Connect with Us

Nga Mero Baze/ Përse kjo mungesë gëzimi në PD, për protestën paqësore!

Aktualitet

Nga Mero Baze/ Përse kjo mungesë gëzimi në PD, për protestën paqësore!

Publikuar

-

mero baze

Kostumi i protestuesit paqësor, duket se është një veshje që i rri ngushtë Partisë Demokratike. Protesta e së shtunës, duket se ka trazuar më shumë se çdo gjë tjetër, vetë Partinë Demokratike.

Njerëzit që deri më dje ishin lavdëruar me dhunën dhe ishin krekosur si të fortë, sado që përpiqen të duken të qetë, nuk lavdërohen dot me paqen.

Vetë Lulzim Basha dhe Monika Kryemadhi ndjehen të dyzuar në mesazhet e tyre. Në vend që të krenohen dhe të thonë që “më në fund arritëm të bëjmë një protestë paqësore dhe të kulturuar”, duket sikur duan të thonë që “nuk e përsërisim më këtë gjë”, nëse Edi Rama nuk ikën.

Të tjerët janë thuajse në një kor kundër asaj që ka ndodhur. Nënkryetari i Partisë Edi Paloka postoi një foto nga masakrimi që Sali Berisha i ka bërë Edi Ramës fizikisht në vitin 1997, me badigardët e tij, për t’i treguar se ajo puna e protestës paqësore, nuk ka aprovimin e Berishës. Ai di t’i bëjë gjërat si ajo fotoja.

Edhe çuni i Fariut, nxitoi të thotë se kjo protesta ishte vetëm sa për t’i dhënë kohë Edi Ramës, se pas kësaj do t’i shkojnë në shtëpi në Surrel. Dhe ai i shkreti thotë çfarë dëgjon.

Por mbi të gjitha Sali Berisha nuk e mbajti dot zemërimin qysh dje në mbrëmje. Ai turfulloi ndaj protestës, sapo ajo përfundoi në paqe, duke ju hakërryer Edi Ramës, se do ta fuste 300 pashë nën dhe nga frika, por edhe atje do ta gjente prap.

LEXO EDHE:  Patozi: Ajo që i bëri Basha PD-së, si masakra e Tivarit

Pra një ditë pas protestës, askush në Partinë Demokratike nuk flet për paqen e saj, por të gjithë tregojnë se kanë gati skenarin e luftës.

Nuk është se njerëzit nuk e dinë dhe nuk kanë besim që PD ushtron dhunë. Vetë PD, mendon se ka dalë keq që ka bërë protesta paqësore dhe ndjehet edhe më keq, pasi mendon që njerëzit ja marrin për dobësi.

Në të vërtetë fuqia reale e një proteste qëndron pikërisht tek fuqia për të qenë paqësore dhe masive, por tashmë në PD, është gati gati ndarje ideologjike ideja e të qënurit protesta të dhunshme.

Por këtë mungesë gëzimi të PD për protestën paqësore, e trazon më së shumti Sali Berisha, pasi duket sikur protesta ka zhburrëruar Berishën në vend që të rrëzonte Ramën.

Ajo që mendohet si taktikë e Bashës dhe Kryemadhit për të ndalur sulmet nga Perëndimi, në PD shikohet si llogari personale e tyre për të nxjerrë bllof Sali Berishën.

Dhe kjo u pa vetëm dy minuta, pasi protesta kishte mbaruar, kur Berisha hungëriu si ari i zënë në çark, dhe sot gjithë dishepujt e tij të dhunës në PD, nuk flasin për protestën paqësore, por se çfarë suksesi ka pasur dhuna ndaj Edi Ramës që nga 1997 deri më sot.

Dhe kanë gjithë ditën që tregojnë që nga fotografia me të cilën Edi  Paloka mburret se si Berisha ka rrahur Ramën, e deri tek kërcënimet se do ta fusin 300 pashë nën dhe.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Grida Duma “shashka” publike për të mbuluar skandalin Salianji-GD

LEXO EDHE:  Partia Demokratike kërkon hetimin e kërcënimit ndaj Salinjanit

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Patozi: Ajo që i bëri Basha PD-së, si masakra e Tivarit

LEXO EDHE:  Video/ Momenti i hapjes së kordonit të policisë

 

LEXO TE PLOTE
Lajme të Rekomanduara: