Connect with Us

Video-Plas në Prokurori/ Besim Hajdarmataj paralajmëron Arta Markun

Aktualitet

Video-Plas në Prokurori/ Besim Hajdarmataj paralajmëron Arta Markun

Publikuar

-

Prokuroria, institucioni i cili është i thirrur për të luftuar krimin dhe korrupsionin është shndërruar në një fushë beteje brenda llojit.

Lufta me Prokurores së Përgjithshme të përkohshme Arta Marku dhe ish kreut të Prokurorisë për Krime të Rënda Besim Hajdarmataj, sa vjen dhe bëhet më e ashpër.

Nga zyrat e Prokurorisë ajo është zhvendosur tashmë dhe me deklarata në distancë në media.

Gjatë analizës një vjeçare të Prokurorisë së Krimeve të Rënda u raportua për një debat të ashpër mes dyshes Marku-Hajdarmatajn në lidhje me dosjen numër 339.

Ish-drejtuesi i Krimeve të Rënda Besim Hajdarmataj, mësohet se i është drejtuar Markut, duke i thënë se dosjen me numër 339 e ka pasur ai në hetim, por me vendim të saj, i është hequr kjo çështje për ta hetuar.

Duket se Markut ende nuk i ka kaluar inati i debatit dhe para pak ditësh në emisionin Open, ajo bëri Hajdarmatajn përgjegjës për bllokimin e dosjes 339.

“Unë kam kërkuar informacion për të dyja këto dosje (339 dhe 339/1)  që ju përmendet se si qëndron e vërtat për to, kur kanë filluar, pse nuk përfudojnë. Dhe kam marrë informacion që këto dosje janë mbajtur për një kohë të gjatë vetëm me veprimin hetimor të përgjimit. Pra, janë bërë përgjime bisedash pa fund dhe asnjëra prej tyre nuk është zbardhur në letër. Në momentin që prokurori që kishte këto çështje u caktua përkohësisht në një prokurori tjetër, që ishte komplet një rastësi, dorëzoi dosjet dhe prokurorët që i morën konstatuan se kishte një numër shumë të madh disqesh që ishin të patranskriptuara. Vetëm për dosjen 339 kishte rreth 700 disqe regjistrimi (CD) të patrasnkriptuara”, ka thënë Marku.

Sipas saj në këto rrethana, nga drejtuesja e Porkurorisë për Krime të Rënda. Donika Prela janë marrë që të gjithë oficerët e policisë gjyqësore të krimeve të rënda të jenë në dispozicion të këtyre dy çështjeve.

E pyetur nëse prokurori i çështjes, që në fakt është Besim Hajdarmataj, i ka zvarritur qëllimshëm hetimet, Marku ka thënë:

LEXO EDHE:  Deputeti i PD-së: Zgjedhja e Kryeprokurores nga duart e mafies

“Unë mendoj se kjo dosje nuk është lënë të zvarritet krejt rastësisht. Ky është një mendim i imi që lidhet me disa fakte që janë konstatuar. Mendoj se është mbajtur qëllimisht, pasi nuk ka pasur asnjë veprim tjetër të kryer përveç përgjimeve. Nuk janë shoqëruar përgjimet me veprim në kohë reale, me vëzhgime. Ka lloj-lloj metodash nëse do ta hetosh një dosje dhe të kesh sukses. Prokurori i ka qenë i ndikuar politikisht apo me ndonjë ndikim të një natyre tjetër nuk di që ta them”, është shprehur Marku.

CNA.al ka komunikuar me prokurorin Besim Hajdarmataj, i cili ka paralajmëruar se së shpejti do të dalë me një reagim për këto akuza të Markut.

“Nëse i bie që unë i kisha zvarritur, i mbaja në sirtar, çfarë mungon sot për ti hetuar këto çështje.  Këto janë çështje që duan një vullnet goxha të fortë sepse nuk janë çështje dosido. Gjithsesi do e kem një reagim pasi të shoh me vëmendje. Vetëm diçka nuk do ta lejoj që të hidhet baltë mbi karrierën time profesionale, mbi personin tim unë nuk do të lejoj me çdo lloj kostoje nuk më intereson fare”, ka thënë prerazi Hajdarmataj.

Më poshtë po sjellim videon, ku Prokurorja e Përgjithshme e përkohshme Arta Marku akuzon prokurorin Besim Hajdarmataj, për zvarritje të qëllimshme të hetimeve në lidhje me dosjen 339./CNA.al

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Akuza e fortë e Mero Bazes/ Vrasësi i vetëm i politikës shqiptare do jetë mes jush

LEXO EDHE:  Akuza e fortë e deputetit të LSI/Pse nuk kapen zjarrvënësit nga policia

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Deputeti i PD-së: Zgjedhja e Kryeprokurores nga duart e mafies

LEXO EDHE:  Akuza e fortë e Mero Bazes/ Vrasësi i vetëm i politikës shqiptare do jetë mes jush

 

LEXO TE PLOTE
Lajme të Rekomanduara: