Connect with Us

Nga trafikimi i drogës tek shpërdorimi i detyrës/ Kandidati socialist i mbytur në akuza

Aktualitet

Nga trafikimi i drogës tek shpërdorimi i detyrës/ Kandidati socialist i mbytur në akuza

Publikuar

-

Klement Ndoni do të kandidojë sërish nën siglën e PS  për Bashkinë e Këlcyrës.

Ai rikandidon për herë të tretë në këtë bashki, por gjatë kohës që ka  ushtruar këtë post ndaj tij nuk kanë munguar akuzat

Kryeministri Edi Rama, pavarësisht atyre që thotë, duket se nuk ka hequr dorë nga kandidatët që janë lakuar për shkelje, apo që janë bërë objekt hetimesh.

Siç duket Ramës, i duhen ende kandidatët e përfolur dhe të kontestuar, edhe pse është djegur më herët nga të tjerët.

                                                                   Klement Ndoni

Në vitin 2016, kreu i Bashkisë së  Këlcyrës, Klement Ndoni është denoncuar në prokurorinë e Përmetit për shpërdorim detyre.

Kallëzimi është bërë nga shtetasi A. Brahollari dhe sipas tij Ndoni ka konsumuar elementë të veprës penale të shpërdorimit të detyrës “për moskryerje me dashje të veprimtarive në kundërshtim me ligjin “Për urbanistikën”,ligjin “Për gjendjen civile”, ligjin “Për auditin” dhe ligjin “Për pushtetin vendor”.

Sipas paditësit, Ndoni ka lidhur kontratë shitblerjeje trualli prej 306 m2 në Këlcyrë, duke shkelur ligjin nr 7980, datë 27.07.1995, nuk ka zbatuar vendimet e marra nga auditimi i Qarkut Gjirokastër për periudhën 2011-2012.

Gjithashtu e ka paditur, ndërtim objekti pa dokumentacionin e duhur urbanistik e ligjor. Objekti është ndërtuar para zgjedhjeve të 2015-ës në shkelje të nenit 75 të ligjit “Për urbanistikën” si dhe në kundërshtim me ligjin “Për gjendjen civile” mban të komanduar prej tri vitesh punonjësen, duke mos zbatuar urdhrin nr. 1366, datë 19.08.2006.

Nuk dihet se çfarë ka ndodhur me këtë padi por në vitin 2016, Ndoni në një deklaratë për mediat i ka mohuar akuzat.

Po në vitin 2016, një ish-i dënuar ka deklaruar se ka punuar për Klement Ndonin, duke trafikuar drogë. Denoncuesi i quajti Bardhi Nunollari nga Përmeti, pati publikuar një video në You Tube, ku rrëfente gjithçka nga veprimtaria e tij e dikurshme e jashtëligjshme.

Ai tregonte se kishte bërë 12 vjet burg për tentativën e më shumë se 1 toni kanabis në Greqi, ndërsa këtë veprimtari e bënte disa herë për Ndonin, kryetarin e Bashkisë së Këlcyrës.

Videoja më vonë është hequr nga You Tube, ndërsa Klement Ndoni, pati mohuar në mënyrë kategorike se kishte lidhje me Bardhi Nunollarin, duke thënë se do ta padiste.

Akuzat jo zyrtare ndaj Ndonit nuk mbarojnë këtu. Në muajin Mars të vitit 2019 qytetarët e Këlcyrës gjatë një proteste në shenjë kundërshtimi për prishjen e 30 objekteve në pedonale, kanë akuzuar kryebashkiakun  Klement Ndoni për shpërdorim detyre, shkruan CNA.al.

Sa i përket pasurisë, kryetari i Bashkisë Këlcyrë, Klement Ndoni, sipas të dhënave të Open Spending Albania rezulton se është bashkëpronar me 25% i një apartamenti banimi me sipërfaqe 40 m2 në Këlcyrë, me privatizim në vitin 1991. Gjithashtu ai deklaron se ka në pronësi 3 makina.

Një veture blerë në vitin 2010 në vlerën 600 000 lekë, një veturë blerë në vitin 2007 në vlerën 100 000 lekë dhe një veturë tip Fuoristradë blerë në vitin 2010 në vlerën 70 000 lekë.

Në 2011 bashkëshortja e tij ka blerë një veturë tip Mercedes Benz në vlerën 500 000 lekë.

Ndërsa në vitin 2016 ai deklaron se ka shitur dy automjete. Kështu ai ka deklaruar të ardhura me vlerë 1 500 000 lekë nga shitja e makinës Wolksvagen Tuareg, si dhe të ardhura me vlerë 970 000 Lekë nga shitja e makinës Wolksvagen Golg.

Në total, të paktën në vitin 2016, pasuria e tij shkon në rreth 80 milionë lekë të vjetra.

Më poshtë po sjellim të detajuar pasurinë e Klement Ndonit.

LEXO EDHE:  PD: Meta, njeriu i fundit që mund të ofendojë, pas skandalit me Doshin

Viti 2011

Paga si Kryetar Bashkie Këlcyrë në vlerën 420 000 lekë.

Bashkëshortja zonja Vjolanda Ndoni paga si drejtore dege pranë “Raiffeisen Bank, Përmet” në vlerën 1 140 000 lekë.

Bashkëshortja zonja Vjolanda Ndoni detyrime të papaguara në vlerën 740 859 lekë për një kredi për blerje pajisje shtëpiake marrë më 28.09.2009 me principal 1 000 000 lekë, interes 7% dhe afat shlyerje 7 vjet.

Bashkëshortja zonja Vjolanda Ndoni detyrime të paguara në vlerën -259 145 lekë për një kredi për blerje pajisje shtëpiake marrë më 28.09.2009 me principal 1 000 000 lekë, interes 7% dhe afat shlyerje 7 vjet.

Blerje veture tip Mercedes Benz në vlerën 500 000 lekë.

Viti 2012

Paga si Kryetar Bashkie Këlcyrë në vlerën 924 000 lekë.

Bashkëshortja zonja Vjolanda Ndoni paga si drejtore dege pranë “Raiffeisen Bank, Përmet” në vlerën 1 260 000lekë.

Viti 2013

Paga si Kryetar Bashkie Këlcyrë në vlerën 1 300 000 lekë.

Bashkëshortja zonja Vjolanda Ndoni paga si drejtore dege pranë “Raiffeisen Bank, Përmet” në vlerën 1 260 000lekë.

Viti 2014

Të ardhura nga paga si kryetar bashkie, 760 086 lekë.

Të ardhura si anëtar i këshillit të qarkut Gjirokastër, 96 000 lekë.

Të ardhura nga interesat bankare 24 336 lekë.

Bashkëshortja, të ardhura nga paga 1 050 720 lekë.

Bashkëshortja, të ardhura nga investimi në “Fond Invest” në një bankë të nivelit të dytë, 40 198 lekë.

Depozitë në emër të fëmijëve në një bankë të nivelit të dytë, 589 086 lekë.

Gjendja cash, 1 527 944 lekë.

Bashkëshortja, depozitë në një bankë të nivelit të dytë, 3 200 000 lekë.

Viti 2016

Të ardhura nga paga si Kryetar i Bashkisë Këlcyrë, 911 312 lekë.

Të ardhura si Anëtar i Këshillit të Qarkut Gjirokastër, 96 000 lekë.

Bashkëshortja, Znj. Vjolanda Ndoni, të ardhura nga paga si Drejtore Dege pranë Raiffeisen Bank, 1 164 504lekë.

Bashkëshortja, të ardhura nga investimi në “Fond Invest” në një bankë të nivelit të dytë, 139 739 lekë.

Bashkëshortja, gjendje depozitë bankare më 31 dhjetor, 1 800 000 lekë.

Gjendje depozita bankare për fëmijë, në emër të djalit 804 451 lekë dhe në emër të vajzës 94 008 lekë.

Gjendje llogari bankare më 31 dhjetor, 585 000 lekë.

Bashkëshortja, gjendje llogari bankare më 31 dhjetor, 2 355 184 lekë.

Bashkëshortja, Znj. Vjolanda Ndoni, blerë veturë tip Volksvagen, 1 100 000 lekë.

Viti 2017

Të ardhura neto të vitit me vlerë 741 312 Lekë, nga paga si Kryetar i Bashkisë Këlcyrë.

Të ardhura me vlerë 104 000 Lekë nga dietat dhe shpenzimet e telefonit.

Të ardhura me vlerë 96 000 Lekë si anëtar i Këshillit të Qarkut Gjirokastër

Bashkëshortja, të ardhura neto me vlerë 1 164 504 Lekë nga paga si Drejtore Dege pranë Raiffeisen Bank.

Bashkëshortja, të ardhura me vlerë 28 400 Lekë nga dietat.

Të ardhura me vlerë 1 500 000 Lekë nga shitja e makinës Ëolksvagen Tuareg, sipas kontratës së shitjes me datë 14.11.2017.

Të ardhura me vlerë 970 000 Lekë nga shitja e makinës Ëolksvagen Golg sipas kontatës së shitjes me datë 10.01.2017.

Depozitë për fëmijë me vlerë 975 428 Lekë pranë Raiffeisen Bank, në emër të djalit.

Depozitë për fëmijë me vlerë 245 019 Lekë pranë Raiffeisen Bank, në emër të vajzës.

Gjendje cash me vlerë 1 430 375 Lekë në llogarinë e deklaruesit, pranë Raiffeisen Bank.

Gjendje cash me vlerë 3 254 212 Lekë në llogarinë e bashkëshortes, pranë Raiffeisen Bank./CNA.al

 

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Bie zia tek Rilindja/ Veliaj më pak vota se në 2015-tën

LEXO EDHE:  Dokumentari i 'Rai 3'/ Nuk përmbahet Vasili: Debilët e qeverisë gënjejnë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Akuzat e Ramës/ Përgjigjet “dhëmbë për dhëmbë” Basha

LEXO EDHE:  Negociatat/ Shehu: “Ngecja e vendit, pasojë e problemeve të krijuara nga “Rilindja”

 

LEXO TE PLOTE
Lajme të Rekomanduara: