Connect with Us

Nga dyqani, trualli dhe apartamenti dhuratë/ Ish deputetin demokrat e mban gruaja me pasuri

Aktualitet

Nga dyqani, trualli dhe apartamenti dhuratë/ Ish deputetin demokrat e mban gruaja me pasuri

Publikuar

-

Dhurata nuk marrin vetëm gjyqtarët dhe prokurorët por edhe politikanët.

Një ndër politikanët që ka deklaruar dhurata në pasurinë e tij edhe ish-deputeti demokrat  Luçiani Boçi.

Ky i fundit më herët është shpallur fajtor për shpifje dhe fyrje nga Gjykata e Tiranës. Për më tepër ai është dënuar me një gjobë prej 50 000 lekësh për secilën vepër penale.

Vendimi i Gjykatës erdhi, pasi ish-deputeti Boçi akuzoi Lindita Nikollën, në kohën kur ishte Ministre e Arsimit për papërgjegjshmëri, paafësi dhe korrupsion me dëftesat.  Nikolla e paditi dhe Boçi u dënua.

boci zbulon arsyet
                                                 Luciano Boçi

Aktualisht Boçi bashkë me ish deputetë të tjerë të Partisë Demokratike janë hedhur në rrugë në formë proteste, kundër Qeverisë.

Me arsyetimin se kjo Qeveri është kriminalizuar dhe ka varfëruar shqiptarët ata kanë protestuar 11 herë radhazi.

Në fakt, ajo që vie në sy është se ata që bërtasin për protesta, janë njerëz që jetojnë në luks.

CNA.al ka bërë një vëzhgim mbi pasurinë e deputetin Luçiano Boçi, sipas të dhënave të Open Spending Albania, nga viti 2012 deri në vitin 2017.

Në vitin 2012, ai ka deklaruar pagën si deputet në shumën 4 456 644 lekë dhe shpërblime si anëtar i senatit akademik të Universitetit “Aleksandër Xhuvani” në vlerën 80 000 lekë. Gjithashtu ka deklaruar pagën e bashkëshortes si psikologe në vlerën 605 778 lekë, dy karta kredi secila nga 5 000 euro.

Gjithashtu ai thotë se bashkëshortes së tij është bërë dhuratë një truall  me sipërfaqe 2690 m2. Nuk e specifikon nga kush i është bërë dhurata. Po në të njëjtin vit, deklaron se ka blerë truall me sipërfaqe 552.9 m2 në vlerën181 608 lekë, por nuk e thotë se ku.

Në vitin 2013, nuk ka ndryshim të pasurisë, ndërsa në vitin 2014, bashkëshortja është punësuar në Këshillin e Qarkut Elbasan, me një pagë 722 448 lekë. Ai deklaron se është pronar i një autoveture “BMV”, blerë 200 000 lekë, ndërsa bashkëshortja është pronare e një dyqani me sipërfaqe 67.39 m2, të përfituar nga ndërtimi në truallin e dhuruar në vitin 2012.

Në vitin  2015, ka shitur një makinë dhe ka blerë një tjetër në shumën 10 000 euro, ndërsa në vitin 2016 deklaron pesë burime të ardhurash, përfshirë këtu edhe bashkëshorten.

Sërish bashkëshortes së tij i është dhuruar një njësi në pallat me sipërfaqe 56.69 m2 si dhe ka blerë një  veturë 4 000 euro.

Në vitin 2017 nuk ka shtim të pasurisë.

Më poshtë po sjellim të detajuar pasurinë e deklaruar nga ish-deputeti Luçiano Boçi.

Viti 2012

Paga dhe shpërblime si deputet (bruto) në vlerën 4 456 644 lekë.

Shpërblime si anëtar i senatit akademik të Universitetit “Aleksandër Xhuvani” në vlerën 80 000 lekë.

Bashkëshortja paga dhe shpërblime si psikologe në vlerën 605 778 lekë.

Kartë krediti Visa në bankë të nivelit të dytë në vlerën 5 000 euro.

Kartë krediti American Express në bankë të nivelit të dytë në vlerën 5 000 euro.

Dhuratë nga të tretë një truall në lagjen “5 Maji”, ne zonën 8525 me nr. 29/229, me sip. 2690 m2, zotërues i 1/3 nga 4/60 pjesë.

Blerë truall me sip. 552.9 m2 në vlerën -181 608 lekë.

Viti 2013

Paga dhe shpërblime si deputet (bruto) në vlerën 3 061 420 lekë.

Shpërblime si anëtar i senatit akademik të Universitetit “Aleksandër Xhuvani” në vlerën 16 000 lekë.

Bashkëshortja paga dhe shpërblime si punonjëse e Këshillit të Qarkut në vlerën 889 680 lekë.

Karte krediti Visa në bankë të nivelit të dytë në vlerën vazhdim nga 2012.

Karte krediti American Express në bankë të nivelit të dytë në vlerën vazhdim nga 2012.

Viti 2014

Të ardhura nga paga si deputet, 2 928 827 lekë.

Bashkëshortja, të ardhura nga puna si punonjëse e Këshillit të Qarkut Elbasan, 722 448 lekë.

Të ardhura nga shitja e ap. 80 m2 në Elbasan, 3 722 784 lekë.

Të ardhura nga shitja e ap. 81.38 m2 në Elbasan, 1 300 000 lekë, pjesa takuese 25 %.

Të ardhura nga shitja e garazhit 39 m2, 1 915 660 lekë.

Pronar i një toke me sip. 552.9 m2, blerë 181 608 lekë.

Gjendja e llogarisë depozitë në një bankë të nivelit të dytë, 1 000 000 lekë.

Pronar i një autoveture “BMV”, blerë 200 000 lekë.

Kartë krediti, detyrimi i shlyer 5 000 euro.

Kartë krediti, detyrimi i shlyer, 5 000 euro.

Bashkëshortja, pronare me 100 % e një dyqani me sip. 67.39 m2, të përfituar nga ndërtimi në truallin e dhuruar në vitin 2012.

Viti 2015

Të ardhura nga paga si deputet, 2 804 749 lekë.

Bashkëshortja, të ardhura nga puna si koordinatore e Qendrës së Autizmit, Elbasan, 522 408 lekë.

Të ardhura nga shitja e veturës tip BMË, 10 000 euro.

Blerë veturë tip BMË, 10 000 euro.

Detyrime të paguara në vlerën -5 000 euro për kartë krediti.

Viti 2016

Të ardhura nga paga, përfitimet e tjera financiare dhe bonuset si deputet, 2 873 263 lekë.

Të ardhura nga paga si pedagog i jashtëm, anëtar senati, mbrojtje diplome e doktorature në Universitetin e Tiranës, 280 163 lekë.

Të ardhura si anëtar senati, oponent në doktoraturë, 38 400 lekë.

Të ardhura nga interesa depozite, 450 lekë.

Bashkëshortja, të ardhura nga puna si koordinatore e Qendrës së Autizmit, Elbasan, 530 377 lekë.

Bashkëshortja, shitur veturë 2 000 euro.

Bashkëshortja, përfituar me dhurim një njësi në pallat me sip. 56.69 m2.

Gjendje llogarisë së pagës, 1 329 335 lekë.

Bashkëshortja, gjendje llogarisë së pagës, 124 238 lekë.

Shlyer në vitin 2016 -5 000 euro për detyrim kartë krediti. Detyrimi i mbetur më 31 dhjetor është 4 980 euro.

Bashkëshortja, blerë veturë -4 000 euro.

Viti 2017

Të ardhura nga paga si deputet për vitin 2017, shuma 2 502 908 lekë.

Bashkëshortja, Znj. Blerina Boçi, të ardhura nga paga si koordinatore e Qendrës së Autizmit Elbasan për vitin 2017, shuma 558 024 lekë.

Bashkëshortja, Znj. Blerina Boçi, të ardhura nga puna si pedagoge e jashtme në Universitetin ‘Aleksandër Xhuvani’ në Elbasan, 75 894 lekë.

Gjendja e depozitës Ekstra në Raiffeisen Bank, (krijuar në vitin 2009, zvogëluar me 1 000 000 lekë në vitin 2012.), shtesë 613 lekë.

Gjendja e llogarisë së pagës në Credins Bank për vitet 2009 -2017, pakësim 172 016 lekë.

Gjendja e llogarisë së pagës në Raiffeisen Bank, të ardhura nga puna si pedagog i jashtëm, anëtar senati, mbrojtje diplome në UE, mbrojtje doktorature në UT për vitet 2009-2017, pakësim 774 lekë.

Kartë krediti Viza. Detyrimi i shlyer 5 000 euro, detyrimi i mbetur pashlyer 38 859 lekë.

Bashkëshortja, Znj. Blerina Boçi, pronare me 100 % e një pasurie me sip. 56.39 m2 përfituar si dhuratë.

Shpenzime për mbulimin e kartës së kreditit Visa, 5 000 euro./CNA.al

 

 

 

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: