Connect with Us

Horoskopi javor, nga 20 maj deri në 26 maj 2019/Paolo Fox tregon çfarë do të ndodhë me ju këtë javë

Aktualitet

Horoskopi javor, nga 20 maj deri në 26 maj 2019/Paolo Fox tregon çfarë do të ndodhë me ju këtë javë

Publikuar

-

Dashi: Marsi do të ndikojë më së shumti në jetën tuaj intime. Të lindurit në shenjën e Dashit janë zakonisht të rezervuar, por në ditët në vijim do të shijoni kënaqësinë që falin bisedat mes miqsh. Dielli dhe Mërkuri do t’ju mësojnë të ndani vlerat që keni edhe me njerëzit që ju rrethojnë. Urani, planeti i ndryshimeve të mëdha do të ndikojë shumë ditën e mërkurë, ndaj prisni të papritura. Megjithatë, meritat për gjithçka ndodh i keni ju vetë.

Demi: Pas një fillim jave shumë të vrullshëm, është e rëndësishme t’i kushtoni vëmendje komunikimit, ja pse të martën do t’i merrni gjërat më shtruar. Të lindurit në këtë shenjë s’do të shijojnë energjitë dhe entuziazmin që i karakterizon gjithmonë, por vetëm për një ditë. Këtë javë shoqëruesi juaj më i mirë është planeti i Venusit. Në mesjavë do të reflektoni dhe do të kuptoni në duhet të ndërmerrni gjëra të reja apo të paparashikuara. Kompromiset do të vlerësohen shumë.

Binjakët: Këtë javë nis zyrtarisht sezoni që u kushtohet të lindurve në shenjën tuaj dhe energjisë suaj dinamike dhe të papërmbajtshme. Për të festuar si duhet, Dielli dhe Mërkuri do t’ju dhurojnë energji edhe më të mëdha dhe mundësi të reja. Ky është një sinjal i qartë për të bërë përpara. Ndiqni instinktin që tanimë nuk ju zhgënjen. Stili juaj i jetesës vlerësohet shumë. Të mërkurën mund t’i lejoni vetes të bëni gjëra edhe të pamenduara mirë.

Gaforrja: Marsi ka rolin kryesor në shenjën tuaj dhe ju dhuron energji dhe një forcë unike, edhe pse të lindurit në shenjën tuaj zakonisht shquhen si “dembela”. Marsi do t’ju shoqërojë vazhdimisht, sidomos në aspektin profesional, ja pse s’duhet të dorëzoheni asnjëherë. Të mërkurën do të jeni në kulmin e energjive tuaja dhe do të ndërmerrni shumë gjëra, dhe për pasojë, të enjte do të ndiheni disi të lodhur. Vërini disa caqe synimeve që keni që të mos humbisni në mendime dhe ide. Pasion, por edhe tension në mes të javës për shkak të Hënës.

Luani: Lajme shumë të mira për ju. Ditën e martë, Dielli bashkë me Mërkurin do të shndërrohen në planetë miq për ju. Që prej së martës, nuk do të ndiheni më të ngarkuar në punë tani që planetët janë bërë aleatët tuaj, sidomos në aspektin profesional. Por jo vetëm kaq, Mërkuri do t’ju ndihmojë edhe në aspektin financiar. Nëse keni ëndrra dhe shikoni gjithmonë drejt së ardhmes, vazhdoni këmbëngulni se do të ecni shumë larg.

Virgjëresha: Kohët e fundit, planetët ju kanë përkëdhelur shumë dhe ju kanë ndihmuar, por duket se ndikimi i tyre do të ndryshojë dhe ju do t’i gjykoni sërish disa zgjedhje e vendime që keni marrë. Dielli dhe Mërkuri që prej ditës së martë do t’ju detyrojnë të përballeni me sfida të menjëhershme, të cilat me siguri doni t’i kaloni me sukses. Jeta juaj është shumë interesante, plot me ftesa dhe mundësi që karriera juaj të ndryshojë. Të mërkurën jepini të drejtë Marsit, pasi do t’ju shtyjë të ndërmerrni një nismë shumë të rëndësishme që do t’ju sjellë një mundësi të rrallë.

Peshorja: Kur yjet janë kaq të qetë, situata për ju bëhet e mërzitshme dhe filloni të lodheni mes planetëve që veprojnë kaq ngadalë. Edhe ju ndiheni të pasigurt. Mos u shqetësoni, pasi që prej së martës, Dielli dhe Mërkuri do të bëhen më aktivë dhe humori juaj do të ndryshojë. Do të ndiheni sikur jeni futur sërish në lojë. Do të përjetoni emocione të reja dhe do të keni ide të veçanta. Ëndrra shumë vizionare për të lindurit në këtë shenjë. Një person afër jush do t’ju mërzitë ditën e mërkurë, gjë që ndryshon normalitetin tuaj, por tanimë ju jeni mësuar me kësi situata.

LEXO EDHE:  Grindje, romanticitet dhe martesë, ky është horoskopi i dashurisë për 2018-ën

Akrepi: Dy planetë shumë të rëndësishëm po ju pengojnë shumë, ja pse s’ndiheni të lumtur dhe të përmbushur. E marta do të jetë një ditë e veçantë për të lindur në këtë shenjë, pasi do të çliroheni si nga Dielli, ashtu edhe nga Mërkuri. Raportet tuaja në punë do të ndryshojnë dhe do të bini më shumë në sy duke marrë meritat që ju takojnë. Kaq pak do t’ju mjaftojë për të kaluar në sulm dhe të ndiheni të fortë për të reaguar. Marsi është planeti juaj mbrojtës. Të mërkurën do të përballeni me realitetin dhe do të kërkoni ndryshime të mëdha.

Shigjetari: Keni ndalur në vend, jeni shumë të qetë. Gjatë ditëve në vijim, yjet nuk do t’ju favorizojnë aspak dhe ju do të ndiheni të pasigurt për shkak të Jupiterit që ndikon më së shumti në shenjën tuaj. Qetësia për ju është shumë e çmuar dhe këtë javë duhet ta përdorni në maksimum. Dielli dhe Mërkuri do të ndikojnë po ashtu negativisht në shenjën tuaj, ja pse do të përballeni me probleme në aspektin tuaj sentimental dhe profesional. Jeni dyshues për gjithçka. Vullneti juaj është i hekurt dhe s’doni të lini pas dore asgjë dhe askënd. Këtë javë e kanë në dorë gjithçka yjet.

Bricjapi: Tani që Dielli dhe Mërkuri nuk ju mbështesin më, Bricjapët do të ndihen më të qetë, edhe pse argëtimi do të mungojë. Për ju qetësia është e domosdoshme. Do t’ju kaplojë një gjendje ngathtësie dhe do të ndjeni nevojën për të reflektuar e për t’u përfshirë. Të mërkurën, Marsi do të përpiqet t’ju prishë planet duke ju përballur me disa lajme të reja e të papritura për të cilat s’keni vendosur aspak ju. Mos i harroni pasiguritë tuaja të vogla, sepse falë tyre kuptoni se cilët janë kufijtë kur gjërat bëhet të rrezikshme.

Ujori: Ndiheni të lodhur nga barra që keni mbajtur apo nga kufijtë që ju kanë vënë. Ju keni një stil dinamik, të cilin doni ta ndiqni. Lajme shumë të mira për ju. Ditën e martë, Dielli dhe Mërkuri shndërrohen në aleatët tuaj më besnikë, ja pse do të rifitoni besimin tek e tashmja dhe tek e ardhmja. Dielli do të përmirësojë marrëdhëniet tuaja sentimentale, por edhe ato profesionale. Keni ambicie të reja këtë periudhë. Yjet kanë filluar t’ju duan shumë.

Peshqit: Të lindurit në këtë shenjë janë mësuar me energjitë e tyre të mira dhe me forcën shprehëse. Të martën yjet do t’ju lënë paksa në baltë dhe do të përballeni me disa pasoja që s’do t’ju pëlqejnë shumë. Dielli do të kërkojë të tregoheni më të saktë dhe më të përgjegjshëm ndaj gjërave të vogla. Janë disa punë që duken të parëndësishme, por me ndikim të madh. Kujdesuni më mirë për trupin tuaj dhe për mirëqenien tuaj në përgjithësi. Mërkuri do t’ju vështirësojë pak raportet sentimentale. Ç’mund të bëni ju? Mos harroni se falë Venusit ju dukeni gjithmonë të ëmbël dhe joshës. Hiquni thjesht sikur asgjë s’ka ndryshuar.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Surpriza pafund! Këto janë 3 shenjat e horoskopit më me fat për këtë javë

LEXO EDHE:  Lajmi i keq / Nëse ishi-i  i tij ka këtë shenjë zodiaku ai nuk ka për ta harruar kurrë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Këto janë 3 shenjat e zodiakut që do përjetojnë ndryshime rrënjësore këtë javë

LEXO EDHE:  Horoskopi ditor/ Paolo Fox tregon çfarë do të ndodhë sot me shenjat e zodiakut

 

LEXO TE PLOTE
Lajme të Rekomanduara: