Connect with Us

Video-skandali i zv.Kancelarit/ Kryeministri austriak thërret zgjedhjet e parakohëshme

Aktualitet

Video-skandali i zv.Kancelarit/ Kryeministri austriak thërret zgjedhjet e parakohëshme

Publikuar

-

austria ne zgjedhje te parakoheshme

Kancelari austriak Sebastian Kurz bëri thirrje për zgjedhje të parakohëshme pas dorëheqjes së zëvendës kancelarit, që i dha fund koalicionit të tij qeverisës.

Zëvendës kancelari i Austrisë Heinz-Christian Strache dha dorëheqjen të shtunën, pasi dy gazeta gjermane, “Der Spiegel” dhe “Sueddeutsche Zeitung”, publikuan pamje filmike ku ai shfaqej tek i ofronte kontrata shtetërore një investoreje të dyshuar ruse, gjatë një feste në Ibica të Spanjës.

Kancelari Kurz tha se nuk mundi të arrinte një marrëveshje me udhëheqësit e Partisë së Lirisë mbështetës të politikave kundër-emigracionit të zotit Strache, për të çuar përpara koalicionin me Partinë Popullore të qendrës së djathtë.

Ai tha gjithashtu se një koalicion i mundshëm me socialdemokratët nuk do ta lejonte qeverinë austriake të zbatonte politikat e saj për uljen e borxhit e të taksave.

Dorëheqja e Heinz-Christian Strache konsiderohet një goditje për forcat populiste e nacionaliste që janë pro politikave më të forta ndaj emigracionit në Evropë. Ajo vjen vetëm pak ditë para zgjedhjeve për Parlamentin Europian të parashikuara të mbahen në datat 23-26 maj në 28 vende të BE-së.

LEXO EDHE:  TVSH për biznesin e vogël/ Tabaku: Ja parodia e fundit me regji në Kryeministri

Heinz-Christian Strache njoftoi dorëheqjen të shtunën dhe nuk pranoi pyetje nga gazetarët. E përditshmja gjermane “Sueddeutsche Zeitung” dhe e përjavshmja “Der Spiegel” publikuan të premten pjesë nga një video e fshehtë që tregonte zotin Strache tek i ofronte kontrata të qeverisë austriake një shtetaseje ruse që pretendonte se ishte e interesuar të investonte sasi të mëdha parash në Austri. Politikani 49-vjeçar tha se kishte qenë nën efektin e fortë të pijeve alkoolike dhe ishte ”sjellë si një adoleshent” në një përpjekje siç tha ai, për “t’i bërë përshtypje organizatores tërheqëse” të festës në një vilë në Ibica.

Më herët të shtunën, disa mijëra protestues të opozitës bënë thirrje për zgjedhje të reja përpara zyrës së kancelarit Kurz në Vjenë./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Pas pune, mblidhni sa më shumë vota për PS”/ Zëdhënësi i Metës i përgjigjet Lleshajt me videon e Ramës

Publikuar

-

Nga

Komisioni i Sigurisë ka rrëzuar sot dekretin e presidentit Ilir Meta për shtyrjen e procesit të Vettingut në Polici.

Pak më parë, Lleshaj dha disa argumenta përse duhet rrëzuar dekreti i Presidentit, që riktheu ndryshimet në ligjin për Vetingun në Polici, Gardë e SHÇBA.
Në përgjigje ministrit ka reaguar edhe presidenca, përmes zëdhënësit të Kreut të shtetit, Tedi Blushi.

Blushi ka postuar një video në rrjetet sociale nga fushata e PS në vitin 2017. Atë kohë kryeministri Edi Rama u bëri thirrje policisë që pas punës të heqin uniformat dhe të mbledhin sa më shumë vota për PS.

LEXO EDHE:  Dhuna ndaj Kryeministrisë/ Spaho i kundërpërgjigjet ambasadës franceze

LEXO EDHE:  Dhuna ndaj Kryeministrisë/ Spaho i kundërpërgjigjet ambasadës franceze

“I bëj thirrje gjithë punonjësve të policisë së Shtetit në momentin që lënë uniformën pas punës të përkushtohen për të marrë sa më shumë vota për PS,” tha Rama atë kohë.

Blushi është shprehur se nuk mund të mbahet peng Vettingu për fushatën e ardhshme të partisë.
“Një kujtesë për z.Lleshaj! Policia e Shtetit nuk mund të mbahet peng i vetting-ut selektiv për t’i bërë fushatën partisë,” shkruan Blushi./CNA.al

LEXO TE PLOTE

Politikë

Nuk ka 30% të listave të mbyllura/ Ja çfarë thotë marrëveshja e 5 qershorit

Publikuar

-

Nga

Nuk ka 30% të listave të mbyllura/ Ja çfarë thotë marrëveshja e 5 qershorit

Partia Demokratike ka reaguar pas miratimit në Komisionin e Ligjeve dhe Legjislacionit të ndryshimeve në Kushtetutë, që hapin listat dhe ndalojnë koalicionet parazgjedhore.

Në një reagim për mediat, PD thekson se kjo është vetëm një hapje e pjesshme e listave duke rrëzuar sipas tyre alibinë e Edi Ramës.

“Bie alibia, Rama nuk hap listat, por heq vetëm koalicionet parazgjedhore. Është zbardhur sot drafti i miratuar nga Komisioni i Ligjeve, ku PS ka bërë ndryshimet e saj në draftin e opozitës parlamentare. Në draftin e miratuar përcaktohet se listat e hapura shtrihen vetëm për 2/3 e listave, ndërkohë që 1/3 e listës caktohet në mënyrë të pandryshueshme nga partia.”-thuhet në reagimin e PD-së.

LEXO EDHE:  TVSH për biznesin e vogël/ Tabaku: Ja parodia e fundit me regji në Kryeministri

LEXO EDHE:  TVSH për biznesin e vogël/ Tabaku: Ja parodia e fundit me regji në Kryeministri

Në fakt, ajo çfarë pretendon PD-ja, duket se nuk është e vërtetë, pasi 30% është për koutat gjinore. Dhe nuk ka 30% të listave të mbyllura. Përkundrazi, marrëveshja e 5 qershorit, e Ramës me Bashën, thotë ekzaktësisht se 1/3 emra duhet të jenë femra.

Pra, mesa duket me ndryshimet e reja ligjore, listat do jenë të hapura, por 30% për të cilin flet opozita, është ruajtja e kuptave gjinore, që ajo ka kërkuar vetë në marrëveshjen e 5 qershorit./ CNA.al

LEXO TE PLOTE

Politikë

Skandalet e Vojo Bregut/ Toka kompanisë që e konsultonte vjehrri

Publikuar

-

Nga

Skandalet e Vojo Bregut/ Toka kompanisë që e konsultonte vjehrri

Investimet e huaja në Shqipëri, janë ndoshta ndër ato biznese që sjellin më shumë punësim për shqiptarët, por në vend të një strategjie efektive, ata përballen me burokracira, e madje edhe shkelje të ligjit nga ana e zyrtarëve shqiptarë.

I tillë është edhe rasti i një kompanie norvegjeze “Frupor” e cila shfaq interes për të ndërtuar një fermë të madhe në Komunën Topojë të Fierit. Investimi kapte shifrën e 22 milionë eurove ndërsa do të punësoheshin mbi 1300 persona.

Megjithatë firma në fjalë në Shqipëri u përball më një kalvar zvarritjesh që zgjati shtatë vite, dhe në fund, me një proçedurë mjaft të dyshimtë, u skualifikua nga gara, për t’u shpallur fituese një firmë që në fakt nuk kishte asnjë projekt.

Investigim.al, ka zbardhur të gjithë kalvarin e zvarritjeve, dhe po ashtu edhe shkeljet ligjore që janë bërë.

Kërkesën e parë është bërë më 11.02.2010 ndaj Ministrisë së Bujqësisë që në atë kohë drejtohej nga Genc Rulin. Në kërkesë shfaqej interesi për të marrë me koncesion tokë me sipërfaqe 1000-2000 hektar, duke u mbështetur te projekti i lançuar nga qeveria e djathtë “Shqipëria 1 euro”.

Pavarësisht se shihej si një investim strategjik, dhe kryeministri i asaj kohë, Sali Berisha kishte deklaruar publikisht mbështetje, procedurat u zvarritën, për disa kohë dhe më erdhi edhe ndryshimi i pushtetit.

Më 17.01.2015, në kohën që ministria e Bujqësisë drejtohej nga Edmond Panariti, i LSI-së, hapi procedurat për dhënien e tokës bujqësore me qira prej 1146 hektar në Komunën Topojë, Qarku Fier. Dhe pikërisht më 17 janar dhe fiks në orën e përcaktuar 10:00, investitorët norvegjezë të “Farm Albania” ndodheshin në sallën e hapjes së ofertave për të prezantuar projektin.

LEXO EDHE:  Basha “ngrin” protestat/ Zbulohet skenari që do çojë në zgjedhje të parakohëshme

LEXO EDHE:  Ministri gjerman i shkruan Bashës/ Jepi fund bojkotit, jo qeverisë teknike

Por, sipas investigim.al me një vendim të dyshimtë, investitorët norvegjezë, të cilët ishin të vetmit në sallën e ofertave, njoftohen për një shtyrje të orarit të hapjes së ofertave për në orën 14:00,  për shkak të mungesës së njërit prej anëtarëve të Bordit të Qiradhënies së Tokave Bujqësore.

Në orën 14:00, hyn në garë befasisht një kompani e cila nuk ishte prezantuar asnjëherë dhe që shfaq interes për të njëjtën parcel toke që kërkonin të merrnin me qira investitorët norvegjezë. Për çudi, kjo kompani e cila quhej “Agri Product Europe”, me administrator një hollandez Servatius Petrus Gerardus Huibers dhe ortak një shtetas nga Bangladeshi Mohammad Karim del fituese pa prezantuar asnjë projekt konkret në momentin e vlerësimit të ofertave.

Por, përtej shkeljeve dhe zvarritjeve proçeduriale që u bënë, ka edhe një tjetër detaj, që është një konflikt i pastër interesi.

Në atë kohë, Sekretar i Përgjithshëm i Ministrisë së Bujqësisë ishte Vojo Bregu, dhe “rastësisht” kompania që u shpall fituese kishte si konsulent jurdik avokatin B. N., i cili punon pranë studios ligjore në pronësi të vjehrrit të Vojo Bregut.

Për më tepër, më parë kjo studio ligjore drejtohej nga vetë Vojo Bregu./ CNA.al

Vijon…

LEXO TE PLOTE