Kryesore Show Biz
“Më shpëtoi jetën”/Aktorja e “Game of Thrones” rrëfen periudhën e errët të jetës së saj
Aktorja e njohur tashmë si pjesë e serialit “Game of Thrones” u bë pjesë e tij kur ishte vetëm 13 vjeç.
Sophie Turner në një intervistë për Sunday Times, ka treguar se ju desh të shkonte në terapi që të përballonte çdo gjë që po kalonte. Sfida e saj më e madhe ishte mënyra si e shihte trupin e saj.
“Papritur, metabolizmi i çdokujt ngadalësohet në moshën 17, 18 vjeçare dhe më pas kjo dokumentohet. Lëkura ime dhe çdo gjë. Njerëzit që komentojnë për të. Isha shumë e vetëdijshme për trupin tim në një moshë të re. Dhe pak a shumë më pushtoi mendjen, mendoja vetëm për këtë. Numërimi i kalorive, çdo gjë. Oh, do ha vetëm bajame sot. Ndalova së pasuri perioda për një vit- kjo ishte pika kur vendosa të shkoj në terapi.”- u shpreh ajo.
Ndërkohë Jonas ajo e cilëson si shpëtimtarin e kohëve të vështira:
“Po kaloja këtë fazë ku isha mendërisht shumë keq. Ai më thonte “Nuk mund të jem me ty, derisa ti të duash veten. Nuk mund të të shoh të duash mua më shumë se veten.” Kjo ishte diçka, ai që e bëri këtë. Mendoj se në një farë mënyrë më shpëtoi jetën.”
Kryesore Show Biz
“Do të braktisë koncertet”/ Çfarë po ndodh me Elvana Gjatën?
Këngëtarja shqiptare Elvana Gjata, është vajza më e komentuar e showbizzit si për jetën e saj intime por edhe për atë profesionale.
Pas një heshtjeje tepër të gjatë në skenën shqiptare për shkak të një skandali të ndodhur në zonen e ish bllokut, ku u përfshi edhe ish i fejuari i saj Ervin Mata , Elvana u rikthye si aktore kryesore në një film të Ermal Mamaqit i quajtur “Dy gisht mjaltë”, i cili pati një sukses shumë të madh në Shqipëri dhe jo vetëm.
Më pas Elvana Gjata nuk u ndal me këngët e saj të cilat u bënë hite por edhe koncerteve ku më i fundit ishte ai i organizuar në sheshin “Skenderbej” ku ajo u rikthye në mes të publikut me këngët e saj të vjetra por edhe ato më të reja.
Por burime të sigurta për CNA.al, thonë se këngëtarja do të braktisë koncertet dhe ky do të jetë viti i fundit që ajo i organizon ato dhe do t’i rikthehet recitaleve.
Nuk dihet arsyeja pse Elvana ka marrë këtë vendim por pritet të shohim se çfarë do të ndodhë me jetën profesionale të saj.
Kryesore Show Biz
Tjetër divorc VIP/ Vajza e show-t kapet me ish-deputetin
Një tjetër divorc VIP, që vjen nga lidhja e vajzave të show-t këtë herë me një politikan.
Pas divorcit me të fundit të Grida Dumës nga bashkëshorti dhe Ervin Salianjit me të fejuarën e tij, pasi u kap në mesazhe me G.D, një tjetër ish-deputet është bërë shkak për divorc në famije.
Mediat raportojnë se ish-aktorja e Protokallisë dhe AL Pazar, së fundi moderatore e emisionit Mos i Fol Shoferit, Rudina Dembacaj, është divorcuar. Shkak i divorcit të saj është berë lidhja me një ish-deputet.
Faxweb raporton se aktorja e humorit prej disa muajsh tashmë është ndarë nga bashkëshorti i saj, dhe shkak për këtë është bërë një histori e re dashurie në jetën e saj. Dembacaj është parë shpesh në shoqërinë e një ish-deputeti të Kuvendit të Shqipërisë, romanca me të cilin duket se është shkaku kryesor i ndërprerjes së marrëdhënies me Aleksin, me të cilin ka sjellë në jetë dhe vajzën Viktoria.
Që marrëdhënia mes tyre ka kohë që është ftohur kjo vihet re dhe në postimet e aktores në rrjetet sociale, ku prej më shumë se një viti nuk ka asnjë foto me bashkëshortin e saj, dhe dedikimet e vetme janë për të bijën. Po ashtu të gjitha pushimet e verës Rudina i kaloi bnë shoqërinë e miqve apo familjarëve të saj, ndërsa Aleks nuk u duk gjëkundi, ashtu si dhe nuk përmendet në asnjë prej intervistave që ajo ka dhënë për media të ndryshme. Ata u martuan së bashku në verën e vitit 2016, por pavarësisht dashurisë për ‘’qerosin’’ e saj, aktorja duket se i është dorëzuar një romance të re. Siç shihet dhe në fotot e mëposhtme aktorja nuk mban më as unazën në gishtin e martesës, në ndryshim nga më parë.
Kryesore Show Biz
Momenti më i sikletshëm në Hollywood/ Kjo foto e Brad Pitt dhe aktores së njohur po bën xhiron e rrjetit
Premiera e filmit më të ri të Tarantinos, “Once upon a time in Hollywood” ka pasur një moment tepër të sikletshëm mes aktorëve të njohur.
Ajo që ka tërhequr vëmendjen e të gjithëve është momenti i sikletshëm i takimit të Brad Pitt me Lena Dunham-in.
Fotografëve nuk u ka shpëtuar momenti kur Lena i është afruar për t’i dhënë Brad-it një puthje mes faqes dhe buzëve, e cila me siguri ka qenë një keqkuptim.
Kaq ka mjaftuar që fotoja e tyre të bëjë xhiron e rrjetit dhe të gjithë po diskutojnë momentin e sikletshëm mes aktorëve, të cilët më pas janë ndarë duke u sjellë sikur asgjë e tillë s’kishte ndodhur mes tyre.
