Kreu i Shoqatës së Transportit Urban Rixhin Qosja ka qenë i ftuar pasditen e sotme në ABC news, ku ka aqaruar situatën se çfarë pritet të ndodhë në vijim pas aludimeve për pezullim të aktivitet sërish.

Ai pohoi se transporti urban po ndesh vështirësi ekonomike dhe s’mund të vazhdojnë më tej aktivitetin.

“Qarkullimi i qytetarëve në këto ditë që ne rinisim është më pak se 30% e numrit që ne kemi pasur në kushte normale. Po hasim vështirësi dhe situata është bërë shumë e rënduar ndaj kërkojmë ndërhyrjen nga ana e bashkisë për të vazhduar këtë shërbim.

Ne patëm mundësi të rifillonim punën pasi ndryshimi i protokollit bëri që ne të pranonim por nuk kemi hequr dorë nga kërkesat ekonomike….”, shprehet Rixhin Qosja.

Shoqata e Transportit thekson se nuk kanë hequr dorë nga kërkesat e tyre, që presin të realizohen nga qeveria.

“Pika e parë që ne kërkojmë është zerimi i TVSH-së, gjithashtu kërkojmë heqjen e akcizës së karburantit, rimbursim nga bashkia për kategoritë e personave që nuk paguajnë shërbimin publik si dhe rimbursimin e kapacitetit të munguar të pasagjerëve si pasojë e respektimit të protokollit”, tha Qosja./CNA.al

Një aksident i rëndë rrugor është regjistruar pasditen e sotme në autostradën Tiranë-Durrës.

Një automjet është përplasur me një motorr, drejtuesi i të cilit është dërguar menjëherë në spital.

“Mjeti me drejtues A.T., ka aksidentuar një drejtues motorri ende të paidentifikuar, i cili është dërguar menjeherë në spital, dhe ndodhet nën kujdesin e mjekëve”.

Më datë 11.07.2020, rreth orës 13:56, në autostradën Durrës-Tiranë, mjeti me drejtues A.T., ka aksidentuar një drejtues motorri ende të paidentifikuar, i cili është dërguar menjeherë në spital, dhe ndodhet nën kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.”, njofton policia./CNA.al

Ambasadori shqiptar në Kinë, Selim Belortaja në një status në rrjetet sociale sjell në vëmendje “tezën” e fundit të OBSH-së, për transmetimin e Covid-19 nga ajri.

Kjo e fundit duket se u vu nën presion nga shkencëtarët amerikanë që të pranojë se koronavirusi i ri qëndron në ajër dhe ka risk transemtimi, por megjithatë konsatimi vjen sërish në formën “as mish, as peshk”.

Nisur nga kjo thirrje, Belortaja jep mesazhin në pak rreshta, se njerëzit duhet të zbatojnë ato rregulla, të cilat tashmë janë ‘certifikuar’ për parandalimin e Covid-19. Sipas tij, Europa dhe Shqipëria në veçanti nuk tregojnë kujdes, ndërsa në Azinë Lindore, protokolli i sigurisë është bërë mënyrë jetese.

“Pra transmetimi nga ajri, sërish ..nuk qenka dhe aq i rëndësishëm(!!) Kurrë më parë pohimet shkencore nuk kanë qënë kaq te ngarkuara me shprehje evazive si “…ka shumë të ngjarë” ose “..nuk përjashtohet..”.etj. Por ka dhe të vërteta finale.

Të tilla deri tani duket se janë vetëm: ‘mos rrini afer’, “shmangni prekjet”, “lani e dezinfektoni”, “jo komunikim fizik apo shërbim pa maskë”! Si dukuri shqetësuese në krahasim me botën Aziatike (që padyshim ka më shumë eksperiencë ballafaqimi me epidemitë) unë shoh: përdorimin pa masë dhe…pa maskë, të ashensorëve, mosdisinfektimin e tavolinave në bar-kafene, stolave të pritjes, banakëve e sporteleve publike, shkujdesja e të rinjve që të ulur në nje tryeze të vetme lëvizin, zhurmojnë e sekretojnë njëlloj si më parë, si dhe mosmbajtja ose keqmbajtja e maskës nga kamarierët e banakierët!. Në Azinë e largët këto “mangësi” as që mund te mendohen! Më besoni ..nuk e kanë aspak keq”, shkruan Belortaja, duke bashkëngjitur në statusin e tij në FB edhe gjetjet e fundit të OBSH-së për transmetueshmërinë e virusit nga ajri. /CNA.al