikimit Hapësinor dhe Infrastrukturës, të obligojë kompaninë Kelkos Energy, që mes tjerash të kushtëzohet me lëshimin e lejes mjedisore për ndërtimin e digës në liqenin në Zallin e Rupës, pasi kjo kishte qenë edhe marrëveshje në mes të investitorit dhe komunës së Deçanit.

Shkelje të shumta edhe në hidrocentralet e Shtërpcës

Një nga hidrocentralet kryesore në atë që njihet si kaskada e Lepencit e që është hidrocentrali Brezovica, vazhdon të operojë pa leje mjedisore.

Ky hidrocentral, që është në pronësi të kompanisë “Matkos Group”, ka arritur që të marrë pëlqim ujor pa i përmbushur kushtet ujore.

Kjo është nga lejet më të rëndësishme për operim të hidrocentraleve.

“Ky pëlqim ujor është lëshuar pa i përmbushur asnjë prej kushteve ujore të përcaktuara me aktvendimin e datës 15/06/2015, kushte këto të përsëritura me aktvendimin (Konkluzionin) e datës 3/07/2015”, thuhet në raport.

LEXO EDHE:  Lidhje me banda dhe pasuri në “të zezë”/ Orët e fundit të Donika Prelës si prokurore?

LEXO EDHE:  Kaloi në “sitë”/ Zbardhet vendimi për kreun e Gjykatës Administrative

Paditë, si mjet për të heshtur kundërshtimin qytetar   

Me tej, grupi punues ka gjetur se “leja ndërtimore për këtë hidrocentral është lëshuar në pronë ujore, në afërsi të drejtpërdrejtë të lumit, në kundërshtim me Ligjin për Ujërat e Kosovës”.

Po ashtu shkelje tjetër në këtë rast është gjetur edhe në dhënien për shfrytëzim të pronës ujore nga komuna e Shtërpcës.

Përpos Brezovicës, grupi punues ka gjetur shumë shkelje ligjore edhe në tri hidrocentralet e tjera në kaskadën e Lepencit, hidrocentralin “”Sharri”, “Shtërpca” dhe “Viça”.

“Për asnjërën prej katër HC-eve nuk janë lëshuar lejet mjedisore, por megjithatë të tërat janë në operim”, thuhet në raport.

Për të gjitha këto hidrocentrale, rekomandohet pezullimi i operimit deri në plotësimin e të gjitha rekomandimeve të dala nga ky raport.

Shkelje të njëjta edhe në hidrocentralet e Brodit dhe Restelicës

Raporti i grupit punues ka gjetur shkelje thuajse të ngjashme edhe në hidrocentralet e Brodit dhe Restelicës në Dragash.

Për hidrocentralet “Brodi 1”, “Brodi 2” dhe “Brodi 3”, ishte lëshuar jashtëligjshëm vetëm një pëlqim mjedisor. Sa i përket lejes mjedisore, e njëjta nuk është lëshuar ende – përkundër kësaj hidrocentrali operon në kundërshtim me nenin 31 të Ligjit për Mbrojtje të Mjedisit nr. 03/l-025”, thuhet në raport.

Te dy hidrocentralet tjera “Restelica 1 dhe 2” dhe “Restelica 3”, janë evendituar po ashtu shkelje ligjore si dhe ndërtime në pronë ujore.

Shkelje të ngjashme si këto janë gjetur në shumicën e hidrocentraleve të tjera që operojnë në Kosovë.

Heshtja e Qeverisë

Ka disa javë prej kur Radio Evropa e Lirë është duke provuar që të marrë përgjigje nga Ministria e Mjedisit, Planifikimit Hapësinor dhe Infrastrukturës, se a janë duke planifikuar marrjen e masave ndaj hidrocentraleve që është evidentuar se kanë kryer shkelje ligjore.

Por në këtë Ministri nuk kanë qenë të gatshëm që të japin informacione. Ditë më parë, marrjen e masave e ka paralajmëruar zëvendësministrja e Mjedisit, Linda Çavdarbasha.

Kabineti i ministrit, Liburn Aliu nuk ka kthyer përgjigje në pyetjet e REL-it se a do të merren parasysh rekomandimet e raportit të grupit punues, që evidentoi shkeljet nga hidrocentralet.

Kërkohet veprim i shpejtë institucional

Ditë më parë, Instituti për Politika Sociale ‘Musine Kokalari’, ka publikuar një raport që ka evidentuar po ashtu shkelje të shumta ligjore nga hidrocentralet.

Dardan Kadaj, nga ky Institut, thotë se në Kosovë hidrocentralet janë ndërtuar pa respektuar procedurat ligjore si dhe në mungesë totale të transparencës.

“Leja për hidrocentrale duhet të jepet përmes koncesionit, pra në të cilën procedurë disa investitorë konkurrojnë me njëri-tjetrin dhe kjo i jep mundësi autoritetit publik me zgjedhë investitorin më të mirë. Pra duke i marrë parasysh edhe përfitimet, të cilat komuniteti mundet me i pas prej investitorit”, thotë Kadaj.

Kadaj thotë se Qeveria duhet të ndalojë operimin e çdo hidrocentrali i cili nuk i plotëson kriteret ligjore për operim.

“Kishte me qenë asgjë më shumë sesa e logjikshme që puna e hidrocentraleve pa leje mjedisore, të pezullohet, të ndërpritet, sidomos puna e hidrocentraleve që nuk kanë asnjë lloj leje derisa të rregullohet e gjitha, qoftë me legjislacion, qoftë prej veprimeve të Qeverisë”, tha Kadaj.

Sipas të dhënave të Zyrës së Rregullatorit të Energjisë – (ZRrE), vlera e përgjithshme e investimeve në hidrocentrale të cilat janë në operim, arrinë shifrën rreth 122 milionë euro.

Përkundër investimeve në hidrocentrale, rreth 95 për qind e energjisë elektrike në Kosovë prodhohet me thëngjill, ndërsa vetëm 2.7 për qind nga hidrocentralet.

Pjesa tjetër prodhohet nga era, si dhe nga panelet solare./rel

LEXO TE PLOTE