Connect with Us

Nga Andi Bushati/ Rama po e bën të pashmangshme dhunën e 30 qershorit

Aktualitet

Nga Andi Bushati/ Rama po e bën të pashmangshme dhunën e 30 qershorit

Publikuar

-

analisti dhe gazetari andi bushati

Nëse Edi Rama po lufton verbalisht me opozitën kundër dhunës imagjinare që mund të ngjasë në 30 qershor, ai po frymëzon militantët që ajo të ndodhë me doemos. Radhën për të hedhur edhe një hap më shumë në shkatërrimin e zgjedhjeve lokale e kanë bërë, këtë të enjte, katër anëtarët socialistë të KQZ-së. Me një vendim krejtësisht të pa ligjshëm ata ngritën dorën me urdhër partie, për të mos pranuar kandidaturat që PD dhe LSI-së duhet të paraqisnin për ngritjen e komisioneve zonale. Nëse Kodi Zgjedhor (neni 29 /shiko faksimilen poshtë) i obligon partitë kryesore të opozitës të plotësojnë gjysmën e KZAZ-ve, kamikazët e rilindjes në Komisionin Qëndror përdorën një mori akrobacish juridike për të pamundësuar këtë. Ishte një mjerim i madh ti vështroje live ata burra dhe gra të bënin aryetime politike që nuk u përkisnin, nëse një forcë politike që nuk garon në zgjedhje, ka të drejtën apo jo të ketë komisionerë, të merrnin rolin e gjykatësve kushtetues që mungojnë, për të interpretuar frymën e kodit dhe të jepnin përcaktime se kush quhet apo nuk quhet parti parlamentare, kur ligji i ka të shkruara të zeza mbi të bardhë.

 

Por, duke kryer këtë akt katërcipërisht të paligjshëm, të frymëzuar nga mendësia bizantine se nuk mund të pranojmë komisionerët opozitarë që do na i bëjnë lëmsh zgjedhjet, ata në fakt i varrosn ato.

Nga sot e tutje ne nuk do të kemi vetëm një përballje elektorale pa garë mes konkurentëve, por edhe një proces pa rojtarë. E gjithë trupa që do të dalë në rrugë në 30 qershor do të jenë rilindas: edhe kandidatët edhe votuesit edhe komisionerët edhe numëruesit edhe policët edhe vëzhguesit.

Natyrisht, që me koka më të ftohta dhe me njerëz që kërkojnë paqen, një masakër e tillë mund të ishte shmangur. Të gjithë e dinë se komisionerët nuk mund ti prishin zgjedhjet. Kamerat janë aty, policia po e po dhe sejcili që donte ta bënte atë, do të merrte mbi shpinë rriskun e disa viteve burg.

Nga ana tjetër socialistët do të ruanin një standart që qeveria Majko e vendosi në një vend të sapo dalë nga konflikti civil, kur në referendumin e kushtetutës së 1998, PD bojkotoi, por pati komisionerë në proces.

Rilindja do të ruante së paku faqen e realizimit formalisht ligjor të një procesi, ku vërtet opozita nuk pranoi të konkuronte, por ku gjithçka tjetër u zhvillua sipas rregullave.

Sot u humb edhe ky shanc.

Dhe kjo nuk ndodhi as prej mendjelehtësisë, as prej inatit të ndëshkimit të bojkotuesve dhe as prej arrogancës symbyllur të pushtetit.

E gjitha ka të bëjë me një krim të llogaritur me gjakftohtësi.

Duke eleminuar nga piramida e kontrollimit të 30 qershorit çdo kënd që nuk është besnik i partisë, Rama i ka hapur rrugë me ndërgjegjje manipulimit. Jo atij të garës që e ka të fituar. Por atij të legjitimitetit që do të rrjedhë pas këtyre zgjedhjeve të çala. Duke e ditur që i ka në xhep të 61 bashkitë, ai, do të mbushë kutitë me një tjetër qëllim, për të thënë se populli shiqiptar, i braktisi rrugëhumburit e PD-së dhe politikat e tyre të mbrapshta.

Pra, në këtë pike, manipulimi i 30 qershorit do të arrinte kulmin, ai nuk do të bëhej më për të fituar një post politik, por për të mbushur me gjellë gavetën e propagandës. Prandaj, sot KQZ-ja, kreu aktin anti- ligjor të mospranimit të komisionerëve opozitarë në proces.

Po si lidhet kjo manovër juridike me debatin nëse do të ketë apo jo dhunë në 30 qershor?

Fare thjeshtë.

Prej tre muajsh, për një mijë e një mëkate të rilindjes, opozita zgjodhi rrugën e djegjes së mandateve dhe bojkotit të zgjedhjeve. Sado radikale të dukeshin këto vendime, në thelb ato ishin paqësore. Asgjë nuk është më e paqtë se dorëheqja apo mospjesmarrja.

Kjo trajektore do të ndryshonte vetëm në njw rast. Ajo do të etiketohej e dhunshme apo fajtore, nëse do ndryshonte këtë sjellje dhe do të pengonte dikë tjetër të shkonte të votonte. Po qe se zgjedhjet do organizoheshin në rregull, po qe se proceduarat nuk do të shkeleshin, askush nuk kishte të drejtën të pengonte idiotët e dobishëm të votonin atë ditë. Ashtu sikurse nuk mund të dhunohet dikush që do të marrë pjesë në një shfaqe estrade banale, apo në një spektakël pornografik vulgar, as ata që do të zgjoheshin herët në 30 qershor, nuk kishin pse ta pësonin këtë fat.

Të ishe pjestar në këtë farsë nuk do të qe një krim, por thjeshtë një akt moral që ka të bëjë me respektin për veten. Si i tillë, ai as mund të penalizohej dhe as të pengohej. Opozita nuk kishte detyrimin ta njihte, por aq më pak kishte të drejtën ta shkatëronte atë proces.

Ç’do akt kriminal i saj do të qe i dënueshëm.

Por edhe njëherë Edi Rama ka ndërsyer falangat e tij për të qënë të parët në shkeljen e ligjit dhe ushtrimin e dhunës së pushtetit. Duke urdhëruar KQZ që të zhdukte nga procesi edhe rojtarët opozitarë të votave, ai e shndëroi të deielën e fundit të qershorit, nga një ditë qesharake, në një ditë banditeske. Ashtu sikurse ka bërë këto gjashtë vite, ai e hodhi i pari hapin drejt paligjshëmirisë dhe dhunës. Prandaj dhe Basha, me aq njerëz sa i kanë mbetur, është i dënuar të reagojë. Ai nuk e ka më luksin të kthejë faqen tjetër./Lapsi

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE

Aktualitet

Ish-futbollisti austriak del bllof/ Zbulohet e vërteta e akuzave ndaj Takaj dhe Skënderbeut

Publikuar

-

Nga

Lajmi që u përhap me shpejtësi këtë javë nga të gjitha mediat ishin akuzat e Sanel Kuljiç, ish-futbollisti i kombëtares austriake, që pretendon se drejtuesit e Skënderbeut janë të përfshirë në trukime ndeshjesh në kampionatin austriak. Madje, ai shkon dhe më tutje ku thotë se i rrezikohet jeta.

Për këtë arsye, Gerhard Takaj, djali i presidentit Ardian Takaj, ka udhëtuar drejt Austrisë dhe ka dhënë për gazetën “Krone”, e cila publikoi intervistën e Kuljiç, provat se korçarët nuk kishin gisht në këtë mes.

Takaj, përmes ndërmjetësimi të Roland Luçit, ish-futbollist shqiptar që jeton në Austri prej 30 vitesh tregon se Kuljic e ka bërë gjithë këtë gjë për interesa dhe përftim personal.

“Babai im është i frikësuar dhe ndjehet i shqetësuar për sigurinë e tij. Mohoj të kemi ndonjë kontakt apo njohje me Kjuliç. Kush e di se çfarë gjëje tjetër janë në gjendje të bëjnë njerëz si Kuljiç, me aludime të tilla? Ai akuzohet për zhvatje dhe shpifje”.

Kuljic, në tetor të vitit 2014 u përfshi në skandalin më të madh të basteve në Austri. Ai akuzua për mashtrime, zhvatje dhe për kërcënime. Në fund te hetimeve dhe gjykimit u dënua me 5 vite burg.

“Ai e di se ne ende po luftojmë kundër vendimit të UEFA-s, e di se çdo gjë që ku përmendemi negativisht është e keqe për ne. Ai dhe personat që e mbështetin deshën të përdorin këtë metodë për të na zhvatur para. Ndaj ne po flasim me avokatë në Austri, duam ta padisim për zhvatje dhe shpifje dhe prishje imazhi”, vazhdon Takaj.

Gjithashtu ai foli edhe për videon ku dukej Kjuliç në “Tropikal Resort”.

“Si mund të jetë i frikësuar një person kur vjen në hotelin e Presidentit dhe stadiumin e tij? Kjo është apsolutisht qesharake”, shprehet Takaj.

CNA.al publikon ekskluzivisht dy videot në fjalë, ku duket qartë që askush nuk i ka bërë presion apo kërcënuar siç pretendon ai.

Kjo nuk është hera e parë që ekipin e Skënderbeut dhe drejtuesit e tij mundohen t’i përbaltin sa më shumë brenda dhe jashtë vendin, për suksesin që arritën në Kupat e Europës duke bërë krenar gjithë shqiptarët, por duke zemëruar edhe disa të të tjerë. Nuk duhet shumë për të kuptuar që qëllimi i këtyre gazetave, mediave dhe personazheve të tyrë komikë është të zhvatin ku dhe sa të mundin para, pa pyetur për dëmin moral, monetar dhe jo vetëm mbi palët e përmendura në to. /CNA.al

https://sport.cna.al/2019/09/12/akuzat-per-kercenim-nga-austria-reagon-ardjan-takaj/

https://sport.cna.al/2019/09/12/skandali-i-trukimeve-media-austriake-permend-presidentin-e-skenderbeut/

 

LEXO TE PLOTE

Aktualitet

Denoncimi: Drejtori makinën e shkollës ja ka dhënë gruas

Publikuar

-

Nga

Ish-kryeministri Sali Berisha, ka denoncuar drejtorin e një shkolle në Durrës që sipas qytetarit dixhital makinën e shkollës ja ka dhënë gruas.

Postimi i plote i Berishes:

Drejtori i shkolles se mesme profesionale ben te lumtur nusen me nje makine te shkolles.
Akuzohet per vjedhje dhe shperdorime te tjera.

Lexoni mesazhin e mesuesit dixhital. sb

Zoti berisha pershendetje.jam nje mesues qe jap mesim ne shkollen profesionale beqir cela durres.doja te ndaja me ju dhe me publikun disa mangesi te qellimshme ne kete shkolle.kjo shkolle qe nxjerr nxenes profesionist qe i sherbejne tregut te punes ne shqiperi dhe jashte saj .ka 3 vite qe drejtohet nga nje drejtor z fatmir merkuri i cili eshte nje militant i partise socialiste qe nuk ka arsim perkates per kete fetyre ose me sakt nuk e ka mbaruar akoma shkollen e larte.eksperienca e tij ne arsim eshte 0.ai u vu ne detyre pasi sherbeu si ushtare i betuar i Vangjush Dakos .puna e tij e meparshme ka qene shiste kepuce ne tregun e durresit.keto vite ai e ka kthyer kete shkolle ne baze te partise socialiste.ku ka punesuar ne vende te mesuesve profesionist militante partie pa arsimin perkates dhe pa njohuri ne lenden qe ato japin mesim.kuptohet vet sa te pregatitur po dalin nxenesit keto vitet e fundit.nje tem tjeter eshte vjedhja e fondeve qe vijne per kete shkolle .posi asaj i duhet nje baze materiale e konsiderueshme per cdo vit shkollor.keto materiale qe blihe i ngarkohen mrsuesve te praktikes me 6 apo 8 fishin e vleres reale.domethene nje kif kamje makine nga 23.000 leke tereja vjen ne shkolle me nje vlere 90. 000 leke te reja .keto manipulime apo vjedhje sido qe te quhen.ai i kryen me magazijeten e shkolles dhe me ndrejtoren Z M Zh dhe keto te dyja militante ke partise socialiste.pervec ketyre te larte permendura drejtori i shkolles ka nxjerr n ga shkolla nje makine golf 5 dhe ja ka dhene ne perdorim nuses se tij.gje qe absolutishte nuk lejohet.nje sasi e konsiderueshme nafte dhe benzine duhet te vije ne shkolle.por tollonat shiten rruges .shume mesues te lidhur me drejtorine kryejne mit marrje nxenesve per te kaluar klasen.etj me respekte doktor dhe te lutem anonim .besoj ky mesazh nuk do bjeri ne vesh te shurdher.

LEXO TE PLOTE