LEXO PA REKLAMA!

SHKARKO APP

46 vjet nga revolta e Spaçit/ Basha: “Diktatorët mbajnë ende peng të ardhmen e vendit”

21 Maj 2019, 15:25, Aktualitet CNA
46 vjet nga revolta e Spaçit/ Basha: “Diktatorët mbajnë

Kreu i Partisë Demokratike, Lulzim Basha, ka përkujtuar përmes një postimi në rrjetet sociale 46 vjetorin e revolës së Spaçit.

Në postimin e tij, Basha shkruan se se Partia Demokratike e Shqipërisë është në anën e duhur të historisë, ndërsa fton shqiptarët që t?i qëndrojë besnik betimit për të mos pranuar mbi vete asnjë diktator apo karikaturë diktatori, që mban peng të ardhmen Europiane.

Postimi i plotë:

Sot kujtojmë me nderimin më të thellë revoltën madhështore të Spaçit! Ato 2 ditë lirie në Burgun e Spaçit ishin më të rëndësishme se e gjithë propaganda e diktaturës sepse rrëfejnë betimin e shqiptarëve për të mos pranuar asnjëherë diktaturën dhe dhunën.

Ky betim është në fuqi edhe sot. Nuk ka ditë më domethënëse se 46-vjetori i revoltës së Spaçit, për të ftuar çdo shqiptar që e do Shqipërinë të lirë nga diktatura e krimit, që t?i qëndrojë besnik betimit për të mos pranuar mbi vete asnjë diktator apo karikaturë diktatori, që mban peng të ardhmen tonë Europiane.

Unë jam krenar që në këtë betejë, Partia Demokratike e Shqipërisë është në anën e duhur të historisë, është në nderim të vlerave për të cilat dhanë jetën heronjtë e Spaçit, është në ballë të saj për të mos bërë asnjë kompromis në rrugëtimin tonë drejt Europës.

Nderim përjetë Heronjve Kryengritës të Revoltës së Spaçit! Zoti bekoftë shpirtrat e tyre dhe çdo shqiptar që ngrihet kundër së keqes!/CNA.al

Lajmet e fundit nga