Connect with Us

Nga apartamenti me vjehrrën tek luksi i Tiranës/ Hije dyshimi mbi pasurinë e gjyqtarit të Apelit

Aktualitet

Nga apartamenti me vjehrrën tek luksi i Tiranës/ Hije dyshimi mbi pasurinë e gjyqtarit të Apelit

Publikuar

-

Mbi 750 prokurorëve dhe gjyqtarëve u ka kaluar në sitë pasuria duke filluar nga kreditë, tek dhuratat, pasuritë e patundshme dhe trashëgimitë.

Pas verifikimit të pasurisë mbi 50 përqind e atyre që janë hetuar nga Vettingu, kanë përfunduar jashtë sistemit dhe pritet që të japin llogari para SPAK-ut.

Hetim pasuror është bërë edhe për ish kandidatin për kryetar të Gjykatës së Apelit në Tiranë, Gramoz Levanaj.

Po kush është gjyqtari Gramoz Levanaj?

Emri i tij është lakuar gjërësisht në vitin 2014 dhe ka lidhje me një vrasje të dyfishtë.

Saimir Tahiri, i cili në vitin 2014 ishte Ministër i Brendshëm, i pati kërkuar Presidentit të Republikës, që në atë ishte Bujar Nishani si kreu i Këshillit të Lartë të Drejtësisë që të verifikonte vendimin e gjykatës së Apelit, i cili la të lirë Gjin Nikën.

Nika i dyshuar si vrasës me pagesë dhe i lënë i lirë nga Gjykata e Apelit,  u ekzekutua mbrëmjen e 2 prillit të 2014 së bashku me shokun e tij, Fabio Xhunga.

Pas vrasjes së dyfishtë, Tahiri kërkoi ndërhyrjen e Presidentit të Republikës, në mënyrë që KLD-në të shqyrtonte vendimet e trupës së gjyqtarëve të Apelit, ku njëri prej tyre ishte Gramoz Levanaj.

“Vendimi i Apelit ishte një parathënie e një atentati mafioz që shkaktoi dy të vrarë. Vendime të tilla cënojne rëndë pritshmërinë për drejtësi dhe siguri”, shkruante Tahiri, në letrën që i dërgoi  Presidentit Nishani.

Se si ka përfunduar ky rast në KLD nuk dihet.

Ndërsa sa i përket aspektit pasuror,sipas të dhënave të publikuara nga Open Spending Albania, rezulton se gjyqtari Gramoz Levanaj nga deklarata fillestare e vitit 2003 me atë të vitit 2016, ka një ndryshim marramendës të pasurisë.

Në vitin 2003 ai deklaronte vetëm pagën e tij si gjyqtar në Kurbin dhe një apartament me sipërfaqe 136 m2, blerë në vitin për 6 300 000 lekë, në bashkëpronësi me vjehrrën, Liljana Isaj, shkruan CNA.al.

Më pas në vitet e tjera, rezulton që bashkëshorten e ka punësuar në Prokurorinë e Përgjithshme si specialiste pa e specifikuar specialitetin, për të vijuar më vonë me pagesat mbi 20 mijë euro për studimet e vajzës me punësimin e njërës nga vajzat në Ministrinë e Drejtësisë,

Në vitin 2005 ai deklaron deklaron se ka blerë një apartament me sipërfaqe 136.64 m2 dhe çmim blerje 109 280 euro, për të cilin thotë se ka marrë një kredi me vlerë 80 000 euro.

Një vit më vonë ai deklaron se ka shitur një apartament në shumën 120 000, ndërsa shton më tek se ka pa paguar 12 000 euro për studimet e vajzës.

Në vitin 2014 vajza  e tij Amantia Levanaj ka blerë një apartament me sipërfaqe 222 m2+verandë 371 m2, vlera 170 000 euro, por nuk e thotë vendin se ku.

Ndërsa në vitin 2016 ai ka deklaruar të ardhura gjyqtar Apeli, 1 342 448 lekë, të ardhura nga qiraja e nisur më 25.09.2008 të cilat depozitohen në llogarinë rrjedhëse në një bankë të nivelit të dytë. Shuma në llogari më 24.01.2017 është 701 292 lekë, nuke specifikon se cfarë ka dhënë me qira.

Megjithë të ardhurat, përfshirë edhe të pjesës tjetër të familjes, Levanaj deklaron se ka marrë hua me 06.06.2014 në shumën 50 000 euro.

Më poshtë po sjellim të detajuar pasurinë e deklaruar nga gjyqtari Gramoz Levanaj, sipas të dhënave të Open Spending Albania.

Viti 2003 (Deklarimi fillestar)

Apartament banimi me sip. 136 m2, blerë në vitin 2000 sipas kontratës së porosisë, me të ardhura nga shitja e ap. 3+1, i pahipotekuar, vlera 6 300 000 lekë, pjesa takuese 50 % (në bashkëpronësi me vjehrrën, Liljana Isaj).

Të ardhura nga paga nga Gjykata e Rrethit Kurbin, 1 080 000 lekë bruto.

Bashkëshortja, të ardhura nga paga në Prokurorinë e Përgjithshme Tiranë, 388 800 lekë.

Viti  2004

Paga vjetore Gramoz Levanaj 1 107 540 lekë.

Bashkëshortja paga në vlerën 541 500 lekë.

Viti 2005

Paga vjetore Gramoz Levanaj 1 130 000 lekë.

Bashkëshortja paga në vlerën 627 663 lekë.

Marrë kredi bankare më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Viti 2006

Paga vjetore Gramoz Levanaj 1 238 028 lekë.

Bashkëshortja paga në vlerën 600 454 lekë.

Shitur ap. banimi me sip. 136.7 m2, në vlerën 120 000 euro, pronar me 50%.

Detyrime të papaguara në vlerën 12 000 euro për studimet e vajzës.

Detyrime të papaguara në vlerën 80 000 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Detyrime të paguara në vlerën -4 000 euro për studimet e vajzës.

Viti 2007

Paga vjetore Gramoz Levanaj 1 240 000 lekë.

Bashkëshortja paga në vlerën 600 500 lekë.

Detyrime të papaguara në vlerën 3 700 000 lekë për një kredi bankare marrë për studimet e vajzës.

Viti 2008

Paga vjetore Gramoz Levanaj 1 060 800 lekë.

Qira në vlerën 660 000 lekë.

Bashkëshortja paga në vlerën 828 010 lekë.

Detyrime të papaguara në vlerën 29 000 euro për një kredi bankare marrë për studimet e vajzës.

Detyrime të papaguara në vlerën 66 000 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Viti 2009

Paga vjetore Gramoz Levanaj 1 236 000 lekë.

Qira në vlerën 600 000 lekë.

Bashkëshortja paga në vlerën 696 000 lekë.

Detyrime të papaguara në vlerën 2 800 000 lekë për një kredi bankare marrë për studimet e vajzës.

Detyrime të papaguara në vlerën 64 000 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Viti 2010

Paga vjetore Gramoz Levanaj 1 320 864 lekë.

Qira në vlerën 600 600 lekë.

Bashkëshortja paga në vlerën 671 307 lekë.

Detyrime të papaguara në vlerën 2 351 565 lekë për një kredi bankare marrë për studimet e vajzës.

Detyrime të papaguara në vlerën 62 461 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Viti 2011

Paga vjetore Gramoz Levanaj 1 459 300 lekë.

Qira në vlerën 600 600 lekë

Bashkëshortja paga në vlerën 671 303 lekë.

Vajza paga në vlerën 264 000 lekë.

Detyrime të papaguara në vlerën 60 588 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Detyrime të paguara në vlerën -2 351 565 lekë për një kredi bankare marrë për studimet e vajzës.

Viti 2012

Paga vjetore Gramoz Levanaj 1 530 403 lekë.

Qira në vlerën 600 600 lekë.

Bashkëshortja paga në vlerën 916 854 lekë.

Vajza paga në vlerën 132 000 lekë.

Detyrime të papaguara në vlerën 58 000 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%, për blerjen e një ap. banimi me sip. 136.64 m2 dhe çmim blerje 109 280 euro.

Viti 2013

Paga vjetore Gramoz Levanaj 2 077 870 lekë.

Qira në vlerën 720 000 lekë.

Bashkëshortja paga në vlerën 311 121 lekë.

Vajza paga në vlerën 568 007 lekë.

Blerjen e një ap. banimi me sip. 136.64 m2 dhe çmim blerje 109 280 euro. Detyrime të papaguara në vlerën 56 260 euro për një kredi bankare marrë më 21.12.2005 me principal 80 000 euro, afat shlyerje 15 vjet dhe interes 7%.

Viti 2014

Të ardhura nga paga, 1 304 184 lekë.

Bashkëshortja, të ardhura nga paga si specialiste pranë Prokurorisë së Përgjithshme, 718 967 lekë.

Vajza, Abigena Levanaj, të ardhura nga paga si specialiste pranë Ministrisë së Drejtësisë, 653 368 lekë.

Vajza, Amantia Levanaj, të ardhura nga paga si juriste pranë kompanisë së ndërtimit “Sara – El” sh.a, 720 000 lekë.

Bashkëshorti i vajzës, Amantia Levanaj, të ardhura nga paga si menaxher shitjesh pranë kompanisë “ARAL”, 1 200 600 lekë.

Detyrim për shlyerje huaje ndaj një personi të tretë për 5 vjet, pa interes, detyrimi financiar i pashlyer, 50 000 euro.

Kredi bankare në një bankë të nivelit të dytë, detyrimi financiar i pashlyer 35 169 euro.

Vajza, Abigena Levanaj, kredi bankare në një bankë të nivelit të dytë, 500 000 lekë, detyrimi financiar i pashlyer 272 566 lekë.

Vajza, Amantia Levanaj, pronare me 50 % e një ap. me sip. 222 m2+verandë 371 m2, vlera 170 000 euro.

Vajza, Amantia Levanaj, kredi bankare në një bankë të nivelit të dytë, 70 000 euro, detyrimi financiar i pashlyer 69 216 euro.

Viti 2015

Të ardhura neto nga paga për vitin 2015 si gjyqtar Apeli, 1 702 924 lekë.

Të ardhura nga qiraja e nisur më 25.09.2008 të cilat depozitohen në llogarinë rrjedhëse në një bankë të nivelit të dytë Shuma në llogari më 31.12.2015 është 140 252.95 lekë.

Bashkëshortja, Znj. Rajmonda Levanaj të ardhura neto nga paga për vitin 2015 si specialiste në Prokurorinë e Përgjithshme Tiranë, 731 206 lekë.

Vajza, Znj. Abigena Levanaj, të ardhura nga paga neto për vitin 2015 si specialiste pranë Ministrisë së Drejtësisë, 676 836 lekë.

Vajza, Znj. Amantia Levanaj, të ardhura nga paga si pedagoge në Fakultetin e Drejtësisë, 81 000 lekë.

Vajza, Znj. Amantia Levanaj, të ardhura nga paga si juriste në firmën ‘Sara-el’ sh.p.k, 820 000 lekë.

Bashkëshorti i vajzës, Znj. Amantia Levanaj, Z. Arqile Arshiaj, të ardhura nga puna si menaxher pranë ‘Aral’ sh.p.k, 1 440 000lekë.

Vajza, Znj. Amantia Levanaj, të ardhura nga firma ‘Enea Ismailaj’, 22 000 lekë në muaj, 264 000 lekë.

Hua ndaj një personi tjetër marrë më 06.06.2014 në shumën 50 000 euro, pa interes, me afat 5-vjeçar. Detyrimi i mbetur pashlyer 50 000 euro.

Kredi bankare në një bankë të nivelit të dytë, shlyer plotësisht.

Vajza, Znj. Abigena Levanaj, kredi bankare në një bankë të nivelit të dytë në shumën 500 000 lekë. Detyrimi i shlyer plotësisht gjatë vitit 2015 është 272 566.34 lekë.

Vajza, Znj. Abigena Levanaj, kredi bankare marrë më 31.12.2015 në një bankë të nivelit të dytë, e përbashkët me një person tjetër në shumën 450 000 lekë.

Vajza, Znj. Amantia Levanaj, kredi bankare në një bankë të nivelit të dytë në shumën 69 232.62 euro. Detyrimi i shlyer, 1 943.91 euro, detyrimi i mbetur pashlyer, 67 289.71 euro.

Viti 2016

Të ardhura neto nga paga për vitin 2016 si gjyqtar Apeli, 1 342 448 lekë.

Të ardhura nga qiraja e nisur më 25.09.2008 të cilat depozitohen në llogarinë rrjedhëse në një bankë të nivelit të dytë Shuma në llogari më 24.01.2017 është 701 292 lekë.

Bashkëshortja, Znj. Rajmonda Levanaj të ardhura neto nga paga për vitin 2016 si specialiste në Prokurorinë e Përgjithshme Tiranë, 728 208 lekë.

Vajza, Znj. Abigena Levanaj, të ardhura nga paga neto për vitin 2016 si specialiste pranë Ministrisë së Drejtësisë, 679 284 lekë.

Vajza, Znj. Amantia Levanaj, të ardhura nga paga për vitin 2016 si pedagoge, 51 199 lekë.

Vajza, Znj. Amantia Levanaj, të ardhura nga si juriste 97 680 lekë.

Bashkëshorti i vajzës, Znj. Amantia Levanaj, Z. Arqile Arshiaj, të ardhura nga aktiviteti tregtar, 986 780 lekë. lekë.

Bashkëshorti i vajzës, Znj. Amantia Levanaj, Z. Arqile Arshiaj, të ardhura vjetore, 136 752 lekë.

Gjendja cash, 500 000 lekë.

Hua ndaj një personi tjetër marrë më 06.06.2014 në shumën 50 000 euro, pa interes, me afat 5-vjeçar. Detyrimi për t’u shlyer, 50 000 euro.

Vajza, Znj. Abigena Levanaj, kredi bankare në një bankë të nivelit të dytë në shumën 300 000 lekë. Gjendja e mbetur pashlyer, 235 361 lekë.

Vajza, Znj. Abigena Levanaj, kartë krediti, gjendja më 31.2.2016 është 405 euro.

Vajza, Znj. Amantia Levanaj, kredi bankare në një bankë të nivelit të dytë marrë më 11.07.2014 në shumën 70 000 euro. Detyrimi i mbetur pashlyer deri më 24.01.2017 është 65 239.98 euro.

Vajza, Znj. Amantia Levanaj, kredi marrë më 11.02.2016. Detyrimi i mbetur pashlyer deri më 31.01.2017 është 826 630 lekë./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE